San Mateo 25:5 - Nuevo Testamento Uwotjüja

⁵ Ja̧'wa̧nü̧ ja̧'a̧nä̧ ü'käu ichümä̧, jurunä̧ ichi'oka'a ja̧'a̧, o'katoi'ünä̧ nä̧tü̧mä̧ püdittü, ä'ekuächi'inä̧tü̧.

TÄ̧DO Ä̧CUÄ̧ I̧HUȨNȨ

⁵ Irecuarö ȩmö̧mä̧ päinö ta'anö ichoca'attö, pö̧di̧ rö̧jä̧chi̧'i̧nä̧u̧do. Ja̧'hua̧nö̧ jo̧mȩnä̧ ä'i'inätödo.

San Mateo 25:5 Referans Kwoze

San Lucas 20:9

Jua̧u̧nü̧ o'ka'a Jesú-mä̧ ttü̧ja̧rü̧ ukuoku, pa̧'a̧nü̧ kkä̧mä̧dü̧ wȩnȩtü̧ ji'äwinü̧: Ya̧tȩ uwa pätta aditü kku̧ni̧pü̧, mikuänä̧ kkorotürü ttadita pä'ü we'ipütä kkara'a i̧wi̧nü̧.

San Mateo 24:48

Ja̧'wa̧nü̧ ja̧'a̧nä̧ u̧mü̧wä̧ya̧päji su̧ro̧pa̧ jü̧ttü̧mä̧, jakuänä̧ amükuädäkua̧: «Chu̧ru̧wa̧mä̧ jitätä ja̧'a̧ku̧mä̧ ichokü»

San Lucas 12:45

Ja̧'wa̧nü̧ ja̧'a̧nä̧, jua̧u̧ u̧mü̧wä̧ya̧mä̧, chu̧ru̧wa̧mä̧ jurunä̧nü̧mä̧ ichoküto pä'ü amükuädü, kkorotü chutäku adikuä isotürü, u̧mä̧tü̧rü̧'i̧nä̧, nä̧tü̧rü̧'i̧nä̧ kuäkuäpü jȩpü̧, u̧kuȩ kuä̧nü̧, a̧wä̧rü̧, tä̧'ä̧mä̧'chü̧ jȩü̧ttü̧mä̧,

San Mateo 25:19

Rekuo mo̧ro̧ 'kuäopinü̧ o'ka'a, adikuä isotü ttu̧ru̧wa̧mä̧ ppa̧'ä̧chä̧ji̧'ka̧, ttaditäwä tti̧jȩpa̧rü̧ pä'ü jäepinä̧u̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Efesios 5:14

Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.

Romanos 13:11

Ja̧'wa̧nü̧ ja̧'a̧, jitä pi̧yȩ mo̧ro̧ totomȩnä̧, tü'orächa pä'ü rekuä rü̧ja̧'a̧. Mo̧ ji̧no̧mȩttü̧'i̧nä̧ abonä̧nü̧, täkü tü'kü ja̧'a̧ surojüttü ttü̧ji̧pä̧kuȩ mo̧ro̧mä̧, ji̧nä̧ku̧ pätina̧'a̧mä̧.

San Lucas 18:8

Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?

San Mateo 26:43

Ji̧nä̧ pä'äji jä̧ji̧ta̧'a̧nü̧ 'chä̧wi̧'ü̧ toomȩnä̧ u̧wo̧juȩtä̧u̧mä̧ ä'eku pȩji̧nä̧tü̧, püdittü tti'äre mü̧ȩkuä̧chä̧rä̧u̧.

San Mateo 26:40

Ja̧'wa̧nü̧ ukuoku kä'ädi'ipü u̧wo̧juȩtä̧u̧ ttü̧'jä̧jo̧mȩku̧ 'chä̧wi̧'ü̧ toomȩnä̧, ä'eku pȩji̧nä̧tü̧. Ja̧'wa̧nü̧ ji̧yä̧ku̧, Peduru-rü pä'inü̧: —¿Suro ya'ute hora-tä'i̧nä̧, ttükumä̧ to̧'kuä̧rä̧tu̧ku̧ juiyünä̧ ja̧'a̧?

Apocalipsis 2:25

Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.

San Mateo 25:4

Ja̧'wa̧nü̧ ja̧'a̧nä̧ wo̧juȩku̧nä̧ amükuädätümä̧ ttü̧ra̧pa̧ra̧ ȩpü̧ kkä̧nü̧, i̧mi̧ku̧nä̧'i̧nä̧ o̧yu̧nä̧ aceite-mä̧ ȩpi̧nä̧tü̧.

San Mateo 25:6

Ja̧'wa̧nü̧ ja̧'a̧ yodó kkä'ko päia'a, wopinä̧tü̧: ¡Ü'käumä̧ täkü ichü! ¡Tekuäwächätukuarü rä'opätukui!

San Lucas 1:21

Ja̧'wa̧nü̧ 'kuäopa'anä̧mä̧, u̧mi̧nä̧ tta̧'ä̧rü̧ kka̧kuä̧tü̧ ttü̧ja̧mä̧, Zacaría-rümä̧ tta̧'a̧nü̧ pä'ü santuario-ttümä̧ juiyo rekuo to'epüttü̧ pä'ü amükuädinä̧tü̧.