San Mateo 25:35 - Nuevo Testamento Uwotjüja

³⁵ Isopäi'ünä̧ chukua ppä̧i̧rü̧jo̧mȩnä̧'i̧nä̧, chukua pä'ü iyinä̧tü̧jä̧; chawa a̧di̧ri̧jo̧mȩnä̧'i̧nä̧, chawa pä'ü iyinä̧tü̧jä̧; kkorotü tti̧rȩjä̧nä̧ kuedächomȩnä̧'i̧nä̧, kuojusodenä̧ dokuädinä̧tu̧kuä̧ku̧sä̧;

TÄ̧DO Ä̧CUÄ̧ I̧HUȨNȨ

³⁵ Ko̧ro̧nö̧ chucua ppäi rö̧jo̧mȩnä̧, chu̧cuȩ iyinätöjä. Chahua a̧di̧ rö̧jo̧mȩnä̧, chahua iyinätöjä. Kara'attö ichäcuähuotö ta'anö cuedächomenä, cuojusodenä chö̧ja̧ pä'ö hue'inätöjä.

San Mateo 25:35 Referans Kwoze

Hebreos 13:16

käkuädätukuä adiu ppädäkuäwämä̧; ja̧'wa̧nü̧ jȩpü̧ ttü̧jo̧mȩnä̧mä̧, Dio-mä̧ juiyo eseu.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

Romanos 12:20

Ja̧'wa̧nü̧ ja̧'a̧ttü̧ kua̧bo̧i̧ya̧ ukua ppäirü̧jü̧ttü̧mä̧, ukua iyirü; ja̧'wa̧ta̧nü̧ awa a̧di̧ri̧jü̧ttü̧mä̧, awa iyirü; ja̧'wa̧nü̧ jȩ'kuo̧mȩnä̧ ü'änä̧mä̧ dä'ä ttu̧ä̧kua̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Filemón 1:7

Isopäi'ünä̧ cha̧wa̧ru̧wa̧ chi̧jä̧wa̧, ukú Filemó̧-rü̧ rü̧ȩnä̧ eseusä kkorotü tawaruwä tü̧jä̧wa̧tü̧rü̧ eseu ppäkuäda'a ä̧ju̧ku̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

Romanos 16:23

Ja̧'wa̧ta̧nü̧ teäwä̧u̧jä̧ Gayo'i̧nä̧, ojusodenä̧ chü̧ji̧yä̧ku̧ ja̧'wa̧ta̧nü̧ Dio-rü esetätürümä̧ iweye ppä'ädü ja̧'a̧. Ja̧'wa̧ta̧nü̧ Erasto, ütawiyä ttü̧ja̧ ttiäre pärätä tta̧wä̧rä̧kuä̧wä̧ i̧sa̧'i̧nä̧ ja̧'wa̧ta̧nü̧ ti̧jä̧wa̧ Cuarto'i̧nä̧ teäwä̧u̧jä̧. [

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

Hechos 10:31

Jua̧u̧mä̧ päjäkusä: Cornelio, Dio-rü kukuokuä'ijümä̧ ä̧ju̧kuä̧jä̧ku̧jä̧ ja̧'wa̧ta̧nü̧ usurä isotürü ppäkuädä'ijü'i̧nä̧ amükuädäjäkujä̧, jü̧nä̧.

Hechos 4:32

Jesucrito-rü esetätü rekuätü o'katoi'ünä̧ ji̧yȩtȩnä̧tä̧ amükuädinä̧tü̧ ja̧'wa̧ta̧nü̧ ji̧yȩtȩnä̧tä̧ a̧'kua̧ri̧nä̧tü̧. Yotüte ttu̧ju̧nä̧rü̧, ttütä chiäre pättümä̧ juiyina̧'a̧, o'katoi'ünä̧ ttiäre jü̧nä̧tä̧ ji̧na̧'a̧.

San Juan 13:29

Ja̧'wa̧nü̧ ja̧'a̧nä̧ kkorotümä̧, Juda-mä̧ pärätä ȩkä̧yü 'chu̧ä̧ra̧'a̧ ja̧'a̧, pä'käri jäwä ȩma̧ pä'ü päkukü̧ ja̧'wa̧nü̧ jü̧ juiyüttü'i̧nä̧, usurä isotürü ppäda pä'ü päkukü̧ pä'ütä amükuädinä̧tü̧.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

San Marcos 14:7

Ja̧'wa̧nü̧ ja̧'a̧nä̧, usurä isotürümä̧ 'kuäopünä̧tä̧ ku̧ju̧nä̧rä̧kuo̧tü̧jä̧ ku̧'kä̧tȩtu̧ku̧nä̧mä̧, ja̧'wa̧nü̧ ja̧'a̧ttü̧ juätürü pä̧wä̧rü̧ja̧'a̧ku̧ ppäkuädätukuajä̧; ja̧'wa̧nü̧ ja̧'a̧nä̧, ttürümä̧ 'kuä'opünä̧mä̧ kku̧nä̧ro̧ko̧tü̧ kuäkuotüjä̧.

San Mateo 26:11

Isopäi'ünä̧ usurä isotürümä̧ 'kuäopünä̧tä̧ ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧nä̧ ttürümä̧ 'kuäopünä̧mä̧ kku̧nä̧ro̧ko̧tü̧ kuäkuotüjä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.