San Mateo 28:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧ ttü̧jä̧pü̧ttü̧ ya̧tȩnü̧ wotü u̧wo̧juȩtä̧u̧mä̧ Galirea rȩjȩ mü̧ä̧'kara̧'a̧, Jesú jiäwäjita'anü̧ 'chi̧nä̧tü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ttö̧ u̧huo̧juȩtä̧u̧mä̧ ttö̧jä̧pö̧ttö̧nö̧ ya̧tȩnö̧ Galilea rȩjȩra̧'a̧ 'chi̧nä̧tö̧do. Jesús päinähuänä tta̧'ä̧rö̧ 'chi̧nä̧tö̧do.

San Mateo 28:16 Referans Kwoze

San Mateo 26:32

Ja̧'wa̧nü̧ ja̧'a̧nä̧, wa'arettü ttodächi'omȩnä̧mä̧, Galirea-ra̧'a̧ kuä'katukunä̧ chi̧'chä̧kua̧sä̧.

San Mateo 28:10

Ja̧'wa̧nü̧ ja̧'a̧ Jesú-mä̧ päinä̧u̧: —Yekuekuätukuä chu̧wo̧juȩtä̧u̧rü Galirea rȩjȩra̧'a̧ tti̧'cha̧ ji'äwätukui, jua'attü tottattü.

San Mateo 28:7

Jitätä jurunä̧ tätukui, u̧wo̧juȩtä̧u̧rü jikuäwätukua wa'arettü ttoächäji wȩnȩ, ukututä kuä'katukunä̧ Galirea rȩjȩra̧'a̧ 'chü̧, jua'attü to'kuätukuarü, täkü jidäwä̧u̧jä̧.

San Marcos 16:14

Jua̧u̧ jä̧ji̧ o'ka'amä̧, o̧cȩnü̧ wotü u̧wo̧juȩtä̧u̧ pä'ijätü mesa-nä̧ ttü̧'ȩja̧'a̧, Jesú-mä̧ i̧jȩkui̧nü̧. Ttoächaja'a topäjätü jittäwa'anä̧ ttesetokomȩjä̧mȩnä̧, tta̧'kua̧ ttu̧wȩnä̧ro̧kü̧ tü'kü'i̧nä̧, tta̧mi̧ 'kitteku tü'kü'i̧nä̧ pä̧i̧ku̧nä̧ päinä̧u̧.

1 Corintios 15:15

Ja̧'wa̧nü̧ wa'arettü ttoächäkuäwä juiyüttümä̧, ujutumä̧ yapareu jitäwä'ija'atä ja̧'a̧ Dio ütü'kü jitäwä'ija'amä̧, Dio-mä̧ Crito-rü tto'ädinü̧ pä'ü jitäwa'attü̧.

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

San Marcos 14:28

Ja̧'wa̧nü̧ ja̧'a̧nä̧, wa'arettü ttodächü o'ka'amä̧, Galirea rȩjȩra̧'a̧ kuä'katukunä̧ chi̧'chä̧kua̧sä̧.

San Marcos 15:41

Pitü nä̧tü̧mä̧, Jesú-ku Galirea-ra̧'a̧ ü̧jä̧i̧ kue'ächü ppä'ädä̧'ä̧ri̧nä̧tü̧'i̧nä̧ ja̧'a̧nä̧, kkorotü nä̧tü̧ chutäku Jerusarȩ́-ra̧'a̧ ichäjätü'i̧nä̧ ji̧na̧'a̧.

San Marcos 16:7

Ja̧'wa̧nü̧ ja̧'a̧nä̧, Peduru-rü'i̧nä̧, u̧wo̧juȩtä̧u̧ pä'ijätürü'i̧nä̧ ji'äwäjätukui, Galirea-ra̧'a̧ kuä'katukunä̧ 'chü̧ pä'ü; jua'attütä to'kuätukuä̧kua̧ päinü̧ta'anü̧ pä'inä̧tü̧.