San Mateo 24:43 - Nuevo Testamento Uwotjüja

⁴³ Ja̧'wa̧nü̧ ja̧'a̧nä̧ pi̧yȩ ku̧wo̧juä̧tu̧kua̧ pä'ü ja̧'a̧, ya̧tȩ isode u̧ru̧wa̧ ojusodenä̧ nä̧u̧kuä̧rä̧kuä̧wä̧ i̧sa̧, yodó nä̧u̧ku̧ i̧chä̧kuȩ hora u̧wo̧juö̧ttü̧mä̧, jua̧u̧mä̧ ä'i'oka'a to̧pä̧ra̧jü̧, ojusode jäwä ü̧nä̧u̧ku̧ juiyiyarü pä'ümä̧.

TÄ̧DO Ä̧CUÄ̧ I̧HUȨNȨ

⁴³ Ja̧'hua̧ ja̧'a̧nä̧ pi̧yȩ huo̧juä̧tu̧cui̧, ya̧tȩ isode ru̧hua̧ nä̧u̧cuä̧rö̧ ichi'äcuome u̧huo̧ju̧ttu̧mä̧, topäraji, nä̧u̧cuä̧rö̧ ojusodenä doächö juiya pä'ö.

San Mateo 24:43 Referans Kwoze

San Lucas 12:39

Pi̧yȩ adiu ä̧ju̧kuä̧tu̧kui̧, ya̧tȩ isode u̧ru̧wa̧, nä̧u̧kuä̧rä̧kuä̧wä̧ i̧sa̧ ichäkuomȩ u̧wo̧juö̧ttü̧mä̧, ojusode jäwä ü̧nä̧u̧kua̧'a̧nä̧mä̧ ja̧'a̧tä̧ topokü pajü.

San Mateo 24:44

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.

San Mateo 20:11

Ja̧'wa̧nü̧ ttaditäji mikuä i̧mi̧tä̧rä̧u̧ ȩmü̧mä̧, pätta u̧ru̧wa̧ ütü'kü suronä̧ ukuokuinä̧tü̧,

San Mateo 14:25

Ja̧'wa̧nü̧ ja̧'a̧ mo̧ro̧ juoä'kaku päi'omȩnä̧, Jesú-mä̧ rü̧ä̧ dubora wä̧mo̧tonä̧ u̧wo̧juȩtä̧u̧ ttü̧rȩja̧'a̧ku̧ ü̧jä̧pü̧nä̧ ichinü̧.

San Mateo 24:42

Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

San Mateo 25:10

Ja̧'wa̧nü̧ jä̧u̧ mikuänä̧ ttiyomȩttü̧ ȩmü̧ tti̧'cha̧'a̧nä̧, Ü'käumä̧ täkü ichi'inü̧. Ichi'a'a wo̧juȩku̧nä̧ amükuädätümä̧, chutäku dodettächa'anä̧, äpatemä̧ mü̧ȩkuä̧chi̧na̧'a̧.

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

San Marcos 6:48

Ja̧'wa̧nü̧ ja̧'a̧, toinä̧u̧, pä̧i̧ku̧nä̧ juä'äu usurä ttȩmä̧wa̧'a̧, to'ija̧'a̧ku̧ kkä̧rü̧'ko̧wä̧u̧. Mo̧ro̧juä'kaku päi'omȩnä̧, Jesú-mä̧ aje wä̧mo̧tonä̧ 'chä̧nü̧ ttipeyänä̧ 'kuättopa'a jä̧'i̧nü̧'a̧nü̧ jȩpi̧nü̧.

San Marcos 13:35

Ja̧'wa̧nü̧ ja̧'a̧ttü̧, to̧pä̧rü̧ kuä'i'ätukuoka'a kka̧kuä̧tu̧kui̧; isode u̧ru̧wa̧ ichäkuomȩmä̧ kuieruwätukua'attü̧; ni̧pä̧ro̧mȩku̧ jä̧kua̧'a̧ pä'üdä̧jä̧, yodó kkä'ko jä̧kua̧'a̧ pä'üdä̧jä̧, äkärä woa'aku jä̧kua̧'a̧ pä'üdä̧jä̧, mo̧ro̧ juoa'aku jä̧kua̧'a̧ pä'üdä̧jä̧ kuieruwätukua'attü̧.

San Lucas 12:38

Eseäkuäwä rü̧ȩnä̧ kka̧'a̧, yodó kkä'ko ichaja pä'üdä̧jä̧ ja̧'wa̧ta̧nü̧ mo̧ro̧ juoa'aku ichaja pä'üdä̧jä̧, ttä'i'oka'a to̧ttä̧ro̧mȩnä̧mä̧.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»