San Mateo 24:21 - Nuevo Testamento Uwotjüja

²¹ Isopäi'ünä̧ rü̧ȩnä̧ usurä ȩmä̧kuä̧wä̧, pi̧jä̧ uwäbe'inomȩttü̧ kkä̧mä̧dü̧ jitä mo̧ro̧bü päi'ünä̧ jo̧kü̧ jä̧'i̧jü̧, yodoji'i̧nä̧ jo̧kü̧ jä̧kuȩ 'kuäopäkua'a.

TÄ̧DO Ä̧CUÄ̧ I̧HUȨNȨ

²¹ Dios pi̧jä̧ aditinö o'ca'a ja̧u̧nu̧ mo̧ro̧ ubara ttuttäcua'a jö̧'a̧nö̧mä̧ yoröiso ubara ttu'ocotö pi̧nä̧tö̧ pä'äjimä. Ja̧'hua̧ta̧nö̧ ja̧u̧nu̧ mo̧ro̧ ubara ttuttäcua'a jö̧'a̧nö̧mä̧ yoröiso ubara ttu'ocotö ttäcuotö yodoji'inä.

San Mateo 24:21 Referans Kwoze

San Lucas 21:24

Ja̧'wa̧ta̧nü̧ kkorotümä̧ kurodiyänä̧ 'kui'ü ttikuäkuä̧u̧, kkorotümä̧ kko̧ro̧jä̧ra̧'a̧ ttu̧wo̧juȩtä̧u̧ jü̧nä̧ ttȩpä̧kuä̧u̧; ja̧'wa̧ta̧nü̧ Jerusarȩ́-mä̧ judío pokotü surojuottepäkuomȩ, juätürü jo̧mȩ päi'omȩbü päi'ünä̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.

San Mateo 24:29

Usurä ttȩmä̧wä̧ji̧ mo̧ro̧mä̧ beipächi'a'anä̧, yotäku mo̧ro̧ kkä̧wa̧mä̧ na̧wi̧'ä̧kua̧ ja̧'wa̧ta̧nü̧ yodó kkä̧wa̧'i̧nä̧ na̧wi̧'ä̧kua̧'a̧, si̧ri̧'kü̧'i̧nä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ttü̧ ujuru'i̧nä̧ ttü̧ȩpä̧kua̧'a̧.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Mateo 24:20

Ja̧'wa̧ta̧nü̧ Dio-rütä jä'epätukui, a̧'ȩnä̧'i̧nä̧ ja̧'wa̧ta̧nü̧ sawaru mo̧ro̧'i̧nä̧ dükuekuätuku juiyäkua'anü̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.

Apocalipsis 16:18

Ja̧'wa̧nü̧ päi'omȩnä̧ ku'upä rou kkä̧nü̧ kuäwa'attü, ttü̧ja̧ tti̧wȩnȩ rä̧mi̧pa̧'a̧ttü̧, rȩjȩ tti̧ȩpo̧mȩnä̧ pparächina̧'a̧, pi̧jä̧nä̧ ttü̧ja̧ ttü̧jo̧kui̧no̧mȩttü̧ päi'ünä̧ yorisotä 'kuäopokü jä̧'i̧jü̧.