San Mateo 26:29 - Nuevo Testamento Uwotjüja

²⁹ Ja̧'wa̧nü̧ ja̧'a̧nä̧ pädäu̧jä̧, uwa isoya jitä chawa'atä ja̧'a̧mä̧ awokü chä̧kua̧sä̧, pä'äjita'anü̧ ukutukumä̧ ji̧yȩnü̧ mo̧ro̧ chä'o Dio weomȩttü̧tä̧ chawa pä'ü.

TÄ̧DO Ä̧CUÄ̧ I̧HUȨNȨ

²⁹ Ja̧'hua̧nö̧ ja̧'a̧nä̧ ucuturu pä'ösä, pä'äji ta'anö pi̧yȩ juäi uva isoya ahuocösä, Chä'o Dios ö̧jo̧mȩttö̧ ucutucu jareoya chahuome jubö päi'önä, —pä'inödo Jesús.

San Mateo 26:29 Referans Kwoze

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

San Marcos 14:25

Isopäi'ünä̧ pädäu̧jä̧, täkü penebütä uwa dauttü adikuoya chawa'amä̧ awokü chä̧kua̧sä̧, pä'äjita'anü̧ ji̧yȩnü̧ mo̧ro̧ ru̧wa̧ Dio weomȩttü̧tä̧ chawa pä'ü.

Hechos 10:41

O'katoi'ünä̧rü̧mä̧ i̧jȩkuo̧ka̧'a̧nä̧, ujuturu ä'kojitä päi'ünä̧ tota pä'ü Dio pojopü ȩmi̧nä̧u̧ru̧tä̧ i̧jȩkui̧nü̧. Ujututä ji̧na̧'a̧ ttoächäji o'ka'a, chutäku kuä̧nü̧'i̧nä̧, au'i̧nä̧ jȩa̧'a̧ topinä̧tü̧mä̧.

San Juan 17:13

Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

San Mateo 13:43

Ja̧'wa̧nü̧ ja̧'a̧nä̧, Dio-rü ukuotätümä̧ Jä'o weomȩttü̧mä̧, kkä̧wa̧ kkȩdȩpa̧'a̧ jä̧'i̧nü̧'a̧nü̧ ti̧tȩya̧u̧nä̧ ttäkuotü. Ä̧ju̧ku̧ kku̧nä̧rü̧mä̧ ä̧ju̧kui̧.

Apocalipsis 14:3

Juätümä̧ jareü ji̧yȩtȩ ra̧'i̧nä̧tü̧, ruwo dȩä̧kä̧ ä'ka jo̧mȩttü̧ ja̧'wa̧ta̧nü̧, pa̧ja̧kuä̧nü̧ wotü a̧'kua̧rä̧tü̧ ttä'kattü'i̧nä̧ ja̧'wa̧ta̧nü̧ A̧ci̧a̧nu̧tu̧ ttä'kattü'i̧nä̧, jü̧nä̧. Jua̧u̧ ra̧ttü̧mä̧ ya̧tȩ'i̧nä̧ ttu̧wo̧jui̧pü̧ juiyünä̧ ji̧na̧'a̧, suro ciento cuarenta y cuatro mil jo̧mȩnä̧ wotü, pi̧jä̧ra̧'a̧ttü̧ surojüttü kka̧kui̧pi̧nä̧tü̧tä̧ wo̧jui̧nä̧tü̧ jua̧u̧mä̧.

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Juan 15:11

Pa̧'a̧nü̧ chukuokuä̧u̧jä̧, ttü cheseu ukutunä̧ kka̧ pä'ü, jua̧u̧ kuesewätuku jo̧mȩnü̧ päi'ätukuaku pä'ü.

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

San Mateo 18:20

Isopäi'ünä̧ ta̧ju̧tä̧ ja̧ pä'ü'i̧nä̧, wä̧mȩtukuätä ja̧ pä'ü'i̧nä̧ ttü chi̧mi̧nä̧ ka̧ka̧ku̧ ttü̧'ȩjü̧ttü̧mä̧, juätütäku ttü̧'kä̧tȩnä̧ kkü̧sä̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Juan 16:22

Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

San Mateo 26:30

Salmos ra̧'ü̧ kä'ädäkuäwi'ü olivo kka̧kuä̧'ka mü̧ä̧'kara̧'a̧ 'chi̧nä̧tü̧.