San Mateo 25:46 - Nuevo Testamento Uwotjüja

⁴⁶ Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

TÄ̧DO Ä̧CUÄ̧ I̧HUȨNȨ

⁴⁶ Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Mateo 25:46 Referans Kwoze

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 5:29

Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

2 Tesalonicenses 1:9

Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

Romanos 6:23

Isopäi'ünä̧ surojü ukuotäkuäwokümä̧ wa'arenä̧tä̧ mikuäwächa'a ja̧'wa̧nü̧ ja̧'a̧nä̧ tu̧ru̧wa̧ Jesucrito-nä̧ Dio-mä̧ kkä̧kuä̧wä̧ i'ko mippoünä̧ iyinäu̧jä̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

Gálatas 6:8

Idepänä̧ jäwänä̧ kku̧nu̧mä̧, idepättümä̧ surojütä ȩmä̧kua̧, Epíritu jäwänä̧ kku̧nu̧mä̧, Epíritu-ttü kkä̧kuä̧wä̧ i'ko ȩmä̧kua̧.

San Lucas 16:26

Suro jua̧u̧tä̧mä̧kü̧ ja̧'a̧, ji̧yȩtȩ ukuturu'i̧nä̧, ujuturu'i̧nä̧ tto̧ȩpä̧rü̧ kka̧'a̧; ja̧'wa̧nü̧ ja̧'a̧ttü̧ jua̧dä̧ttü̧mä̧ ttüjü'ka'anä̧ poku 'kuäkuo'ätuku juiyünä̧tä̧ ja̧'wa̧ta̧nü̧ pa̧nä̧ttü̧dä̧jä̧ jua'aku 'kuäto'ü juiyünä̧tä̧.

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Mateo 13:43

Ja̧'wa̧nü̧ ja̧'a̧nä̧, Dio-rü ukuotätümä̧ Jä'o weomȩttü̧mä̧, kkä̧wa̧ kkȩdȩpa̧'a̧ jä̧'i̧nü̧'a̧nü̧ ti̧tȩya̧u̧nä̧ ttäkuotü. Ä̧ju̧ku̧ kku̧nä̧rü̧mä̧ ä̧ju̧kui̧.

Judas 1:21

Dio eseu repeünä̧ kua̧'kua̧ wȩnä̧rü̧ kkä̧nü̧ tu̧ru̧wa̧ Jesucrito re ü̧jü̧nä̧ kkä̧kuä̧wä̧ i'ko i̧yä̧kuȩ päinü̧ mo̧ro̧ tta̧'a̧rä̧tu̧kui̧.

San Mateo 19:16

Ja̧'wa̧nü̧ ja̧'a̧ ya̧tȩ ichi'ü päinä̧ku̧: —Adiwä i̧sa̧, wo̧juȩkuä̧ i̧sa̧ ¿kkä̧kuä̧wä̧ i'ko chu̧ju̧nä̧ra̧ pä'ümä̧ däje adiwä juei jȩpü̧tä̧ chu̧ju̧nä̧rü̧'a̧nü̧ttü̧?

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.