San Mateo 26:61 - Nuevo Testamento Uwotjüja

⁶¹ Pä'inä̧tü̧: —Pidemä̧ pa̧'a̧nü̧ pä'inü̧: Ttümä̧ Dio-rü ukuokuäkuäwode pparopü chiku'anü̧ wa̧sä̧, pä'äjita'anü̧ wäbodäkuä mo̧ro̧tä̧ chäräbe'a pä'ü.

TÄ̧DO Ä̧CUÄ̧ I̧HUȨNȨ

⁶¹ —Pidemä pä'inö: “Ttömä Diosrö ucuocuäcuähuode cuä'epö icu, korode huäbodäcuä mo̧ro̧ jo̧mȩnä̧ chaditö'a̧nö̧ ja̧'a̧.”

San Mateo 26:61 Referans Kwoze

San Mateo 27:40

pä'inä̧tü̧: —¡Uku Dio-rü ukuokuäkuäwode pparopü ikuipü wäbodäkuä mo̧ro̧tä̧ kuaditäkua̧jä̧ päkuina̧'a̧mä̧! ¡Isopäi'ünä̧ Dio I̧tti̧ kuttümä̧ kua̧mü̧nä̧ pa̧ja̧tü̧ kki̧'ä̧kuä̧u̧ ü̧jo̧kä̧ jäittü mȩyȩwä̧chi̧!

San Marcos 15:29

Ja̧'wa̧ta̧nü̧ juȩnȩnä̧ 'kuä'opätümä̧, suronä̧ ya̧'a̧wä̧'chü̧, ttu roripünü̧ pättä'chinä̧ku̧: —¡Jü̧! Uku, Dio-rü ukuokuäkuäwode kkä'ü ikuipü'ka̧, wäbodäkuä mo̧ro̧ päi'omȩnä̧ pä'äjita'anü̧ äräbe'üsä pä'ä'ijümä̧,

Hechos 22:22

Ja̧'wa̧nü̧ ja̧'a̧mä̧, juȩnȩbütä ä̧ju̧kui̧'i̧pü̧; pä̧i̧ku̧nä̧ wopi'inä̧tü̧: «¡Pide ttü̧ja̧sa̧ ü̧ja̧ pä'ümä̧ juiya'a! ¡pi̧jä̧ttü̧mä̧ si'epü ikuirü!», jü̧nä̧.

Hechos 18:13

pä'inä̧tü̧: Pidemä̧ ttü̧ja̧ ttesetächünä̧ ji'äu, Dio ü̧rü̧ä̧ tteseunä̧tä̧, jua̧u̧mä̧ ujutu jȩtü̧ weäwä wȩnȩmä̧ to'ija̧'a̧ku̧ ja̧'a̧.

Hechos 17:18

Ja̧'wa̧ta̧nü̧ kkorotü, tta̧'kua̧ adiunä̧ kkä̧kuä̧wä̧tä̧ ji̧nä̧so ji̧yȩtä̧mä̧ pä'ü wo̧juȩtä̧tu̧ku̧'i̧nä̧ ukuoku kkä̧nü̧, kkorotü surojü jȩttü̧ juiya pä'ümä̧ tta̧mü̧nä̧ pa̧ja̧tü̧tä̧ jȩä̧kuä̧wa̧'a̧ pä'ü wo̧juȩtä̧tu̧ku̧'i̧nä̧ ukuokuinü̧. Ja̧'wa̧nü̧ ja̧'a̧nä̧ kkorotü pä'inä̧tü̧: —¿Däjé ukuokuttü̧ chujua, wiräkuäwä i̧sa̧mä̧? Ja̧'wa̧ta̧nü̧ kkorotümä̧ pä'inä̧tü̧: —Kko̧ro̧jä̧ttü̧ ttü̧ä̧nä̧wo̧tü̧rü̧ ji'äu ja̧'a̧, pättinä̧ku̧. Jua'amä̧ jareü wȩnȩ Jesú u̧wo̧juȩti̧nü̧'i̧nä̧ ja̧'wa̧ta̧nü̧ ttoächinü̧'i̧nä̧ jiäwiyä̧u̧.

San Juan 9:29

Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.

San Lucas 23:2

Ȩpü̧ kku̧nä̧jä̧'kotü, ä'ka jo̧mȩttü̧ pa̧'a̧nü̧ jȩpä̧ji̧ pä'ü ji'äwä'chinä̧tü̧: Piderü po̧kui̧pä̧jä̧tü̧jä̧ ttü̧ja̧rü̧ ji'äwä'chü ti̧rȩjä̧ surojuoepa'a. Roma jäwä pärätämä̧ kuiyätukuä, pä'ü kkä̧nü̧'i̧nä̧, ttütäsä Crito-mä̧, Rey-mä̧ pä'ä'chürü.

San Mateo 26:71

Jua̧u̧ jä̧ji̧ o'ka'a äpate'kaku räo'omȩnä̧, kkaraju topo'ü juȩnȩtä̧ kka̧kuä̧tü̧rü̧ pä'inä̧ju̧: —Chujua'i̧nä̧ Jesú nazare i̧sa̧ku̧ kkä̧'i̧jü̧.

San Mateo 12:24

Ja̧'wa̧nü̧ pätta'a ä̧ju̧ku̧ fariseo wotümä̧ pä'inä̧tü̧: «epíritu-tu̧ suropätürü, rä'epü ikua'amä̧ ttu̧ru̧wa̧ Beelzebú ujurunä̧tä̧, rä'epe'ü iku ja̧'a̧.»

San Mateo 26:62

Ja̧'wa̧nü̧ ji̧yä̧ku̧, sacerdote wotü ttu̧ru̧wa̧mä̧ ä̧rä̧mi̧'ü̧ Jesú-ru pä'inü̧: —¿Yoriso kuädätoka'a? ¿ukutämä̧ toku jikuäkuäwa'ajä̧ttü̧, ku̧ji̧pa̧ pä'ümä̧?

San Mateo 27:5

Ja̧'wa̧nü̧ ja̧'a̧ Juda-mä̧ pärätä o̧bi̧ Dio-rü ukuokuäkuäwodenä̧ do'opü ikuipü tü'ipächü nu̧'ä̧u̧ ikuinü̧.

San Marcos 14:58

Ujutumä̧, pa̧'a̧nü̧ pä'a ä̧ju̧kui̧nä̧tü̧jä̧: «Pode ttü̧ja̧ adikuode Dio-rü ukuokuäkuäwodemä̧, ttümä̧ pparopü chi̧kuä̧kua̧sä̧, pparopü ikuipü, ttü̧ja̧ adikuokode pärokuode wäbodäkuä mo̧ro̧tä̧ chäräbȩ'ä̧kua̧sä̧,» pä'ä'ijü pä'inä̧tü̧.