San Mateo 26:41 - Nuevo Testamento Uwotjüja

⁴¹ To̧pä̧rü̧ Dio-rü ukuokuätukui kua̧mi̧ 'kuäkuätukunä̧ ma̧kuä̧chä̧tu̧ku̧ juiyäkua'anü̧. Isopäi'ünä̧ epíritumä̧ jȩa̧ pä'anä̧ ttidepämä̧ juiyuwa'a.

TÄ̧DO Ä̧CUÄ̧ I̧HUȨNȨ

⁴¹ To̧pä̧rö̧ ka̧cuä̧tu̧cui̧. Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

San Mateo 26:41 Referans Kwoze

San Lucas 22:46

Ja̧'wa̧nü̧ ji̧yä̧ku̧ päinä̧u̧: —¿Tta̧'a̧nü̧ pä'ü ä'eku ku'ȩjä̧tu̧kua̧'a̧jä̧ttü̧? ä̧rä̧mi̧'ü̧ Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧.

San Marcos 14:38

Kuä'i'ätukuoka'a Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧. Isopäi'ünä̧, kua̧'kua̧ ru̧wa̧mä̧ eseunu̧ jȩa̧ pä'anä̧, ttidepämä̧ jiyuwa'a.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

1 Corintios 10:13

Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

San Mateo 24:42

Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

San Lucas 22:40

Jua'a 'chä̧wi̧'ü̧ päinä̧u̧: —Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

1 Corintios 9:27

Ja̧'wa̧nü̧ ja̧jü̧ jueimä̧, cha̧mü̧nä̧ 'ta'tapäkuäu, ukuotünä̧ jȩpä̧kuä̧u̧sä̧, ttütä'i̧nä̧ kkorotürümä̧ ppädädä'ija'anä̧, tode'ächü 'kua̧ra̧'a̧ pä'ü.

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

San Mateo 26:38

Juätürü pä'inü̧: —Cha̧'kua̧tta̧nü̧ jä̧ku̧sä̧, tode'ächäkuomȩtä̧ päi'ünä̧. Ukutumä̧ pȩnȩtä̧ kka̧kui̧pü̧, kuä'i'ätukuoka'a ttütäku ukuokuätukui.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

San Lucas 11:4

Ja̧'wa̧ta̧nü̧ suronä̧ jȩtä̧'i̧jü̧mä̧, pärokua'aku mikuä juiyünä̧tä̧ jȩpi̧tü̧, Ja̧'wa̧ta̧nü̧ ujuturu suronä̧ jȩpä̧tü̧ o'katoi'ünä̧rü̧, pärokua'aku mikuä juiyünä̧tä̧ jȩtü̧ta̧'a̧nü̧ jȩpi̧tü̧. Ta̧mi̧ 'kuätünä̧ ma̧tä̧cha̧'a̧nä̧mä̧ ja̧'a̧tä̧mä̧ to'kuätü, surojüku ma̧tä̧chü̧ juiyünä̧tä̧ ppä'äditü.

San Lucas 8:13

Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.