San Mateo 28:3 - Nuevo Testamento Uwotjüja

³ Á̧gȩ-mä̧ ku'upä ürowa'a 'kua̧rü̧nä̧ kkä̧dȩpi̧nü̧ ja̧'wa̧ta̧nü̧ ü̧'ka̧tä̧wä̧ta̧mä̧ diyawa'a isoppa jä̧'i̧nü̧'a̧nü̧ teina̧'a̧.

TÄ̧DO Ä̧CUÄ̧ I̧HUȨNȨ

³ Cu'upä örohua'a jä̧'i̧nö̧'a̧nö̧ tȩa̧hui̧na̧'a̧do. Ö̧'ca̧tä̧huä̧ta̧ koro teö juäittö'inä abonänö teina'ado.

San Mateo 28:3 Referans Kwoze

Hechos 1:10

Ja̧'wa̧nü̧ käekuächi̧yä̧u̧, mo̧ro̧jä̧ra̧'a̧ to̧ttä̧ro̧mȩ 'kä̧tȩnä̧, ttü̧ja̧ ta̧ju̧, teü o̧ta̧ 'ka̧tä̧wä̧tü̧ kka̧kuä̧mü̧,

San Marcos 9:3

Ja̧'wa̧nü̧ ja̧'a̧ ü̧'ka̧tä̧wä̧ta̧mä̧ kkä̧dȩ'ü̧nä̧ pärowächi'ina̧'a̧, ja̧'wa̧ta̧nü̧ rü̧ä̧nä̧ teünä̧tä̧, rü̧ä̧nä̧ ttütükaja pä'ü'i̧nä̧ tei'okomȩnä̧.

San Marcos 16:5

Ja̧'wa̧nü̧ ja̧'a̧, wa'are idoränä̧ dottächi'omȩnä̧, mü̧ä̧ya̧ ü̧'ka̧tä̧wä̧ta̧ tȩä̧ta̧ otoünä̧ 'ka̧tä̧u̧ru̧, wa'are pä̧jä̧mȩ u̧wo̧jua̧'a̧ku̧nä̧ ü̧'a̧'a̧ topinä̧tü̧. Ja̧'wa̧nü̧ ü̧'a̧'a̧ topü, nä̧tü̧mä̧ rü̧ȩnä̧ ye'inä̧tü̧.

Apocalipsis 18:1

Jua̧u̧ 'kuäopäji o'ka'a, kka̧ra̧ á̧gȩ mo̧ro̧jä̧ra̧'a̧ttü̧ i̧mȩyȩwi̧'a̧'a̧ topinü̧sä̧; jua̧u̧mä̧ rü̧ȩnä̧ ukuo kku̧nä̧ri̧nü̧, i̧tȩya̧u̧ttü̧ pi̧jä̧nä̧mä̧ tȩya̧wi̧na̧'a̧.

San Juan 20:12

Á̧gȩrȩ ta̧ju̧ru̧ topinä̧ju̧ ttü̧'ka̧tä̧wä̧ti̧yu̧ te'ätürü, Jesú o'ko jäwä ttütäjomȩ ttü̧'ȩja̧'a̧; ya̧tȩmä̧ U jä̧ja̧'a̧ku̧nä̧ ja̧'wa̧ta̧nü̧ kka̧ra̧mä̧ ü̧jä̧pi̧yä̧ jä̧ja̧'a̧ku̧nä̧, jü̧nä̧.

Apocalipsis 10:1

Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

San Mateo 17:2

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

San Mateo 28:4

Su̧ro̧do̧u̧mä̧ jua̧u̧ topü ye'ü ttü̧ttä̧wa̧'a̧ttü̧, 'korujuo'ächätü jä̧'i̧nü̧'a̧nü̧ pä'i'inä̧tü̧.