Biblia Todo Logo
Bib sou entènèt

- Piblisite -




San Mateo 24:13 - Nuevo Testamento Uwotjüja

13 Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

Gade chapit la Kopi

TÄ̧DO Ä̧CUÄ̧ I̧HUȨNȨ

13 Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

Gade chapit la Kopi




San Mateo 24:13
12 Referans Kwoze  

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.


Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.


Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.


Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.


Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.


Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.


Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.


Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.


Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.


Ja̧'wa̧ta̧nü̧ kuä̧ju̧kuä̧kuo̧tü̧jä̧ kurä ttürowäu wȩnȩ'i̧nä̧, ttürowäwä̧kuȩ wȩnȩ'i̧nä̧ jü̧nä̧. Ja̧'wa̧nü̧ ja̧'a̧nä̧ yekuekuätukuä, jua̧u̧mä̧ ä̧tȩkuä̧nä̧tä̧ 'kuäopa pä'ü ja̧'a̧; ja̧'wa̧nü̧ 'kuäopa'anä̧, pi̧jä̧mä̧ ji̧nä̧ beipächoka'a jä̧kua̧'a̧.


Surojümä̧ rü̧ȩnä̧ yabonü̧ rü̧ä̧cho̧mȩnä̧, rekuätü eseu jȩttä̧'i̧jü̧'i̧nä̧ kättädächäkuotü.


Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.


Swiv nou:

Piblisite


Piblisite