San Mateo 24:31 - Nuevo Testamento Uwotjüja

³¹ Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

TÄ̧DO Ä̧CUÄ̧ I̧HUȨNȨ

³¹ Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Mateo 24:31 Referans Kwoze

1 Tesalonicenses 4:16

Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;

San Marcos 13:27

Ja̧'wa̧nü̧ päi'omȩnä̧, chumüwäyotü á̧gȩrȩ-rü pi̧jä̧ rȩjȩ bȩi̧pä̧ra̧'a̧bü o'kajuiyünä̧ päi'ünä̧, Ttütä chȩmi̧nä̧u̧ru̧ ttü̧ka̧ka̧ta̧ pä'ü wȩdä̧kua̧sä̧.

1 Corintios 15:52

Jurunä̧tä̧, tti'äre yȩbi̧ päi'a'attü, trompeta rüjí rä̧mi̧po̧mȩnä̧, wa'ü ikuinä̧tü̧mä̧ wa'ü ikuäwokünä̧ ttottächi'äkuotü. Ja̧'wa̧nü̧ ja̧'a̧nä̧ ujutumä̧ ti'ärowächi'äkuotüjä̧.

San Mateo 13:41

Ubó I̧tti̧mä̧ umüwäyotü á̧gȩrȩ-rü wȩä̧kua̧, chutä ru̧wa̧ jü̧nä̧ weomȩttü̧ kkorotürü ma̧ttä̧chü̧nä̧ jȩpi̧nä̧tü̧rü̧'i̧nä̧, suronä̧ jȩpä̧tü̧rü̧'i̧nä̧ o'katoi'ünä̧rü̧ ttü̧ka̧ka̧ta̧ pä'ü.

2 Tesalonicenses 2:1

Chi̧jä̧wa̧tü̧, jä̧tȩpä̧u̧jä̧ ukuturumä̧ Tu̧ru̧wa̧ Jesucrito i̧chä̧kuȩmä̧ ja̧'wa̧ta̧nü̧ chutäku ji̧nä̧ yo̧mȩtȩ päti̧'ä̧kuȩmä̧

Efesios 1:10

Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

Apocalipsis 7:1

Jua̧u̧ topäji̧'ka̧, pa̧ja̧kuä̧nü̧ wotü á̧gȩrȩ-rü, ruwäkuiyä pa̧ja̧kuä̧chü̧nä̧ kkä̧rü̧'koppiyumä̧ pa̧ja̧kuä̧nü̧ jo̧mȩnä̧ 'chu̧'ä̧rü̧ ttü̧ja̧kua̧'a̧ topinü̧sä̧, pi̧jä̧ra̧'a̧ku̧'i̧nä̧, rü̧ä̧ duboranä̧'i̧nä̧, dauwiyänä̧'i̧nä̧ kkä̧rü̧'koppa ppü'ü iku juiyünä̧.

Apocalipsis 8:2

Ja̧'wa̧nü̧ ja̧'a̧ topinü̧sä̧, kko̧ro̧mü̧ttü̧nü̧ ta̧ju̧ á̧gȩrȩ-rü, Dio ä'kajo̧mȩ kka̧kuä̧tü̧rü̧; juätürü iyäwi'ina̧'a̧ yotukunä̧rü̧ ji̧yȩtȩ trompeta pünä̧.

Romanos 10:18

Ja̧'wa̧nü̧ ja̧'a̧nä̧ ttümä̧ pä'üsä: ¿Ä̧ju̧kuo̧ko̧tü̧ pinä̧tü̧? ¡Isokü̧, ä̧ju̧kui̧nä̧tü̧! wȩyu̧kuä̧ wȩnȩmä̧ pä'a: Tti̧wȩnȩmä̧ pi̧jä̧ o'kajuiyünä̧ rä̧mi̧pi̧na̧'a̧, ja̧'wa̧ta̧nü̧ ruwäkuiyä pa̧ja̧ku̧nä̧ rȩbȩwi̧na̧'a̧ ttukuokumä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Mateo 24:22

Ja̧'wa̧nü̧ ja̧'a̧nä̧, ja̧'wa̧nü̧ jä̧kuȩ mo̧ro̧ Dio be'ädü iku juiyüttümä̧, ya̧tȩ'i̧nä̧ surojüttümä̧ ü̧ji̧pü̧ juiya'anü̧ ja̧'a̧; ja̧'wa̧nü̧ ji̧yä̧ku̧ jua̧u̧ mo̧ro̧mä̧ ȩmi̧nä̧u̧ru̧ rettü be'ädü i̧kuä̧kua̧.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 24:32

Ja̧'wa̧nü̧ jä̧kua̧'a̧ttü̧, higo daunä̧ wȩnȩtü̧ päda'a wo̧jui̧'ä̧tu̧kui̧: Juäi ä̧na̧jui̧yä̧ jä̧kuȩ räreomȩnä̧ ja̧'wa̧ta̧nü̧ ojiyä'i̧nä̧ rärea'a topü pä'ätüjä̧, täkü du'onä̧ juoa'a, jü̧nä̧.

Hebreos 12:19

ä̧ju̧kui̧nä̧tü̧ trompeta rä̧mi̧pa̧'a̧ ja̧'wa̧ta̧nü̧ Dio ukuoku'i̧nä̧ rä̧mi̧pä̧u̧, yaboku ukuoku juiyünä̧ jä'epü ajuäkuäwinä̧tü̧.