San Mateo 25:4 - Nuevo Testamento Uwotjüja

⁴ Ja̧'wa̧nü̧ ja̧'a̧nä̧ wo̧juȩku̧nä̧ amükuädätümä̧ ttü̧ra̧pa̧ra̧ ȩpü̧ kkä̧nü̧, i̧mi̧ku̧nä̧'i̧nä̧ o̧yu̧nä̧ aceite-mä̧ ȩpi̧nä̧tü̧.

TÄ̧DO Ä̧CUÄ̧ I̧HUȨNȨ

⁴ Korotö a̧mö̧cuä̧rö̧nö̧ ka̧cui̧nä̧tö̧mä̧ ttöäre lámpara'inä, isoya'inä pä'äji ta'anö ttö'cara pä'ö ȩpi̧nä̧tö̧do.

San Mateo 25:4 Referans Kwoze

Romanos 8:9

Ja̧'wa̧nü̧ ja̧'a̧nä̧, täkü ukutumä̧ kuidepä wea'anä̧mä̧ kka̧kuo̧ko̧tü̧jä̧, Epíritu-tä wea'anä̧ kka̧kuä̧tü̧jä̧, ukutunä̧ Dio i̧sa̧ Epíritu ü̧ja̧'a̧ttü̧. Ja̧'wa̧nü̧ ja̧'a̧ttü̧ Crito i̧sa̧ Epíritu-ru to'ätümä̧, Crito-kumä̧ wokotü.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

1 Juan 2:20

Ja̧'wa̧nü̧ ja̧'a̧nä̧, ukuturumä̧, Dio I̧tti̧ Jesucrito-mä̧ Epíritu Sa̧tu̧nä̧ mȩ'ü̧ 'kȩpi̧nä̧u̧jä̧ jueü wȩnȩ o'kajuiyünä̧ ku̧wo̧juä̧tu̧kua̧ pä'ü.

Judas 1:19

Juätü ttü̧ja̧mä̧ ttü̧ja̧ rowäkuäu tti̧'kȩ'chä̧wä̧chü̧nä̧ ji'äwätü, jitürütä pä̧wä̧rü̧jü̧tä̧, Dio i̧sa̧ Epíritu-ru totta'attü.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

San Mateo 7:24

Ja̧'wa̧nü̧ ja̧'a̧ttü̧, yotukunä̧ ttü pädü ä̧ju̧ku̧ jȩpü̧mä̧, ya̧tȩ wo̧juȩku̧nä̧ amükuädü i̧nä̧wänä̧ ojusode aditinü̧'a̧nü̧ wa̧,

San Mateo 10:16

¡Ttu̧'ȩpä̧rä̧kuä̧u̧ kka̧kuä̧tu̧kui̧! ä̧ka̧tü̧ to̧ttä̧rä̧kuä̧u̧'a̧nü̧, u̧nu̧ku̧tu̧ jü̧'a̧nü̧ pä̧i̧ juiyünä̧. Oweja-tü̧rü̧ Rowotü̧ ttü̧'kä̧tȩ jo̧mȩ wettajü'anü̧ wȩdä̧u̧jä̧.

San Mateo 25:2

Ja̧'wa̧nü̧ ja̧'a̧nä̧ juätü nä̧tü̧ttü̧, ji̧mü̧tȩnü̧ wotümä̧ wo̧juȩku̧nä̧ amükuädinä̧tü̧ ja̧'wa̧ta̧nü̧ kkorotü ji̧mü̧tȩnü̧ wotümä̧ wo̧juȩku̧nä̧ amükuädokotü pinä̧tü̧.

San Mateo 25:3

Wo̧juȩku̧nä̧ amükuädokotümä̧ ttü̧ra̧pa̧ra̧mä̧ ttȩmi̧pa̧'a̧nä̧, joipächomȩnä̧ ttü̧'ka̧rä̧kuȩ aceite-mä̧ ȩpo̧ko̧tü̧ pinä̧tü̧;

San Mateo 25:5

Ja̧'wa̧nü̧ ja̧'a̧nä̧ ü'käu ichümä̧, jurunä̧ ichi'oka'a ja̧'a̧, o'katoi'ünä̧ nä̧tü̧mä̧ püdittü, ä'ekuächi'inä̧tü̧.