San Mateo 24:42 - Nuevo Testamento Uwotjüja

⁴² Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

TÄ̧DO Ä̧CUÄ̧ I̧HUȨNȨ

⁴² “Ucutumä to̧pä̧rö̧ ka̧cuä̧tu̧cui̧. Tu̧ru̧hua̧ ichäcuome yoröiso jerupätöjä.

San Mateo 24:42 Referans Kwoze

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

1 Tesalonicenses 5:6

Ja̧'wa̧nü̧ ja̧'a̧ttü̧, kkorotü jü̧'a̧nü̧mä̧ tä'eku juiyätukua. Pärokua'akutä, tta̧'a̧rä̧kuä̧u̧, ttu̧'ȩpä̧rü̧nü̧ to̧tä̧rä̧tu̧kua̧.

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

San Mateo 24:36

Ja̧'wa̧nü̧ ja̧'a̧nä̧, ji̧nä̧so chi̧chä̧kuȩ mo̧ro̧mä̧, hora-mä̧, mo̧ro̧jä̧ á̧gȩrȩ'i̧nä̧, chutä I̧tti̧'i̧nä̧ yorisotä ya̧tȩ'i̧nä̧ jerupätüjä̧, suro jä'o ya̧tȩtä̧ ja̧'a̧ jua̧u̧ wo̧jua̧mä̧.

Romanos 13:11

Ja̧'wa̧nü̧ ja̧'a̧, jitä pi̧yȩ mo̧ro̧ totomȩnä̧, tü'orächa pä'ü rekuä rü̧ja̧'a̧. Mo̧ ji̧no̧mȩttü̧'i̧nä̧ abonä̧nü̧, täkü tü'kü ja̧'a̧ surojüttü ttü̧ji̧pä̧kuȩ mo̧ro̧mä̧, ji̧nä̧ku̧ pätina̧'a̧mä̧.

San Mateo 24:44

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

San Mateo 24:43

Ja̧'wa̧nü̧ ja̧'a̧nä̧ pi̧yȩ ku̧wo̧juä̧tu̧kua̧ pä'ü ja̧'a̧, ya̧tȩ isode u̧ru̧wa̧ ojusodenä̧ nä̧u̧kuä̧rä̧kuä̧wä̧ i̧sa̧, yodó nä̧u̧ku̧ i̧chä̧kuȩ hora u̧wo̧juö̧ttü̧mä̧, jua̧u̧mä̧ ä'i'oka'a to̧pä̧ra̧jü̧, ojusode jäwä ü̧nä̧u̧ku̧ juiyiyarü pä'ümä̧.

San Mateo 25:10

Ja̧'wa̧nü̧ jä̧u̧ mikuänä̧ ttiyomȩttü̧ ȩmü̧ tti̧'cha̧'a̧nä̧, Ü'käumä̧ täkü ichi'inü̧. Ichi'a'a wo̧juȩku̧nä̧ amükuädätümä̧, chutäku dodettächa'anä̧, äpatemä̧ mü̧ȩkuä̧chi̧na̧'a̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.