San Mateo 24:9 - Nuevo Testamento Uwotjüja

⁹ Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

TÄ̧DO Ä̧CUÄ̧ I̧HUȨNȨ

⁹ “Ja̧u̧nu̧mä̧ ucuturu korotörö ttiyäcuotö, suronä jȩtta̧ pä'ö. Ja̧'hua̧ta̧nö̧ ucuturu cuä'ö tticuäcuotö. Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

San Mateo 24:9 Referans Kwoze

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.

1 Pedro 4:16

Crito-rü esetinomȩttü̧ usurä ȩmä̧u̧mä̧, udäpeku juiyü'anü̧ ja̧'a̧, ttudäpekuajueimä̧ Dio i̧mi̧ ȩpü̧tä̧ eseu.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Hechos 7:59

Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»

San Lucas 11:49

«Ja̧'wa̧nü̧ ja̧'a̧ttü̧, Dio u̧wo̧juö̧nä̧mä̧ pä'inü̧: Profetas wotürü'i̧nä̧, apótore wotürü'i̧nä̧ wȩdä̧kua̧sä̧ ja̧'wa̧nü̧ ja̧'a̧nä̧ juätürü u̧sä̧rü̧, kuä'äu kuikuäkuotüjä̧.»

San Mateo 23:34

Ja̧'wa̧nü̧ ja̧'a̧ttü̧ profetas wotürü'i̧nä̧, amükuädäkuäwä wo̧juä̧tü̧rü̧'i̧nä̧, wo̧juȩkuä̧ isotürü'i̧nä̧ wȩdä̧kuä̧u̧jä̧. Ja̧'wa̧nü̧ ja̧'a̧nä̧ wȩdä̧u̧ru̧mä̧, ütawiyä jü̧'a̧kuä̧ ku̧sä̧rä̧kuo̧tü̧jä̧, sinagogas odewiyättü'i̧nä̧ kuäkuä'kuotüjä̧ juätürümä̧, ü̧jo̧kä̧nü̧ kku̧nä̧'chü̧'i̧nä̧, yotukunä̧rü̧mä̧ kuä'äu kuikuäkuotüjä̧.

Hechos 28:22

Ja̧'wa̧nü̧ ja̧'a̧nä̧ ukuttütä tä̧ju̧kua̧ pä'ätüjä̧, jua̧u̧ tü'kü toku päkuaja pä'ü. Pi̧jä̧ pa̧ja̧kuä̧chü̧nä̧ ukuowa'a ä̧ju̧kuä̧tü̧jä̧, jua̧u̧ jareünä̧ esetäkuäwä ttü̧ja̧ ttüjü'koka'a ttukuokua'amä̧.

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

San Juan 15:18

Pi̧jä̧ ttü̧ja̧, ukuturu ttüjü'kü juiyüttümä̧, ä̧kuo̧mȩnä̧mä̧, Jua̧u̧ru̧'i̧nä̧ kkü'kokotü pinä̧tü̧ pä'ümä̧ wo̧juä̧tü̧jä̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.