San Mateo 27:24 - Nuevo Testamento Uwotjüja

²⁴ Pilato-mä̧ yabokutä jȩpü̧ wotta'a topü yabonü̧mä̧ jȩü̧ juiyünä̧ jä̧ku̧, ajiya tti'chächa pä'ü we'äji̧'ka̧ o'katoi'ünä̧ ttä'ka jo̧mȩttü̧ u̧mü̧ tükäu kkä̧nü̧ pä'inü̧: —Ttü jäwämä̧kü̧ pide toe'ächümä̧; ukututä jäwä jä̧kua̧'a̧, pä'ü.

TÄ̧DO Ä̧CUÄ̧ I̧HUȨNȨ

²⁴ Ru̧hua̧ Pilato amöcuädäji ta'anö jȩtto̧ca̧'a̧, ttö̧ja̧ ji̧nä̧ isocu huotta'a topinödo. Ajiya sä̧rä̧bä̧nä̧ tti'cächa pä'ö hue'inödo. Ttö̧ja̧ ttä'ca jo̧mȩttö̧ u̧mö̧ töcähuinödo. Ja̧'hua̧nö̧ jȩpö̧ pä'inödo: —Ttömä ja̧u̧ru̧ cuä'ö cuicuätucuamä hue'ocösä. Ucututä cuamönä cuä'ö icuätöjä.

San Mateo 27:24 Referans Kwoze

San Mateo 27:4

pä'inü̧: —Surojü jȩpo̧kü̧päijürü toe'ächünä̧ iyü iku suronä̧ jȩpä̧ji̧sä̧, Ja̧'wa̧nü̧ pä̧u̧ juätümä̧ ttädätinä̧ku̧: —¡Jua̧u̧mä̧ ujutu jäwämä̧kü̧! ¡Ukutätä jäwä!

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

San Mateo 26:5

Ja̧'wa̧nü̧ ja̧'a̧nä̧ pä'inä̧tü̧: —Pä'käri 'kä̧tȩnä̧mä̧kü̧, ttü̧ja̧ ttürowäwi'ü juiyäkua'anü̧.

Hechos 3:14

Ukutumä̧ surojü jui̧'a̧rü̧, adiwä wȩnȩnä̧ kkü̧rü̧ iyü iku, jä'epinätü̧jä̧ ttü̧ja̧rü̧ kuäwä i̧sa̧rü̧tä̧.

San Juan 19:4

Pä'äjita'anü̧ Pilato-mä̧ rä'o'ü päinä̧u̧: —Topätukui, u̧mi̧ rä'epü chu̧ju̧ni̧yä̧u̧jä̧, ttü tochomȩnä̧ suronä̧ jȩä̧'i̧jü̧ chü̧'o̧kui̧'ü̧ juiyünä̧ ja̧'a̧ ku̧wo̧jui̧pä̧tu̧kua̧ pä'ü.

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Mateo 27:9

Ja̧'wa̧nü̧ ja̧'a̧ttü̧ Profeta Jeremía, päinü̧ta'anü̧ 'kuäpina̧'a̧: Treinta-nü̧ pärätä o̧bi̧tä̧ ȩmi̧nä̧tü̧, jua̧u̧ ukuoja mikuäwächinü̧ mikuä ä̧tȩkuä̧mä̧, irae ttü̧ja̧ pättinü̧'a̧kuä̧.

San Mateo 27:19

Pilato-mä̧ ji̧nä̧ jua̧u̧ wȩnȩ ukuokua'anä̧, irekuamä̧ jittäwiyaju pä'ü we'inä̧ju̧: Mo̧ro̧ji̧ yodó suronä̧ 'kuo̧ti̧kuä̧jä̧ju̧sä̧ Jua̧u̧ suronä̧ jȩpo̧kü̧ ütü'kümä̧, Jua̧u̧ru̧mä̧ ukumä̧ jȩ'kuä̧, pä'ü.

San Mateo 27:23

pättiyäku, pilato-mä̧ pä'inü̧: —Jua̧u̧nu̧mä̧ ¿Däjé surojümä̧ jȩä̧jä̧ttü̧? Päomȩnä̧, yabonü̧tä̧ wopinä̧tü̧: —¡Ü̧jo̧kä̧nü̧ jäinä̧ pȩ'o̧pü̧ kkü̧nä̧tu̧kui̧rü̧, 'korupäi'ünä̧! pä'ü wopinä̧tü̧.

San Juan 13:9

Päopo'äku, Simón Peduru-mä̧, pä'inü̧: —Chu̧ru̧wa̧, chi̧jä̧pi̧yä̧tä̧mä̧kü̧, jua̧u̧nu̧mä̧ chu̧mü̧'i̧nä̧, chu'i̧nä̧ tükittü.