San Mateo 25:41 - Nuevo Testamento Uwotjüja

⁴¹ Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

TÄ̧DO Ä̧CUÄ̧ I̧HUȨNȨ

⁴¹ “Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

San Mateo 25:41 Referans Kwoze

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

2 Tesalonicenses 1:9

Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

San Mateo 13:42

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

San Mateo 13:40

Ja̧'wa̧nü̧ ja̧'a̧ttü̧, surojuoepü adiyä ke'opü iku okuränä̧ kkuwü ttikua'a jä̧'i̧nü̧ta̧'a̧nü̧, jä̧kua̧'a̧ pi̧jä̧ beipächü mo̧ro̧mä̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

San Mateo 7:23

Ja̧'wa̧nü̧ pättomȩnä̧ chä̧dä̧tä̧kuä̧u̧: Yoriso chu̧wo̧juo̧ko̧u̧ pinä̧tü̧jä̧; ¡surojütä jȩä̧kuä̧wä̧ isotümä̧, ttüttümä̧ 'kȩ'i̧pä̧chä̧tu̧kui̧!

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

Hebreos 6:8

Ja̧'wa̧nü̧ ja̧'a̧nä̧, so̧ä̧'kuatä bawuönä̧ iyomȩnä̧mä̧, Dio suronä̧ pä'ü u̧ju̧no̧mȩnä̧, rüjinä̧mä̧ okuränä̧tä̧ kkuwü ikuäwä ja̧'a̧.

San Mateo 13:50

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

San Lucas 16:24

Ja̧'wa̧nü̧ topü pä̧i̧ku̧nä̧ wopinü̧; ¡chä'o Abraha̧, rȩrü̧jü̧ topittü! Rázaru-rü we'i, üdo'chenä̧ ajiya ta'epi'ü, chi̧nȩnä̧ dawepächattü, tti pädi'ünä̧; parä okurättü kuo'ü rü̧ȩnä̧ usurä ȩmä̧u̧sä̧.

San Lucas 13:27

Päkuiyätukuäku, pä̧kuä̧u̧jä̧: yoriso ukuturumä̧ jȩru̧pa̧sä̧; ttüttümä̧ 'kȩ'i̧pä̧chä̧tu̧kui̧ o'katoi'ünä̧tä̧ suronä̧ jȩä̧kuä̧wä̧ isotüjä̧.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Mateo 18:8

Ja̧'wa̧nü̧ ja̧'a̧ttü̧ ku̧mü̧'i̧nä̧, ku̧jä̧pü̧'i̧nä̧ surojünä̧ ma̧kuä̧chü̧nä̧ jȩü̧ttü̧mä̧ 'kui'opü iku, ukuttümä̧ do'opü ikui; adiu'anü̧ ja̧'a̧ ku̧mü̧pi̧yä̧'i̧nä̧, kui̧jä̧pi̧yä̧'i̧nä̧ juikua'anä̧ ä̧'kua̧rä̧kuä̧wä̧ra̧'a̧ dokuächüttümä̧ ja̧'wa̧nü̧ jo̧ka̧'a̧ jü̧ttü̧mä̧ ku̧mü̧ pi̧yä̧'i̧nä̧, kui̧jä̧pi̧yä̧'i̧nä̧ jättäjiku okurä na̧wi̧pokorära̧'a̧ iku ikuäwä̧kua̧jä̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

San Mateo 4:10

Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

San Mateo 25:42

Isopäi'ünä̧ chukua ppä̧i̧rü̧jo̧mȩnä̧'i̧nä̧, chukua pä'ü iyokotü pinä̧tü̧jä̧; chawa a̧di̧ri̧jo̧mȩnä̧'i̧nä̧, chawa pä'ü iyokotü pinä̧tü̧jä̧;

2 Tesalonicenses 1:7

ja̧'wa̧ta̧nü̧ ukutu usurä ȩmä̧wä̧tü̧rü̧mä̧ ujutu 'kuä'ächi'ü tü̧'ȩjä̧ma̧ pä'ü iyinü̧ta̧'a̧nü̧ jȩä̧kuä̧u̧jä̧. Tu̧ru̧wa̧ Jesú mo̧ro̧jä̧ra̧'a̧ttü̧ ichomȩnä̧, okurä 'kä̧tȩnä̧ umüwäyotü á̧gȩrȩ-ku̧.