San Mateo 26:58 - Nuevo Testamento Uwotjüja

⁵⁸ Peduru-mä̧ Jua̧u̧ru̧ ȩmi̧pä̧tü̧ tto'ka'anä̧, otonä̧ jo̧mȩnä̧ ru'inü̧ sacerdote wotü ttu̧ru̧wa̧ ü̧jo̧debü päi'ünä̧. Ru'i'äji̧'ka̧mä̧, u̧mi̧ isaränä̧ do'ächi'ü, tta̧wä̧rä̧kuä̧wä̧ isotü ttü̧'ȩjo̧mȩ pä̧mä̧di̧nü̧, rüjí jȩtto̧mȩbü toa pä'ü.

TÄ̧DO Ä̧CUÄ̧ I̧HUȨNȨ

⁵⁸ Juhua'a tti̧'cho̧mȩnä̧, Pedro otonänö tto'ca'anä 'chi̧nö̧do ru̧hua̧ ojusode jubö. Juhuodenä u̧mi̧ i̧so̧ca̧nä̧ do'ächö, su̧ro̧da̧u̧ ttippeyänä pä̧mä̧di̧nö̧do, Jesúsru jȩttö̧ toa pä'ö.

San Mateo 26:58 Referans Kwoze

San Juan 7:32

Fariseo wotümä̧ Jesú ütü'kü ttü̧ja̧ ttukuokua'a ä̧ju̧ku̧, sacerdote wotü tturuwotüku, Dio-rü ukuokuäkuäwode tta̧wä̧rä̧kuä̧wä̧ isotü su̧ro̧do̧u̧ru̧ 'chuttädäjarü pä'ü we'inä̧tü̧.

San Juan 18:25

Ja̧'wa̧nü̧ ja̧'a̧nä̧mä̧, Peduru-mä̧ okurä jäyä, tä̧nü̧ ü̧ja̧'a̧ pättinä̧ku̧: —¿Uku'i̧nä̧ Jesú u̧wo̧juȩtä̧u̧ i̧sa̧mä̧kü̧jä̧? Pättäku, Peduru-mä̧ ä̧ppü̧ti̧'ü̧ pä'inü̧: —¡Juätü i̧sa̧mä̧kü̧sä̧!

San Juan 7:45

Ja̧'wa̧nü̧ ja̧'a̧, Dio-rü ukuokuäkuäwode tta̧wä̧rä̧kuä̧wä̧ isotü, su̧ro̧do̧u̧ päjätümä̧, fariseo wotü'i̧nä̧, sacerdote wotü tturuwotü'i̧nä̧ ttä'ka jo̧mȩ ppa̧ttä̧chi̧'a̧'a̧ jä'epü ttä̧ju̧kui̧nä̧u̧: —¿Tta̧'a̧nü̧ pä'ü, kui'kächätukuokoku jä̧ttü̧?

San Mateo 5:25

Täbokuä we'ü ä'ka jo̧mȩ, ukuru ya̧tȩ ȩpü̧ttü̧mä̧, ji̧nä̧ Juez pättäku ä'ka jo̧mȩku̧ ȩpü̧ juiyäi jua̧u̧ku̧ eseku ikui, jua̧u̧ juez-rü iyü iku juiyaku pä'ümä̧; ja̧'wa̧nü̧ jü̧ juiyüttümä̧ kua̧bo̧'cha̧ päjimä̧ juez-rü iyü iku o'ka'a, jua̧u̧mä̧ su̧ro̧do̧u̧ru̧ iyü ikuomȩnä̧, juätümä̧ kärenä̧ra̧'a̧ rütü ttikuä̧kua̧jä̧.

San Mateo 26:3

Ja̧'wa̧nü̧ 'kuäopa'anä̧, sacerdote wotü tturuwotü'i̧nä̧, judío-ttü a̧ci̧a̧nu̧ wotü'i̧nä̧, sacerdote wotü ttu̧ru̧wa̧ Caifá uruwo isodenä̧ ka̧ka̧kui̧päjä'kotü,

San Lucas 22:54

Ja̧'wa̧nü̧ ja̧'a̧, Jesú-ru 'chu'ädi'ü, sacerdote wotü ttu̧ru̧wa̧ ojusodera̧'a̧ku̧ ttȩpi̧nä̧ku̧. Ja̧'wa̧nü̧ ttȩpa̧'a̧nä̧, Peduru-mä̧ otonä̧tä̧ ru'inü̧.

San Juan 19:6

Ja̧'wa̧nü̧ pä'a topü, sacerdote-tü̧ tturuwotü'i̧nä̧, Dio-rü ukuokuäkuäwode tta̧'a̧rä̧tü̧'i̧nä̧ wopinä̧tü̧: —¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧! ¡Ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧!, pä'ü. Wottiyäku, Pilato-mä̧ päinä̧u̧: —Ukututä ü̧jo̧kä̧ jäinä̧ pȩ'o̧pü̧ kkü̧nä̧tu̧kui̧rü̧, ttümä̧ suronä̧ jȩä̧'i̧jü̧mä̧ chü̧'o̧kui̧'ü̧ juiyünä̧ wa̧to.

Hechos 5:22

Ja̧'wa̧nü̧ wȩttä̧u̧ su̧ro̧do̧u̧mä̧ juätürü kärenära̧'a̧ttü̧ ȩmo̧po̧'ü̧ tti̧'chä̧ja̧'a̧, tottomȩnä̧ yorisotä toinä̧u̧. Ja̧'wa̧nü̧ ji̧yä̧u̧ ppa̧'ä̧chä̧chä̧jä̧'kotü ji'äu,

Hechos 5:26

Ja̧'wa̧nü̧ ja̧'a̧ Dio-rü ukuokuäkuäwode tta̧'a̧rä̧tü̧ ttu̧ru̧wa̧mä̧ umüwäyotüku 'chä̧wi̧'ü̧ kuäkuäoka'atä ȩmo̧po̧'ü̧ i̧wi̧nä̧u̧, ttü̧ja̧ inä̧wiyänä̧ ikuäu ttikuätü pä'ü yekua'attü̧.