San Mateo 27:54 - Nuevo Testamento Uwotjüja

⁵⁴ Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

TÄ̧DO Ä̧CUÄ̧ I̧HUȨNȨ

⁵⁴ Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

San Mateo 27:54 Referans Kwoze

San Marcos 15:39

Ja̧'wa̧ta̧nü̧, su̧ro̧do̧u̧ ttu̧ru̧wa̧ ja̧'wa̧nü̧ 'korupäi'a'a pä̧tȩkuä̧nü̧ to̧pä̧rü̧ kkä̧ji̧mä̧, pä'inü̧: —Isopäi'ünä̧tä̧, pidemä̧ Dio i̧tti̧ jä̧'i̧ja̧'a̧dä̧.

San Mateo 27:36

Ja̧'wa̧nü̧ ja̧'a̧, juȩnȩtä̧ pȩjü̧ tta̧ttä̧ri̧nä̧ku̧.

San Mateo 27:43

Dio I̧tti̧sä̧ pä'ä'ijü, wä̧i̧nä̧ Dio-tä ppädäku: ¡isopäi'ünä̧ Dio repeäku jü̧ttü̧mä̧, Dio wa'arettü ü̧ji̧pü̧nä̧ ppä̧dä̧kua̧!

Hechos 27:43

Ja̧'wa̧nü̧ ja̧'a̧nä̧ su̧ro̧do̧u̧ ttu̧ru̧wa̧mä̧, Pauru-rü ppäda pä'ü, ja̧'wa̧nü̧ jȩttü̧ juiyünä̧tä̧, ajenä̧ kuottü'anü̧ wotümä̧ ä'kanä̧ kuotti'iyarü pä'ütä we'inü̧, rȩjȩra̧'a̧ päti'a pä'ümä̧.

Hechos 27:1

Täkü ujuturu, Itaria rȩjȩra̧'a̧ we'ü ttikuomȩmä̧, Pauru-rü'i̧nä̧, kkorotürü'i̧nä̧ kärenä̧ pȩjä̧tü̧rü̧mä̧, su̧ro̧do̧u̧ ttu̧ru̧wa̧ Juriu pä'ü mi̧kua̧, emperador u̧mü̧wä̧ya̧ u̧mü̧nä̧ we'inä̧tü̧.

Hechos 23:23

Ja̧'wa̧nü̧ ji̧yä̧ku̧, comu̧da̧temä̧, i̧dȩa̧'a̧nä̧ we'ätü capita̧tü̧ ta̧ju̧ru̧ wopo'äji̧'ka̧, we'inü̧ dosciento-nü̧ jo̧mȩnä̧ su̧ro̧do̧u̧ru̧mä̧, cabayu-tü̧mä̧ setenta-nü̧ jo̧mȩnä̧, dakuodiyä ȩpä̧tü̧mä̧ dosciento-nü̧ jo̧mȩnä̧ pojopü ttu̧ju̧ni̧ya̧rü̧, Cesarea ütawiyära̧'a̧, yodó las nueve päi'omȩnä̧ rättopäkua'a ja̧'a̧.

Hechos 21:32

Jua̧u̧mä̧, umüwäyotü su̧ro̧do̧u̧ru̧ ȩmi̧pü̧ jua'aku topo'ü 'chi̧nü̧. Ja̧'wa̧nü̧ ja̧'a̧ ttü̧ja̧mä̧, su̧ro̧do̧u̧'i̧nä̧, ttu̧ru̧wa̧'i̧nä̧ ichi'a'a topü, Pauru-rü kuäkuättäja'amä̧ kä'ädäkuäwinä̧tü̧.

San Mateo 8:5

Jesú-mä̧, Cafarnaúm ütawiyänä̧ i̧'chi̧'a̧'a̧, ya̧tȩ Roma-ttü̧ su̧ro̧do̧u̧ ttu̧ru̧wa̧ ichi'ü ajuäkuäwuönü̧:

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Hechos 23:17

Jua̧u̧ ä̧ju̧ku̧, Pauru-mä̧ su̧ro̧do̧u̧ tturuwotüttü ya̧tȩrü̧ wopo'ü pä'inü̧: Pide mü̧ä̧ya̧rü̧ ku̧ru̧wa̧ ü̧ja̧'a̧ o'ipi, ji̧yȩtȩ jiäwarü.

Hechos 10:1

Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.

Hechos 2:37

Ja̧'wa̧nü̧ jiäwa'a ä̧ju̧ku̧, tta̧'kua̧tta̧ pä̧'i̧'ä̧u̧, Peduru-rü'i̧nä̧ ja̧'wa̧ta̧nü̧ kkorotü apótore-rü'i̧nä̧ jä'epü ä̧ju̧kui̧nä̧tü̧: —Chawaruwä chi̧jä̧wa̧tü̧ ¿däjé jȩtü̧'a̧nü̧ttü̧ ujutumä̧?

San Juan 19:7

Judío tturuwotümä̧ ädätinä̧tü̧: —Ujutumä̧, weäwä wȩnȩ kku̧nä̧rä̧tü̧jä̧, jua̧u̧ pä'aku 'korujuoächa pä'ütä ja̧'a̧, Dio I̧tti̧ jü̧nä̧, a̧mü̧nä̧ päkuäwäja̧'a̧ttü̧.

San Lucas 22:70

Ja̧'wa̧nü̧ ja̧'a̧ o'katoi'ünä̧ pättinä̧ku̧: —¿Ja̧'wa̧nü̧ ja̧'a̧ttü̧ ukutäjä̧ Dio i̧tti̧mä̧? Jesú-mä̧ ädätinä̧u̧: ukututäjä̧ A̧ pä'ätümä̧.

San Mateo 27:40

pä'inä̧tü̧: —¡Uku Dio-rü ukuokuäkuäwode pparopü ikuipü wäbodäkuä mo̧ro̧tä̧ kuaditäkua̧jä̧ päkuina̧'a̧mä̧! ¡Isopäi'ünä̧ Dio I̧tti̧ kuttümä̧ kua̧mü̧nä̧ pa̧ja̧tü̧ kki̧'ä̧kuä̧u̧ ü̧jo̧kä̧ jäittü mȩyȩwä̧chi̧!

San Mateo 26:63

Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

San Mateo 27:51

'Korupäi'omȩnä̧, Dio-rü ukuokuäkuäwode i̧sä̧ta̧, jo'tojunä̧ttü̧ kkä̧mä̧dü̧, rȩjȩku̧ kkä̧'ko̧ta̧nä̧ sȩrä̧wi̧'i̧na̧'a̧. Rȩjȩ'i̧nä̧ ttü̧ȩpi̧na̧'a̧ inä̧wiyä'i̧nä̧ dürächipina̧'a̧