San Mateo 25:1 - Nuevo Testamento Uwotjüja

¹ Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

TÄ̧DO Ä̧CUÄ̧ I̧HUȨNȨ

¹ Juhua'a yabonö huo̧juȩti̧nö̧do Jesús: —Dios hueömä to̧mö̧rȩ ruhuä nä̧tö̧ möäyotö ttöäre lámpara 'chu̧'ä̧rö̧, ya̧tȩ irecuarö ȩmö̧rö̧ topö tti̧'cha̧'a̧ jä̧'i̧nö̧'a̧nö̧ ja̧'a̧.

San Mateo 25:1 Referans Kwoze

Apocalipsis 19:7

Rü̧ȩnä̧ teseäkuäwätukuarü, jua̧u̧tä̧ jäwätä ja̧'a̧, tesewarü pä'ümä̧; oweja mü̧ä̧ya̧ jü̧nä̧ wa̧ ü'käu mo̧ro̧ rȩbȩä̧kuä̧wa̧'a̧. Irekua ȩmä̧kua̧ju̧mä̧, jo̧mȩnü̧tä̧ kkä̧ju̧:

Apocalipsis 21:9

Ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü á̧gȩrȩ-ttü̧ ya̧tȩ, kko̧ro̧mü̧ttü̧nü̧ to̧'ta̧rȩ copa o̧'ta̧, kko̧ro̧mü̧ttü̧nü̧ todäre jo̧mȩnä̧ rüjí mo̧ro̧ usurä ȩmä̧kuä̧wä̧ su̧'pȩnü̧ ȩka̧'a̧, 'chu̧ä̧rä̧nü̧ ichi'ü, päinä̧ku̧sä̧: «ichi'i poku, oweja mü̧ä̧ya̧ jü̧nä̧ wa̧ ü'käwäkuajuru, chi̧jȩpa̧ku̧.»

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

San Mateo 13:24

Jesú-mä̧ kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ adiwäjuei u̧wä̧ju̧ u̧ju̧ni̧nü̧'a̧nü̧ jü̧nä̧ wȩnȩkuä̧cha̧'a̧;

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

San Mateo 22:2

Mo̧ro̧jä̧ Ru̧wa̧ weomȩmä̧ ya̧tȩ ru̧wa̧ rey i̧tti̧ ü'käu pä'käri jȩi̧nü̧'a̧nü̧ ja̧'a̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

San Mateo 20:1

Mo̧ro̧jä̧ ru̧wa̧ weomȩmä̧ uwa pätta u̧ru̧wa̧, ji̧nä̧ yo̧ä̧i̧ ja̧'a̧ku̧ i'ätta ttaditäkua'a i̧mi̧tä̧kuä̧u̧ru̧ ukuoku i̧'chi̧nü̧'a̧nü̧ ja̧'a̧.

San Mateo 13:47

Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

Apocalipsis 4:5

Juȩnȩ ruwo deäkä kko̧mȩttü̧ räopina̧'a̧, rä̧mi̧pü̧'i̧nä̧, ku'upä ürowü'inä̧, ku'upä kürüächü'i̧nä̧, jü̧nä̧; ja̧'wa̧ta̧nü̧ juȩnȩ, ruwo deäkä ä'ka jo̧mȩmä̧, kko̧ro̧mü̧ttü̧nü̧ todäre jo̧mȩnä̧ ra̧pa̧ra̧ o̧yu̧ kuoina̧'a̧, jua̧u̧mä̧ kko̧ro̧mü̧ttü̧nü̧ todäre jo̧mȩnä̧, Dio isotü epíritu-tu̧ ji̧na̧'a̧.

2 Corintios 11:2

Isopäi'ünä̧ ukuturu, rü̧ȩnä̧ repedünä̧ jȩi̧nä̧ku̧sä̧ Dio-mä̧. Jua'amä̧ Crito-rü jueünä̧tä̧ kukuotätukua pä'üsä; yajute kkirekuorü kkȩmä̧kua̧'a̧ ä'kanä̧, churutä a̧mü̧kuä̧rü̧ kukuota'a jä̧'i̧nü̧ta̧'a̧nü̧.

San Mateo 9:15

Pättäku, Jesú-mä̧ ädätinä̧u̧: —¿Jua̧u̧nu̧mä̧, ya̧tȩ irekuarü ȩma̧'a̧ ä̧tȩpä̧jä̧u̧mä̧, chutä jitütäku ü̧ja̧'a̧nä̧mä̧ tta̧'kua̧ tta̧ttȩku̧'a̧nü̧ tä̧jí̧? Ja̧'wa̧nü̧ ja̧'a̧nä̧, irekuarü ȩmü̧rü̧ ttȩmi̧pü̧ mo̧ro̧ päi'omȩnä̧mä̧, jua̧u̧nu̧tä̧ jä̧kua̧'a̧ ttu̧kuȩ a̧do̧chü̧ jȩttä̧kua̧'a̧mä̧.

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

Hechos 20:8

Ra̧pa̧ri̧yu̧ rȩdȩkua̧'a̧ rü̧ȩnä̧ kuoina̧'a̧, juo̧ka̧ ju'toju i̧so̧ka̧ ka̧ka̧kuä̧jä̧'kotü ttü̧'ȩjo̧ka̧mä̧.

San Mateo 13:31

Kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ mostaza pä'ü miku u̧wä̧ju̧ u̧ju̧ni̧nü̧ ji̧nü̧'a̧nü̧ ja̧'a̧.

San Mateo 25:7

Ja̧'wa̧nü̧ ä̧ju̧ku̧ nä̧tü̧ müäyotümä̧ o'katoi'ünä̧ po̧rä̧rä̧kuä̧wi̧'ü̧ ttiäre ra̧pa̧ri̧yu̧ jo̧mȩnü̧ aditopo'i̧nä̧tü̧.

San Juan 18:3

Ja̧'wa̧nü̧ ja̧'a̧ttü̧, Juda-mä̧, sacerdote tturuwotü wȩttä̧jä̧u̧ su̧ro̧do̧u̧ku̧ ja̧'wa̧ta̧nü̧ fariseo wotü wȩttä̧jä̧u̧ su̧ro̧do̧u̧ku̧ o'ipächäji̧'ka̧ rȩbȩwi̧pi̧nü̧, dauwiyäku, ttitejäworiyäku, ttürowä'äku, jü̧nä̧.

Apocalipsis 8:10

Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.