San Mateo 23:8 - Nuevo Testamento Uwotjüja

⁸ Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

TÄ̧DO Ä̧CUÄ̧ I̧HUȨNȨ

⁸ “Ja̧'hua̧nö̧ ja̧'a̧nä̧ korotömä ucuturu “Huo̧juȩcuä̧ Isotö” pättö juiya pä'ätucui. Ucutumä o'ca toi'önä ji̧nä̧ yotöte isotöjä. Ya̧tȩrö̧tä̧ Huo̧juȩcuä̧ I̧sa̧rö̧, Cristorötä ku̧nä̧rä̧tö̧jä̧ ucutumä.

San Mateo 23:8 Referans Kwoze

Santiago 3:1

Chawaruwä chü̧jä̧wa̧tü̧, ukututtü rekuätü wo̧juȩkuä̧ isotü jü̧nä̧mä̧ juokuätukuä, ja̧'wa̧ta̧nü̧ täkü wo̧juä̧tü̧jä̧ tu̧wo̧juȩtü̧nä̧tä̧ Dio-mä̧ kkorotüttü'i̧nä̧ abonä̧nü̧ ro̧ȩpä̧kuo̧tü̧jä̧ pä'ümä̧.

1 Pedro 5:3

Tta̧kuä̧rä̧tu̧kuä̧u̧ tturuwotü jü̧nä̧mä̧ jȩ'kuä̧tu̧kuä̧, ja̧'wa̧nü̧ ja̧jü̧ jueimä̧ juätürü i̧jȩkuä̧ wotü jü̧nä̧tä̧ kka̧kuä̧tu̧kui̧.

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

San Mateo 23:10

Ja̧'wa̧ta̧nü̧ wo̧juȩkuä̧ isotü pä'ü'i̧nä̧ ottä'chätukuäku, wo̧juȩkuä̧ i̧sa̧mä̧ ya̧tȩ ja̧'a̧, Crito-tä.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 22:9

Ja̧'wa̧nü̧ jȩchi̧yä̧ku̧ jua̧u̧mä̧ päinä̧ku̧sä̧: «Ja̧'wa̧nü̧mä̧ jȩ'kuä̧, ttü'i̧nä̧ Dio u̧mü̧wä̧ya̧sä̧, uku jü̧ta̧'a̧nü̧, uku ku̧jä̧wa̧tü̧ profeta wotü jü̧ta̧'a̧nü̧ ja̧'wa̧ta̧nü̧ o'katoi'ünä̧ pi'tä kuyäru'tänä̧ wȩyu̧kua̧'a̧ pȩjü̧ ukuotätü jü̧ta̧'a̧nü̧ wa̧sä̧. Dio-rütä esewi.»

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

Efesios 3:15

jua̧u̧ttü̧tä̧ ȩmä̧tü̧ tti̧mi̧pi̧yä̧mä̧, mo̧ro̧jä̧nä̧ kka̧kuä̧tü̧'i̧nä̧, pi̧jä̧nä̧ kka̧kuä̧tü̧'i̧nä̧ o'katoi'ünä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

2 Corintios 1:24

Ukutu kua̧'kua̧ ku̧wȩnä̧rä̧tu̧ku̧nä̧ wetamä̧ pätoka'anä̧, yabonü̧ kuesewätukunä̧ ppätäda pä'ätüjä̧, täkü 'kiyünä̧ kua̧'kua̧ wȩnä̧rü̧ ku̧jä̧tu̧kua̧'a̧ topü.

San Mateo 26:49

Ja̧'wa̧nü̧ jä̧ja̧'a̧ttü̧, Jesú-ru 'chä̧wi̧'ü̧ pä'inü̧: —¡Tta̧'a̧nü̧ ja̧'a̧kuä̧, chu̧ru̧wa̧! Pä'ünü̧, 'chu̧o̧pi̧nä̧ku̧.

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 23:7

Ja̧'wa̧ta̧nü̧ ttu̧kuȩ ȩmä̧wo̧mȩttü̧mä̧ ukuotünü̧ te'äu kkä̧nü̧'i̧nä̧, wo̧juȩkuä̧ isotü, wo̧juȩkuä̧ isotü ottatü pä'ätü.

San Mateo 26:25

Ja̧'wa̧nü̧ päomȩnä̧, Juda ji̧nä̧so iyü i̧kuä̧kua̧mä̧ Jesú-ru pä'inü̧: —¿Jua̧u̧nu̧mä̧, ttü jä̧kua̧'a̧ chu̧ru̧wa̧? —Ukutänü̧ päkuäwadä̧ —päinä̧ku̧ Jesú-mä̧.

San Marcos 9:5

Peduru-mä̧, Jesú-ru pä'inü̧: —¡Wo̧juȩkuä̧ i̧sa̧, pȩnȩ́ tü̧ja̧ku̧ttü̧mä̧ juiyo adiwa'anü̧ ja̧'a̧! tü̧jä̧kuȩ ode wäbodekuä tadita: uku kuojusode'i̧nä̧, kkorodemä̧ Moisé ü̧jode'i̧nä̧ ja̧'wa̧ta̧nü̧ Elía ü̧jode'i̧nä̧, jü̧nä̧.

