San Mateo 28:17 - Nuevo Testamento Uwotjüja

¹⁷ Ja̧'wa̧nü̧ tti̧'chä̧ja̧'a̧ Jesú-ru topümä̧ ttiwe'kiyunä̧ pä̧mä̧dü̧ esewinä̧tü̧, yotukunä̧mä̧ ttesetü juiyünä̧ ji̧nä̧u̧, Jesú pä'ümä̧.

TÄ̧DO Ä̧CUÄ̧ I̧HUȨNȨ

¹⁷ Jesúsru tottomenä, ja̧u̧ru̧ eseunu ucuocuinätödo. Ja̧'hua̧nö̧ ja̧'a̧nä̧ korotö pö̧nä̧ iso päi'önä Cristo ja̧ pä'ömä esetocotö pi̧nä̧tö̧do.

San Mateo 28:17 Referans Kwoze

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Mateo 28:9

Ja̧'wa̧nü̧ jotta'a Jesú-mä̧ nä̧tü̧ ttä'ka jo̧mȩ rä'o'ü, Dio-tä tta̧wä̧rä̧tu̧kuä̧ku̧ päinä̧u̧. Juätü nä̧tü̧mä̧ Jesú-ru tü'künä̧nü̧ pä'i'ü ü̧jä̧pü̧nä̧ wa'adi'ü ttiwe'kiyunä̧ pȩjä̧mü̧ esewinä̧tü̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

1 Corintios 15:6

Jua̧u̧nü̧ o'ka'amä̧, quinientos'i̧nä̧ yabonä̧ wotü tawaruwä ti̧jä̧wa̧tü̧rü̧'i̧nä̧ i̧jȩkui̧nü̧, juätüttümä̧ ji̧nä̧ a̧'kua̧rä̧tü̧, kkorotümä̧ 'korujuottächina̧'a̧nä̧.

San Marcos 16:11

Ja̧'wa̧nü̧ ja̧'a̧, juätümä̧, Jesú-mä̧ a̧'kua̧ri̧'ä̧ji̧ päji, tochäjäku pä'ü jijäwa'anä'i̧nä̧ esetokotü pinä̧tü̧.

San Marcos 16:13

Juätümä̧ kkorotürü ji'äu 'chi̧nä̧tü̧; jittäwomȩnä̧, juätürü'i̧nä̧ yoriso esetokotü pinä̧tü̧.

San Marcos 16:14

Jua̧u̧ jä̧ji̧ o'ka'amä̧, o̧cȩnü̧ wotü u̧wo̧juȩtä̧u̧ pä'ijätü mesa-nä̧ ttü̧'ȩja̧'a̧, Jesú-mä̧ i̧jȩkui̧nü̧. Ttoächaja'a topäjätü jittäwa'anä̧ ttesetokomȩjä̧mȩnä̧, tta̧'kua̧ ttu̧wȩnä̧ro̧kü̧ tü'kü'i̧nä̧, tta̧mi̧ 'kitteku tü'kü'i̧nä̧ pä̧i̧ku̧nä̧ päinä̧u̧.

Hechos 1:3

Ja̧'wa̧ta̧nü̧ juätürümä̧, usurä ȩmä̧u̧ wa'ü ikuäja'attü tto'ächäji̧'ka̧mä̧, wäjuönä̧ ttu̧wo̧juö̧nä̧tä̧, ttü̧ja̧ ta̧ju̧ mo̧ro̧ jo̧mȩnä̧ i̧jȩkui̧nä̧u̧, ru̧wa̧ Dio weü wȩnȩ ji'äu kkä̧nü̧.