San Mateo 28:18 - Nuevo Testamento Uwotjüja

¹⁸ Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

TÄ̧DO Ä̧CUÄ̧ I̧HUȨNȨ

¹⁸ Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Mateo 28:18 Referans Kwoze

San Juan 3:35

Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧.

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

Hebreos 2:8

«Ukú kuaditäwänä̧ weta pä'ü kuiyinä̧u̧jä̧.» Isopäi'ünä̧ o'kajuiyünä̧ weta pä'ü turuwo iyinä̧u̧jä̧; ja̧'wa̧nü̧ Dio-mä̧ iyina'amä̧, aditäwättümä̧ Jua̧u̧ru̧ jarodümä̧ yorisotä juiya'a. Ja̧'wa̧nü̧ ja̧'a̧nä̧, ji̧nä̧ topokotüjä̧ o'kajuiyünä̧tä̧ pi̧jä̧ jäwä jua̧u̧ru̧ ukuota'amä̧.

1 Corintios 15:27

Isopäi'ünä̧ Dio i̧wȩnȩmä̧ pä'a: Dio-mä̧ iyinä̧ku̧ o'kajuiyünä̧ i̧dȩa̧'a̧ jü̧nä̧ wea pä'ütä. Jua'a «o'kajuiyünä̧» pä'amä̧, Dio-rümä̧ päoka'a, jua̧u̧tä̧ o'kajuiyünä̧ iyinü̧tä̧ ja̧'a̧ttü̧ wea pä'ü.

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

Hebreos 1:2

Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

Colosenses 2:10

Ja̧u̧nä̧tä̧ ujurumä̧ o'kajuiyünä̧ kka̧kuä̧mü̧ topü Dio-mä̧, ja̧'wa̧ta̧nü̧ Crito-tä ja̧'a̧, o'katoi'ünä̧ epíritu-tu̧ juruwätü'i̧nä̧, pi̧jä̧nä̧ttü̧ ruwo we'ätü'i̧nä̧ ttu̧wä̧mȩnä̧ wa̧mä̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

Apocalipsis 19:16

Ja̧'wa̧ta̧nü̧ ü̧'ka̧tä̧wä̧ta̧nä̧'i̧nä̧, üjanä̧'i̧nä̧ pa̧'a̧nü̧ i̧mi̧ wȩyu̧kua̧'a̧ rü̧tä̧ri̧nü̧: «Ruwotü'i̧nä̧ ttu̧ru̧wa̧ ja̧'wa̧ta̧nü̧ tturuwotü'i̧nä̧ ttu̧ru̧wa̧,» jü̧nä̧.

Romanos 14:9

Isopäi'ünä̧ Tu̧ru̧wa̧ Crito-mä̧ pi̧yȩtä̧ ja̧'a̧tȩ'ü̧ 'korujuo'ächäji̧'ka̧, pä'äjita'anü̧ tto'ächinü̧: A̧'kua̧rä̧tü̧'i̧nä̧, 'korujuo'ächinä̧tü̧'i̧nä̧ Ttu̧ru̧wa̧ ja̧ pä'ü.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Juan 3:31

Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧.