San Mateo 24:27 - Nuevo Testamento Uwotjüja

²⁷ Isopäi'ünä̧ kkä̧wa̧ räopa'akuttü ku'upä ürowomȩnä̧, kkä̧wa̧ ma̧ä̧cha̧'a̧ku̧ttü̧'i̧nä̧ kkȩdȩa̧'a̧ jä̧'i̧nü̧'a̧nü̧ jä̧kua̧'a̧ ubo I̧tti̧ ichomȩnä̧mä̧.

TÄ̧DO Ä̧CUÄ̧ I̧HUȨNȨ

²⁷ Ko̧ro̧nö̧ mo̧ro̧ kä̧hua̧ räopa'acuttu, kä̧hua̧ ma̧ä̧cha̧'a̧cu̧ttu̧ cu'upä örohua'a tocu'ätucua'a jä̧'i̧nö̧'a̧nö̧ tocu'äcuotöjä Ubo I̧tti̧ ichomenä.

San Mateo 24:27 Referans Kwoze

2 Pedro 3:4

pättäkuotü: «¿Toku ji̧na̧'a̧kuä̧ttü̧ Crito chichäkua̧sä̧ päina̧'a̧mä̧? Tä̧do̧tü̧ mi̧nä̧mä̧ täkü wa'ü ikuinä̧tü̧ ja̧'wa̧ta̧nü̧ o'kajuiyünä̧ pi̧jä̧ uwäbe'inomȩttü̧tä̧ kkä̧mä̧dü̧ yoräteunä̧tä̧ 'cha̧'a̧.»

Santiago 5:8

Ja̧'wa̧ta̧nü̧ ukutu'i̧nä̧ kua̧mi̧ 'ki'ächi'ü, jo̧mȩnü̧ 'kiyünä̧ tta̧'a̧rä̧tu̧kui̧, isopäi'ünä̧ Tü̧ä̧nä̧wa̧ ppa̧wä̧chä̧kua̧'a̧mä̧ täkü tü'küwächa'a.

San Mateo 24:39

Ja̧'wa̧nü̧ jȩpü̧ kkä̧nü̧ ttieruäkuäwa'anä, rü̧ä̧ a̧'ȩ ma̧ä̧mo̧mȩnä̧, o'katoi'ünä̧rü̧tä̧ juatädi'ina̧'a̧. Jua̧u̧nü̧ ji̧nü̧ta'anü̧ 'kuäopäkua'a ubo I̧tti̧ ichomȩnä̧mä̧.

San Mateo 24:37

Ja̧'wa̧nü̧ ja̧'a̧nä̧, Nué ü̧ji̧nü̧ mo̧ro̧ 'kuäopinü̧ta'anü̧ 'kuäopäkua'a, ubo I̧tti̧ ichü mo̧ro̧'i̧nä̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Mateo 24:3

Jua̧u̧nü̧ o'ka'a olivo kka̧kuä̧'ka mü̧ä̧'kara̧'a̧ 'chä̧wi̧'ä̧ji̧'ka̧ Jesú-mä̧ ü̧'a̧'a̧, u̧wo̧juȩtä̧u̧mä̧ päkuotütä 'chä̧wi̧'ü̧ jättepinä̧ku̧: —Ji'äwitü pi̧yȩmä̧ ti̧yȩnü̧ jä̧kua̧'a̧jä̧ttü̧. ¿Uku kuichäkua'a ä'kanä̧mä̧ ja̧'wa̧ta̧nü̧ pi̧jä̧ beipächäkua'a ä'kanä̧mä̧, däjettü̧ topü wo̧juä̧wä̧kua̧'a̧jä̧ttü̧? pättäku,

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 24:26

Ja̧'wa̧nü̧ ja̧'a̧ttü̧, rȩbi̧yu̧ dȩ'a̧ra̧'a̧ kkü̧ pättüttü'i̧nä̧, kui̧'chä̧tu̧kuä̧. Aposento i̧so̧ka̧ jakuä kkü̧ pättüttü'i̧nä̧, kuesetätukuä.

San Mateo 24:44

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.