San Mateo 25:40 - Nuevo Testamento Uwotjüja

⁴⁰ Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Mateo 25:40 Referans Kwoze

San Mateo 10:42

Ja̧'wa̧ta̧nü̧ pitüttü ya̧tȩ ji̧'ki̧cha̧wa̧ ja̧ pä'ü'i̧nä̧, ttü chu̧mü̧wä̧ya̧ wa̧rü̧ ajiya diyawoya ji̧'ta̧tȩnä̧ iyürümä̧, isopäi'ünä̧ pä'üsä, jua̧u̧ iäre premio-mä̧ Dio-mä̧ unichi'okoku jä̧kua̧.

San Marcos 9:41

Ya̧tȩ, ukuturu i̧so̧'ta̧nä̧, ajiya iyomȩnä̧, Crito isotü kuätukua'attü, isopäi'ünä̧ jua̧u̧mä̧ mikuämä̧ to'e'ächokü jä̧kua̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Efesios 5:30

Isopäi'ünä̧ ujutu yotukunä̧mä̧, Crito jä̧ttä̧pä̧ya̧rü̧ todepätüjä̧.

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

San Mateo 28:10

Ja̧'wa̧nü̧ ja̧'a̧ Jesú-mä̧ päinä̧u̧: —Yekuekuätukuä chu̧wo̧juȩtä̧u̧rü Galirea rȩjȩra̧'a̧ tti̧'cha̧ ji'äwätukui, jua'attü tottattü.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Mateo 25:39

¿Ja̧'wa̧ta̧nü̧ na̧kuä̧cha̧'a̧'i̧nä̧, kärenä̧ ku̧'a̧'a̧'i̧nä̧, ti̧yȩnü̧ topü tichinä̧ku̧ttü̧?

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Lucas 19:38

Pä'inä̧tü̧: —¡Dio i̧mi̧nä̧ ichü Tu̧ru̧wa̧rü̧ juiyo adiwa'a! ¡Mo̧ro̧jä̧nä̧ttü̧ wȩnȩ juiyü, eseäkuäwä kka̧'a̧!

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 19:16

Ja̧'wa̧ta̧nü̧ ü̧'ka̧tä̧wä̧ta̧nä̧'i̧nä̧, üjanä̧'i̧nä̧ pa̧'a̧nü̧ i̧mi̧ wȩyu̧kua̧'a̧ rü̧tä̧ri̧nü̧: «Ruwotü'i̧nä̧ ttu̧ru̧wa̧ ja̧'wa̧ta̧nü̧ tturuwotü'i̧nä̧ ttu̧ru̧wa̧,» jü̧nä̧.