San Mateo 25:8 - Nuevo Testamento Uwotjüja

⁸ Ja̧'wa̧nü̧ jȩtta̧'a̧nä̧, nä̧tü̧ mü̧ä̧yotü ji̧mü̧tȩnü̧ wotü wo̧juȩku̧nä̧ amükuädokotümä̧, jitü nä̧tü̧ ji̧mü̧tȩnü̧ wotü wo̧juȩku̧nä̧ amükuädätürü pä'inä̧tü̧: Ttü̧ra̧pa̧ri̧yu̧ na̧wi̧'i̧yä̧u̧jä̧ kuiäretuku aceite-ttü ji̧'chi̧cha̧nü̧ iyitü.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ u̧ni̧chä̧rö̧ ka̧cui̧nä̧tö̧mä̧ korotö a̧mö̧cuä̧rö̧nö̧ ka̧cui̧nä̧tö̧rö̧ pä'inätödo: “Lámpara isoya ji̧'qui̧cha̧nö̧tä̧ iyitö. Töäre lámparas na̧hui̧pä̧cha̧'a̧.”

San Mateo 25:8 Referans Kwoze

San Lucas 12:35

Jo̧mȩnü̧ jȩpä̧kuä̧wi̧'ü̧ ja̧'wa̧ta̧nü̧ jo̧mȩnü̧ ra̧pa̧ra̧ rȩdȩti̧'ü̧ kka̧kuä̧tu̧kui̧;

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Apocalipsis 3:9

Sataná üäre sinagoga isotüttümä̧, judío-mä̧ ttoka'anä̧ judío-jä̧ yapareu pä'äwätürümä̧, uku kuä'ka jo̧mȩ ichi'ü ttiwe'kiyunä̧ pȩjä̧mü̧, ukuru repeda'a ttu̧wo̧juö̧nä̧ jȩchä̧kua̧sä̧.

San Lucas 16:24

Ja̧'wa̧nü̧ topü pä̧i̧ku̧nä̧ wopinü̧; ¡chä'o Abraha̧, rȩrü̧jü̧ topittü! Rázaru-rü we'i, üdo'chenä̧ ajiya ta'epi'ü, chi̧nȩnä̧ dawepächattü, tti pädi'ünä̧; parä okurättü kuo'ü rü̧ȩnä̧ usurä ȩmä̧u̧sä̧.

San Lucas 8:18

«Ja̧'wa̧nü̧ ja̧'a̧ttü̧, kuä̧ju̧kuä̧tu̧ku̧mä̧ adiu ä̧ju̧kuä̧tu̧kui̧; isopäi'ünä̧ kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.»

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

Hechos 8:24

Päku Simón-mä̧ ädätinä̧u̧: —Tu̧ru̧wa̧ Dio-rü ukuokuätukuittü, ukutu päkuätuku ttürü suronä̧ 'kuäopü juiyäkua'anü̧.

San Mateo 25:1

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

San Mateo 25:7

Ja̧'wa̧nü̧ ä̧ju̧ku̧ nä̧tü̧ müäyotümä̧ o'katoi'ünä̧ po̧rä̧rä̧kuä̧wi̧'ü̧ ttiäre ra̧pa̧ri̧yu̧ jo̧mȩnü̧ aditopo'i̧nä̧tü̧.

San Mateo 25:9

Pä̧ttä̧u̧mä̧, nä̧tü̧ mü̧ä̧yotü wo̧juȩku̧nä̧ amükuädätümä̧, ttädätinä̧u̧: Isokü̧, tiyüttümä̧ ujuturu'i̧nä̧, ukuturu'i̧nä̧ pa̧ja̧kuä̧chü̧ juiyü'anü̧ ja̧'a̧. Ja̧'wa̧nü̧ ja̧'a̧ttü̧, ukututä mikuänä̧ ttiyomȩttü̧ ȩmä̧jä̧tu̧kui̧.