San Mateo 26:56 - Nuevo Testamento Uwotjüja

⁵⁶ Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

TÄ̧DO Ä̧CUÄ̧ I̧HUȨNȨ

⁵⁶ Ucutu ja̧u̧nu̧mä̧ 'chu'ädocotö pi̧nä̧tö̧jä̧, Dios i̧huȩnȩ jiäcuähuä isotö tti̧huȩyu̧ti̧nö̧mä̧ 'cuäopa'a pä'ö. Ja̧'hua̧nö̧ päomenä, u̧huo̧juȩtä̧u̧mä̧ Jesúsru jaropi'ö tö'ipächinätödo.

San Mateo 26:56 Referans Kwoze

San Juan 16:32

Jitämä̧ yotukunä̧ kuipperekuächätukuä̧kuȩ rȩbȩä̧kuä̧wa̧'a̧, jua̧u̧mä̧ jitätä ja̧'a̧, ttü kkatärütä kku̧ni̧pü̧ ji̧kuȩ'ä̧kuo̧tü̧jä̧; ja̧'wa̧nü̧ ja̧'a̧nä̧ kkatämä̧ woküsä, Chä'o'i̧nä̧ ttüku ü̧ja̧'a̧ttü̧.

San Mateo 26:31

Ja̧'wa̧nü̧ tti̧'chä̧ja̧'a̧ Jesú-mä̧ päinä̧u̧: —Ukutu o'katoi'ünä̧, mä̧kuä̧ yodomä̧ ttüttümä̧ ye'ekuä'chi'ü kuipperekuächäkuotüjä̧, wȩyu̧kuä̧mä̧ pa̧'a̧nü̧ pä'ija'a: «Oweja-tü̧ ttu̧ru̧wa̧rü̧ 'kui'opü chikuomȩnä̧ oweja-tü̧mä̧ ttü̧jo̧kuo̧mȩttü̧ ttipperekuächäkuotü,» jü̧nä̧.

San Mateo 26:54

Ja̧'wa̧nü̧ ja̧'a̧nä̧, ja̧'wa̧nü̧ jȩchü̧ttü̧mä̧ ¿wȩyu̧kuä̧ wȩnȩnä̧ ja̧'wa̧nü̧ jä̧kua̧'a̧ pä'ijümä̧ toku 'kuäopäkua'ajä̧ttü̧?

2 Timoteo 4:16

Ä̧kuo̧mȩnä̧ ukuo isotü ttä'ka jo̧mȩttü̧ chukuokuomȩnä̧mä̧ ya̧tȩ päü'i̧nä̧ ppättädajueimä̧ o'katoi'ünä̧tä̧ ttikuipinä̧ku̧sä̧, ja̧'wa̧nü̧ jȩtti̧na̧'a̧nä̧ ro̧ȩpü̧ juiyatü pä'ütä Dio-rümä̧ jä'epüsä.

Hechos 1:16

Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

San Mateo 21:42

Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?