San Mateo 26:24 - Nuevo Testamento Uwotjüja

²⁴ Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

TÄ̧DO Ä̧CUÄ̧ I̧HUȨNȨ

²⁴ Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Mateo 26:24 Referans Kwoze

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Mateo 18:7

¡Pi̧jä̧ jäwämä̧, suroja'a pi̧jä̧ ttü̧ja̧rü̧ surojüku mattä̧chä̧'chü̧nä̧ jȩo̧mȩttü̧! iweye 'kuäopa pä'ü ja̧'a̧ ja̧'wa̧nü̧ ja̧'a̧nä̧ ¡juiyo ra̧wä̧pi̧ja̧'a̧ ya̧tȩ surojüku ma̧ttä̧chü̧nä̧ jȩpü̧rü̧mä̧!

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Lucas 22:22

Isopäi'ünä̧ Ttü ubo I̧tti̧rü̧mä̧, wȩyu̧kuä̧ wȩnȩ päüta'anü̧ 'kuäopä̧kua̧. Ja̧'wa̧nü̧ ja̧'a̧nä̧, ¡isottü̧, jua̧u̧ru̧ iyü ikurumä̧, juiyo ra̧wä̧pi̧ja̧'a̧, jua̧u̧we!

San Marcos 14:21

Isopäi'ünä̧, Ttü Ubo I̧tti̧rü̧mä̧, wȩyu̧kuä̧ wȩnȩ päü'a̧kuä̧ 'kuäopäkua'a; ja̧'wa̧nü̧ ja̧'a̧nä̧, ubo I̧tti̧rü̧ iyü ikurumä̧ surojäkua'a; ya'utettü, jua̧u̧mä̧ uwäpächü juiyinü̧ttü̧tä̧ adiwaja'a.

San Mateo 26:54

Ja̧'wa̧nü̧ ja̧'a̧nä̧, ja̧'wa̧nü̧ jȩchü̧ttü̧mä̧ ¿wȩyu̧kuä̧ wȩnȩnä̧ ja̧'wa̧nü̧ jä̧kua̧'a̧ pä'ijümä̧ toku 'kuäopäkua'ajä̧ttü̧?

San Marcos 9:12

Jättepäkumä̧, pä'inü̧: —A̧, Elía-mä̧ isopäi'ünä̧tä̧ ä'kanä̧ i̧chä̧kua̧ ja̧'wa̧ta̧nü̧ jua̧u̧tä̧ jä̧kua̧'a̧ o'kajuiyünä̧tä̧ jo̧mȩnü̧ päi'ünä̧ jȩpü̧ u̧ju̧nä̧kua̧mä̧. Ja̧'wa̧ta̧nü̧ wȩyu̧kuä̧ wȩnȩmä̧ pä'a: Ubo I̧tti̧mä̧ usurä ȩmä̧u̧nä̧ jȩttä̧kua̧ kkü'kü jui'ü.

San Mateo 26:56

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 4:28

Ja̧'wa̧nü̧ ja̧'a̧nä̧, juätü jȩttü̧mä̧ suro uku ku̧wo̧juo̧mȩnä̧ amükuädü ku̧ju̧ni̧nü̧tä̧ 'kuäopa'a.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

San Juan 19:28

Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

San Juan 19:24

Ja̧'wa̧nü̧ jȩpü̧ su̧ro̧do̧u̧mä̧ pä'äwinä̧tü̧: —Sȩro̧pü̧mä̧ tiku juiyä̧ta̧kua̧, jȩpü̧ totätukua dirü pätekuächaja pä'ü. Ja̧'wa̧nü̧ jȩtto̧mȩnä̧, pa̧'a̧nü̧ wȩyu̧tu̧ rütäwä ji̧nü̧tä̧ 'kuäopina̧'a̧: «Chi̧ä̧rȩta̧mä̧, jitütä iyä'chäkuäwinä̧tü̧, ja̧'wa̧ta̧nü̧ wä̧mȩnä̧ chü̧'ka̧tä̧wä̧ta̧'i̧nä̧, dirü pätekuächaja pä'ü jȩpi̧nä̧tü̧.»

San Mateo 26:31

Ja̧'wa̧nü̧ tti̧'chä̧ja̧'a̧ Jesú-mä̧ päinä̧u̧: —Ukutu o'katoi'ünä̧, mä̧kuä̧ yodomä̧ ttüttümä̧ ye'ekuä'chi'ü kuipperekuächäkuotüjä̧, wȩyu̧kuä̧mä̧ pa̧'a̧nü̧ pä'ija'a: «Oweja-tü̧ ttu̧ru̧wa̧rü̧ 'kui'opü chikuomȩnä̧ oweja-tü̧mä̧ ttü̧jo̧kuo̧mȩttü̧ ttipperekuächäkuotü,» jü̧nä̧.