San Mateo 27:31 - Nuevo Testamento Uwotjüja

³¹ Ja̧'wa̧nü̧ jȩpü̧, ya̧'a̧wä̧'chü̧ kuäkuäpäjä'kotü, tu̧wä̧ta̧ kko̧'ä̧dü̧ iku, ji̧nä̧so ü̧'ka̧tä̧wä̧ta̧ jä̧jä̧ta̧tä̧ 'ka̧ti̧pü̧ ü̧jo̧kä̧ jäinä̧ pȩ'o̧pü̧ ttu̧ju̧na̧rü̧ pä'ü ttȩpi̧nä̧ku̧.

TÄ̧DO Ä̧CUÄ̧ I̧HUȨNȨ

³¹ Ja̧'hua̧nö̧ ya̧ttä̧huä̧ji̧ o'ca'a, ö̧'ca̧tä̧huä̧ta̧ tu̧huä̧ta̧ ko̧'ä̧dö̧ icu, chutä ö̧'ca̧tä̧huä̧ta̧ 'ca̧ti̧nä̧tö̧do. Ja̧u̧nu̧ o'ca'a dau isodänä pȩ'o̧pö̧ ttu̧ju̧na̧rö̧ pä'ö ttȩpi̧nä̧cu̧do.

San Mateo 27:31 Referans Kwoze

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.

Hechos 7:58

Ja̧'wa̧nü̧ jȩpü̧ ütawiyättü rä'epächü, ido'kiyänä̧ ikuäu ttikuinä̧ku̧; ja̧'wa̧nü̧ ja̧'a̧ yapareu ji'äu jua̧u̧ru̧ iyü ikuäjätümä̧ tti̧ä̧rȩti̧yu̧ kko̧sä̧u̧ rütinä̧tü̧, mü̧ä̧ya̧ Sauro ü̧jä̧pi̧yä̧ kkada'ka.

San Mateo 21:39

ja̧'wa̧nü̧ pätta'attü̧, 'chu'ädü pättattü rä'epächü, kuä'ü ttikuinä̧ku̧.

San Juan 19:27

Pä'ü kkä̧nü̧ u̧wo̧juȩtä̧'i̧jä̧u̧rü̧, pä'inü̧: —Kua̧ju̧mä̧, juäjutä ja̧'a̧. Juorütä kkä̧mä̧dü̧ u̧mü̧wä̧ya̧ pä'ijümä̧, ja̧ju̧ juoepinä̧kua̧.

San Juan 19:16

Pä'ü wottiyäku, Pilato-mä̧, Jesú-ru iyipinä̧u̧, ü̧jo̧kä̧jäinä̧ pȩ'o̧pü̧ ttu̧ju̧na̧rü̧ pä'ü. Ja̧'wa̧nü̧ i̧yi̧pä̧u̧ Jesú-ru ȩmi̧pi̧nä̧tü̧.

San Mateo 20:19

Ja̧'wa̧nü̧ ja̧'a̧ judío pokotürü iyü ttikuomȩnä̧, ya̧'a̧wä̧'chü̧, kuäkuäpü jȩpi̧'ü̧'kotü, ü̧jo̧kä̧nü̧ jäi daunä̧ ttu̧ju̧na̧'a̧ 'korupä'i̧'ü̧'ka̧, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 26:2

—Täkü wo̧juä̧tü̧jä̧, todäre mo̧ro̧tä̧ o'komȩ Pacua pä'käri jä̧kua̧'a̧ pä'ümä̧ ja̧'wa̧ta̧nü̧ ttürü'i̧nä̧ iyü ttikuäkuotü, ü̧jo̧kä̧nü̧ pȩ'o̧pü̧ ttu̧ju̧na̧'a̧ 'korujuodächä̧kua̧sä̧.

San Marcos 15:20

Ja̧'wa̧nü̧ ya̧ttä̧wä̧'chä̧ku̧ o̧'ka̧rü̧mä̧ ü̧'ka̧tä̧wä̧ta̧, wä̧mȩ i̧sä̧ta̧ rü̧ȩnä̧ tädünä̧ tu̧wä̧jä̧ta̧mä̧ kko̧'ä̧dü̧ iku, a̧mü̧nä̧ ü̧'ka̧tä̧wä̧ta̧tä̧ 'ka̧tü̧, u̧mi̧ku̧ rättepächinä̧ku̧ ü̧jo̧kä̧ jäinä̧ kku̧nu̧ kuä'ü ttikuarü pä'ümä̧.