San Mateo 24:29 - Nuevo Testamento Uwotjüja

²⁹ Usurä ttȩmä̧wä̧ji̧ mo̧ro̧mä̧ beipächi'a'anä̧, yotäku mo̧ro̧ kkä̧wa̧mä̧ na̧wi̧'ä̧kua̧ ja̧'wa̧ta̧nü̧ yodó kkä̧wa̧'i̧nä̧ na̧wi̧'ä̧kua̧'a̧, si̧ri̧'kü̧'i̧nä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ttü̧ ujuru'i̧nä̧ ttü̧ȩpä̧kua̧'a̧.

TÄ̧DO Ä̧CUÄ̧ I̧HUȨNȨ

²⁹ Juhua'a yabonö huo̧juȩti̧nö̧do Jesús: —Ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧. Si̧ri̧'cö̧'i̧nä̧ mo̧ro̧jä̧ra̧'a̧ttö̧ ttattähuächäcuotö. Mo̧ro̧jä̧ jähuä o'ca juiyönä ttö̧ȩpä̧cua̧'a̧.

San Mateo 24:29 Referans Kwoze

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

San Mateo 24:21

Isopäi'ünä̧ rü̧ȩnä̧ usurä ȩmä̧kuä̧wä̧, pi̧jä̧ uwäbe'inomȩttü̧ kkä̧mä̧dü̧ jitä mo̧ro̧bü päi'ünä̧ jo̧kü̧ jä̧'i̧jü̧, yodoji'i̧nä̧ jo̧kü̧ jä̧kuȩ 'kuäopäkua'a.

San Mateo 24:8

Ja̧'wa̧nü̧ ja̧'a̧ pi̧yȩ o'kajuiyü 'kuäopümä̧, usurä ȩmä̧kuä̧wä̧ pä'ü kkä̧mä̧da̧'a̧ jä̧kua̧'a̧.