Biblia Todo Logo
Bib sou entènèt

- Piblisite -




San Mateo 28:8 - Nuevo Testamento Uwotjüja

8 Nä̧tü̧mä̧ wa'are rütäwomȩttü̧ jurunä̧ rä'opächü ye'ükkä̧nü̧, rü̧ȩnä̧ eseunu̧ u̧mü̧wä̧yotürü wȩnȩ ji'äu 'chä̧nü̧ jopinä̧tü̧.

Gade chapit la Kopi

TÄ̧DO Ä̧CUÄ̧ I̧HUȨNȨ

8 Ja̧'hua̧ ja̧'a̧ttö̧ jahuätö nä̧tö̧mä̧ jurunä rä'opächinätödo idorättö. Jahuätö ye'ecu'inä, ye'ecuinätödo. Eseunu'inä, esehuinätödo. U̧huo̧juȩtä̧u̧ru̧ jittähua pä'ö jurunä jopächinätödo.

Gade chapit la Kopi




San Mateo 28:8
9 Referans Kwoze  

Ja̧'wa̧nü̧ jä̧u̧, nä̧tü̧mä̧ ye'i'ü tti̧'ä̧u̧kkä̧nü̧ wa'are idorättü rä'opächü, dü'ekuächinä̧tü̧. Ja̧'wa̧nü̧ ye'äjä'kotü, yoriso ya̧tȩrü̧'i̧nä̧, ya'utekutä ji'äwokotü pinä̧tü̧.


Isopäi'ünä̧ pädäu̧jä̧: Ukutumä̧ kua̧'kua̧ tta̧'ȩku̧ kuajuäkuäwäkuotüjä̧, pi̧jä̧ ttü̧ja̧mä̧ tteseäkuäwa'anä̧. Ja̧'wa̧nü̧ ja̧'a̧nä̧, kua̧'kua̧ tta̧kuȩkuä̧tu̧ku̧mä̧, eseäkuäwänä̧tä̧ kui'ärowächäkuotüjä̧.


Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.


Jitätä jurunä̧ tätukui, u̧wo̧juȩtä̧u̧rü jikuäwätukua wa'arettü ttoächäji wȩnȩ, ukututä kuä'katukunä̧ Galirea rȩjȩra̧'a̧ 'chü̧, jua'attü to'kuätukuarü, täkü jidäwä̧u̧jä̧.


Ja̧'wa̧nü̧ jotta'a Jesú-mä̧ nä̧tü̧ ttä'ka jo̧mȩ rä'o'ü, Dio-tä tta̧wä̧rä̧tu̧kuä̧ku̧ päinä̧u̧. Juätü nä̧tü̧mä̧ Jesú-ru tü'künä̧nü̧ pä'i'ü ü̧jä̧pü̧nä̧ wa'adi'ü ttiwe'kiyunä̧ pȩjä̧mü̧ esewinä̧tü̧.


Swiv nou:

Piblisite


Piblisite