San Mateo 25:26 - Nuevo Testamento Uwotjüja

²⁶ Ja̧'wa̧nü̧ päiyäku, u̧ru̧wa̧mä̧ päinä̧ku̧: Ukumä̧ adikuä i̧sa̧ kua'anä̧, ü̧tä̧wa̧jä̧, su̧ro̧pa̧jä̧. Chaditokomȩ ji̧no̧mȩttü̧'i̧nä̧ u̧wä̧ju̧ jäekuä i̧sa̧ cha'amä̧ ja̧'wa̧ta̧nü̧ ririchokome ji̧no̧mȩttü̧'i̧nä̧ ka̧ka̧kuä̧ i̧sa̧ cha'amä̧ wo̧jui̧nü̧jä̧,

TÄ̧DO Ä̧CUÄ̧ I̧HUȨNȨ

²⁶ Ru̧hua̧mä̧ ja̧u̧ru̧ pä'inödo: “Chu̧mö̧huä̧ya̧, ucumä su̧ro̧pa̧jä̧. Ucumä ö̧tä̧hua̧jä̧. Täcö huo̧jui̧nö̧jä̧ ttö chötocö ji̧nö̧ chö̧ca̧ca̧ta̧'a̧ pä'ö. Ja̧'hua̧ta̧nö̧ chu̧ju̧no̧cö̧ ji̧nö̧ chȩma̧'a̧ pä'ö huo̧ji̧nö̧jä̧.

San Mateo 25:26 Referans Kwoze

San Mateo 18:32

Ja̧'wa̧nü̧ jittäwäku, u̧ru̧wa̧mä̧ ottopo'äjarü pä'ü we'äji̧'ka̧ päinä̧ku̧: ¡Surojütä jȩä̧kuä̧wä̧ i̧sa̧jä̧! kuajuäkuäwäku ukurumä̧, kuimippotü jo̧mȩnü̧ jȩpü̧ chikuinä̧ku̧jä̧.

San Mateo 21:8

Ttü̧ja̧ rekuätümä̧, yotukunä̧ ttü̧'ka̧tä̧wä̧ti̧yu̧ mä̧nä̧nä̧ ppätta'anä̧, kkorotütä dauwiyättü adiyä 'kui'ü ppä'inä̧tü̧.

San Mateo 25:24

Ja̧'wa̧nü̧ ja̧'a̧nä̧ u̧mü̧wä̧ya̧ mil-nü̧ jo̧mȩnä̧tä̧ pärätä ȩmi̧nü̧ päjimä̧ u̧ru̧wa̧rü̧ ichi'ü pä'inü̧: Chu̧ru̧wa̧ ukumä̧ juiyo jä'epüjä̧, kuaditokomȩ ji̧no̧mȩttü̧'i̧nä̧ u̧wä̧ju̧ jäekuä i̧sa̧jä̧ ja̧'wa̧ta̧nü̧ riri'kuokome ji̧no̧mȩttü̧'i̧nä̧ ka̧ka̧kuä̧ i̧sa̧, pä'ümä̧ chu̧wo̧juä̧ku̧jä̧.

San Mateo 25:25

Ja̧'wa̧nü̧ ja̧'a̧ttü̧ ye'eku kuiäre pärätämä̧ rȩjȩ dajü ikuinü̧sä̧. Ja̧'wa̧nü̧ ja̧'a̧nä̧, kuiäremä̧ pi̧yȩsä̧ ja̧já̧.

San Mateo 25:27

Ja̧'wa̧nü̧ jü̧ttü̧mä̧ chiäre pärätämä̧ Banco-ra̧'a̧ rütina̧jü̧jä̧, ppa̧dä̧cho̧mȩnä̧ interes pättüku chȩmä̧kua̧'a̧nü̧.