San Mateo 27:32 - Nuevo Testamento Uwotjüja

³² Juorü rättopomȩnä̧ Cirene ütawiyä ttü̧ja̧sa̧ Simón pä'ü mi̧kua̧rü̧ po̧kui̧po̧'ü̧ Jesú-ru pȩ'o̧pü̧ ttu̧ju̧nä̧kuäi ü̧jo̧kä̧jäi ȩpü̧nä̧ wettinä̧ku̧.

TÄ̧DO Ä̧CUÄ̧ I̧HUȨNȨ

³² Ru̧hua̧ ojusodettö rättopomenä, ya̧tȩ Cirene ttö̧ja̧ i̧sa̧rö̧ po̧cui̧pi̧nä̧tö̧do. Ja̧u̧mä̧ Simón pä'ö mi̧cui̧nö̧do. Ja̧u̧ru̧ hue'inätödo Jesúsru pȩ'o̧pö̧ ttu̧ju̧nä̧cuodä ȩpa̧ pä'ö.

San Mateo 27:32 Referans Kwoze

San Marcos 15:21

Ja̧'wa̧nü̧ ja̧'a̧, Simón pä'ü mi̧kua̧, Cirene ttü̧ja̧sa̧, Alejandro'i̧nä̧, Rufo'i̧nä̧ ttä'orü pättara̧'a̧ttü̧ ppa̧'ä̧chü̧ juȩnȩnä̧ 'kuäopa'a ja̧'a̧. Jua̧u̧ru̧, ra̧wärü̧nü̧ we'inä̧tü̧, ü̧jo̧kä̧nü̧ kkä̧nü̧ toe'ächäkuäi ȩpi̧ya̧rü̧ pä'ü.

San Lucas 23:26

Täkü Jesú-ru ü̧jo̧kä̧nü̧ jäinä̧ 'koru päi'a pä'ü kku̧nu̧ tti̧'cho̧mȩnä̧. Pättara̧'a̧ttü̧ ichürü, Cirene ütawiyä i̧sa̧, Simón pä'ü mi̧kua̧rü̧ 'chu'ädo'ü, ü̧jo̧kä̧ jäi u̧wä̧do̧wa̧ pä'ü wettinä̧ku̧, Jesú o'ka'anä̧.

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

Hechos 2:10

Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧;

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

San Juan 19:17

Ja̧'wa̧nü̧ ja̧'a̧, Jesú-mä̧ ü̧jo̧kä̧ jäi wä̧do̧wä̧nü̧ 'chi̧nü̧, Calavera pä'ü mikuomȩku̧; hebreo tti̧wȩnä̧mä̧ Gólgota pä'ü mikuomȩku̧.

Hechos 7:58

Ja̧'wa̧nü̧ jȩpü̧ ütawiyättü rä'epächü, ido'kiyänä̧ ikuäu ttikuinä̧ku̧; ja̧'wa̧nü̧ ja̧'a̧ yapareu ji'äu jua̧u̧ru̧ iyü ikuäjätümä̧ tti̧ä̧rȩti̧yu̧ kko̧sä̧u̧ rütinä̧tü̧, mü̧ä̧ya̧ Sauro ü̧jä̧pi̧yä̧ kkada'ka.

San Mateo 5:41

Ja̧'wa̧ta̧nü̧ ya̧tȩ ya'ute kilómetro jo̧mȩnä̧ a̧mä̧kü̧ kuȩpü̧nä̧ weüttümä̧, todäre kilómetro jo̧mȩnä̧ ȩpi̧yi̧rü̧.