San Mateo 27:19 - Nuevo Testamento Uwotjüja

¹⁹ Pilato-mä̧ ji̧nä̧ jua̧u̧ wȩnȩ ukuokua'anä̧, irekuamä̧ jittäwiyaju pä'ü we'inä̧ju̧: Mo̧ro̧ji̧ yodó suronä̧ 'kuo̧ti̧kuä̧jä̧ju̧sä̧ Jua̧u̧ suronä̧ jȩpo̧kü̧ ütü'kümä̧, Jua̧u̧ru̧mä̧ ukumä̧ jȩ'kuä̧, pä'ü.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

San Mateo 27:19 Referans Kwoze

San Mateo 27:24

Pilato-mä̧ yabokutä jȩpü̧ wotta'a topü yabonü̧mä̧ jȩü̧ juiyünä̧ jä̧ku̧, ajiya tti'chächa pä'ü we'äji̧'ka̧ o'katoi'ünä̧ ttä'ka jo̧mȩttü̧ u̧mü̧ tükäu kkä̧nü̧ pä'inü̧: —Ttü jäwämä̧kü̧ pide toe'ächümä̧; ukututä jäwä jä̧kua̧'a̧, pä'ü.

1 Pedro 2:22

Crito-mä̧ ya'utenä̧'i̧nä̧ surojümä̧ jȩpo̧kü̧ pinü̧, ja̧'wa̧ta̧nü̧ ya̧tȩrü̧'i̧nä̧ yaparewokü pinü̧.

San Juan 19:13

Pilato-mä̧ pi̧yȩ wotta'a ä̧ju̧ku̧, Jesú-ru u̧mi̧ku̧ rä'epü ttikunä̧ we'opo'ü; ruwo dȩä̧kä̧nä̧ pä̧mä̧di̧nü̧, i̧nä̧ttü̧ a̧'kua̧tü̧ adikuokomȩ, hebreo tti̧wȩnȩnä̧mä̧ Gabatá pä'ü mi̧kuomȩ.

San Lucas 23:47

Ja̧'wa̧nü̧ ja̧'a̧, Roma-ttü̧ we'äwotü su̧ro̧do̧u̧ ttu̧ru̧wa̧mä̧, Dio-rü eseu pä'inü̧: —Isopäi'ünä̧, pidemä̧ surojümä̧ jȩpo̧kü̧ pinü̧.

1 Juan 2:1

Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

San Mateo 27:4

pä'inü̧: —Surojü jȩpo̧kü̧päijürü toe'ächünä̧ iyü iku suronä̧ jȩpä̧ji̧sä̧, Ja̧'wa̧nü̧ pä̧u̧ juätümä̧ ttädätinä̧ku̧: —¡Jua̧u̧mä̧ ujutu jäwämä̧kü̧! ¡Ukutätä jäwä!

San Mateo 2:22

Ja̧'wa̧nü̧ ja̧'a̧nä̧, José-mä̧ judea rȩjȩra̧'a̧mä̧ ye'eku i̧'cha̧ pä'okü pinü̧, Herode i̧tti̧ o̧'ka̧ Arquerao ru̧wa̧ pü̧do pätta'a ä̧ju̧kuä̧ji̧'ka̧; ja̧'wa̧nü̧ ji̧yä̧ku̧, Dio wȩ'ä̧wa̧ á̧gȩ-mä̧ Galirea rȩjȩra̧'a̧tä̧ i̧'cha̧ päinä̧ku̧.

San Mateo 2:19

Herode wa'ü ikuäji o'ka'a, Egito-ra̧'a̧ttü̧ José-rü u̧'kuo̧ti̧nä̧, Tu̧ru̧wa̧ wȩ'ä̧wa̧ á̧gȩ-mä̧ i̧jȩku̧ pä'inü̧:

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Lucas 23:41

Ujutumä̧ isopäi'ünä̧ suronä̧ jȩtä̧'i̧jü̧mä̧ mikuäwächünä̧ usurä ȩmä̧wä̧tü̧jä̧; ja̧'wa̧nü̧ ja̧'a̧nä̧, pidemä̧, däjéjä̧ttü̧ suronä̧ jȩi̧nü̧mä̧.

San Mateo 27:18

isopäi'ünä̧ kkü'kü jui'ü iyu ttikuäku pä'ü u̧wo̧jua̧'a̧ttü̧.

Hechos 12:21

Ja̧'wa̧nü̧ ja̧'a̧ Herode-mä̧, ji̧yȩnü̧ mo̧ro̧ päi'omȩnä̧, i̧ä̧rȩta̧ ukuo i̧sä̧ta̧ 'ka̧tä̧wi̧'ä̧ji̧'ka̧, uruwo deäkänä̧ pä̧mä̧dü̧ ujuruku we'ü ukuokuinä̧u̧.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 18:16

Pä'ü, tribunal pättomȩttü̧ rä'epü ikuinä̧u̧.

Hechos 18:17

Ja̧'wa̧nü̧ ja̧'a̧ sinagoga u̧ru̧wa̧ Sóstenes-rü̧ o'katoi'ünä̧ 'chu'ädo'ü, kuäkuäpü jȩpi̧nä̧tü̧, Tribunal isotü ttä'ka jo̧mȩttü̧; ja̧'wa̧nü̧ jȩtta̧'a̧nä̧ Galió̧-mä̧ ja̧'a̧tä̧ toinä̧u̧.

Hechos 25:6

Feto-mä̧, Jerusarȩ́ ütawiyänä̧, kko̧ro̧mü̧ttü̧nü̧ wäbodäkuä mo̧ro̧ päi'ünä̧ mo̧ro̧ kkä̧ji̧'ka̧, kkoro mo̧ro̧mä̧ Cesarea ütawiyänä̧ uruwo deäkänä̧ pä̧mä̧dü̧, Pauru-rü tti'chächiyarü pä'ü we'inü̧.

Hechos 25:10

Päiyäku, Pauru-mä̧ ädätinü̧: —Judío-rü suronä̧ jȩcho̧kü̧ jä̧ji̧mä̧ wo̧jua̧jä̧. Ja̧'wa̧ta̧nü̧ pä'ü, Roma isotü, ruwotü ttä'ka jo̧mȩ kkü̧sä̧, suronä̧ jȩchä̧ji̧ttü̧mä̧ ukututä päkuätukua pä'ü ja̧'a̧.

Hechos 25:17

Ja̧'wa̧nü̧ jä̧ja̧'a̧ttü̧, po ichi'ä̧ji̧'ka̧mä̧, rekuo tta̧dä̧ro̧ka̧'a̧, kkoro mo̧ro̧ ruwo deäkänä̧ pä̧mä̧dü̧ we'inü̧sä̧ jua̧u̧ru̧ tti'kächa pä'ü.