San Mateo 26:45 - Nuevo Testamento Uwotjüja

⁴⁵ Ja̧'wa̧nü̧ ukuoku kä'ädäji̧'ka̧ ichi'ü u̧wo̧juȩtä̧u̧rü pä'inü̧: —Täkü jitämä̧ ä'ekuätukui, pü̧di̧ri̧ja̧'a̧ttü̧. Jitämä̧ täkü, Ttürümä̧, suronä̧ jȩpä̧tü̧ ttu̧mü̧nä̧ iyü ttiku hora päia'a.

TÄ̧DO Ä̧CUÄ̧ I̧HUȨNȨ

⁴⁵ Ja̧'hua̧nö̧ ucuocu cädomenä, u̧huo̧juȩtä̧u̧ ttö̧'ö̧jo̧mȩ ppa̧'ä̧chi̧'ö̧, jahuätörö pä'inödo: —Ye, jitämä ä'iopo'ätucui. Täcö Ubo I̧tti̧rö̧ suronä jȩpä̧tö̧rö̧ ttiyometä päi'a'a.

San Mateo 26:45 Referans Kwoze

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

San Juan 12:27

¡Jitämä̧ cha̧'kua̧ tta̧wȩpä̧ku̧sä̧! ¿däjetä päda'ajä̧ttü̧?: ¿Chä'o cha̧'kua̧ tta̧wȩpü̧mä̧ jȩpü̧ ikuittü pädäkua'a? ¡Ja̧'wa̧nü̧ ja̧'a̧nä̧, ä̧tȩkuä̧nä̧ pi̧yȩtä̧ ja̧'a̧tȩ'ü̧ ichinü̧sä̧!

San Lucas 22:53

'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodenä̧ ukutukumä̧ kkä̧'i̧jü̧sä̧, ja̧'wa̧nü̧ ja̧'a̧nä̧ 'chukuädätukuokoku pä'ijüsä; ja̧'wa̧nü̧ ja̧'a̧nä̧ jitämä̧, ukutu jȩ'kuä̧tu̧kua̧ pä'ü hora ja̧'a̧, yo̧ü̧ ujuru.

San Mateo 26:18

Jesú-mä̧ ädätinä̧u̧: —Ütawiyära̧'a̧ täi'ätukui, jua'attü cha̧wa̧ru̧wa̧rü̧ pa̧'a̧nü̧ päkuätukuajä̧: «Tu̧ru̧wa̧mä̧ pa̧'a̧nü̧ pä'äji: Tode'ächäkua'a ä'kanä̧, kuojusodettü chumüwäyotuku Pacua chukua pä'üsä,» jü̧nä̧.

San Mateo 26:2

—Täkü wo̧juä̧tü̧jä̧, todäre mo̧ro̧tä̧ o'komȩ Pacua pä'käri jä̧kua̧'a̧ pä'ümä̧ ja̧'wa̧ta̧nü̧ ttürü'i̧nä̧ iyü ttikuäkuotü, ü̧jo̧kä̧nü̧ pȩ'o̧pü̧ ttu̧ju̧na̧'a̧ 'korujuodächä̧kua̧sä̧.

San Mateo 26:44

Ja̧'wa̧nü̧ ttü̧'ȩja̧'a̧nä̧ ja̧'a̧tä̧ topi'ütä tü'ipächi'ü, wäbodäkuänä̧ päi'ünä̧, Dio-rümä̧ pä'äji ukuokuäjitä ukuokuinü̧.

San Mateo 26:46

Ä̧rä̧mi̧'ä̧tu̧kui̧, ti̧'chä̧tu̧kua̧; täkü ttürü iyü iku ichümä̧ tü'kü pä'i'ü.

San Marcos 14:35

Pä'ipümä̧, yabonä̧nü̧ 'chä̧wi̧'ü̧, ja̧rȩyu̧nu̧ rȩjȩ ma̧'ä̧mü̧, jä'o Dio-rü jä'epinü̧, churutä 'kuäopäkuȩmä̧ 'kuäopü juiyünä̧tä̧ ppädarü pä'ü, jȩü̧'a̧nü̧ jü̧ttü̧mä̧.

San Juan 12:23

Jesú-mä̧ ädätinä̧u̧: —Ubo I̧tti̧ wa'arettü ttoächä̧kuȩ mo̧ro̧ rȩbȩä̧kuä̧wa̧'a̧.