San Marcos 10:51

I̧'chi̧'a̧'a̧, jä'epü ä̧ju̧kui̧nä̧ku̧: —¿Däjé jȩcha̧ku̧ päkuättü̧? jäepomȩnä̧, ä̧to̧ka̧mä̧ ädätinü̧: —Wo̧juȩkuä̧ i̧sa̧, pä'äjita'anü̧ tocha pä'üsä.

San Marcos 11:21

Ja̧'wa̧nü̧ ja̧'a̧ topü Peduru-mä̧, amükuädi'ü Jesú-ru pä'inü̧: —¡Chu̧ru̧wa̧, topi! higo kuäwäi suronä̧ päkuäjäi jäjäimä̧ joächächäja'a.

San Marcos 14:45

Ja̧'wa̧nü̧ jä̧ja̧'a̧ttü̧, Juda-mä̧ Jesú-ru ichi'ü, 'chu̧'o̧pü̧ pä'inü̧: —¡Wo̧juȩkuä̧ i̧sa̧! Pä'ü, 'chu̧o̧pi̧nä̧ku̧.

San Juan 1:38

Ja̧'wa̧nü̧ ja̧'a̧ Jesú-mä̧ kkärächi'ü toomȩnä̧, o'ka'anä̧ ttichiyäku jä'epü ä̧ju̧kui̧nä̧u̧: —¿Däjé kusätukua'ajä̧ttü̧? päomȩnä̧, ttädätinä̧ku̧: —Wo̧juȩkuä̧ i̧sa̧, ¿Tȩnȩ́ ku̧ja̧'a̧jä̧ttü̧?

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 3:26

Ja̧'wa̧nü̧ jä̧ji̧ o'ka'a, Ju̧a̧-rü̧ ichi'ü ji'äwinä̧tü̧: —Wo̧juȩkuä̧ i̧sa̧ topittü̧, Jordán aje ji̧jȩku̧nä̧ttü̧, ukutäku ü̧ja̧'a̧, ütü'kü jikuäwäjäku päjimä̧, bautizo jȩpü̧ ja̧'wa̧nü̧ jȩa̧'a̧ o'katoi'ünä̧ jua̧u̧tä̧ku̧ 'chä̧tü̧.

San Juan 4:31

Ja̧'wa̧nü̧ ja̧'a̧nä̧, u̧wo̧juȩtä̧u̧mä̧, —Chu̧ru̧wa̧, ¡isoo! ku̧kuȩ kuiti pä'ü, ttu̧kuo̧kuä̧ri̧nä̧ku̧.

San Juan 6:25

Ja̧'wa̧nü̧ ja̧'a̧, ttü̧ja̧mä̧ rü̧ä̧dubora ji̧jä̧ku̧nä̧ tti̧rȩbȩwi̧'o̧mȩnä̧, Jesú-ru po̧kui̧pü̧ jä'epü ä̧ju̧kui̧nä̧tü̧. —¿Wo̧juȩkuä̧ i̧sa̧, pomä̧ ti̧yȩnü̧ kuichi'äja'ajä̧ttü̧?

San Juan 9:2

Ja̧'wa̧nü̧ ji̧yä̧u̧ u̧wo̧juȩtä̧u̧mä̧ jä'epü ttä̧ju̧kui̧nä̧ku̧: —Chu̧ru̧wa̧ ¿Tta̧'a̧nü̧ pä'ü pidemä̧ ä̧to̧ka̧ uwäpächinüjä̧ttü̧? ¿Jä'o jü̧ juiyüttümä̧, ja̧ju̧'i̧nä̧ jü̧ juiyüttümä̧, chutä surojü jȩi̧na̧'a̧ tä̧jí̧?

San Juan 11:8

Pä̧u̧ u̧wo̧juȩtä̧u̧mä̧, pättinä̧ku̧: —Wo̧juȩkuä̧ i̧sa̧, ni̧po̧ ji̧nü̧mä̧ judío-mä̧, i̧nä̧ o'kinä̧ ikuäu kuä'ü ttikua pättäja'anä̧ ¿Pä'äjita'anü̧ kui̧'cha̧ päkua'a tä̧jí̧?

San Juan 20:16

Päjiyäku, Jesú-mä̧ päinä̧kua̧: —¡María! Päkua, kkärächi'ü, hebreo wȩnȩnä̧ pä'inä̧ju̧: —¡Raboni! pä'ümä̧ «Wo̧juȩkuä̧ i̧sa̧ pä'ü päwä ja̧'a̧.»

Filemón 1:16

Jitämä̧ esclavo jü̧nä̧mä̧ ku̧mü̧wä̧ya̧mä̧ pokü jä̧kua̧'a̧, pärokua'attü kua̧wa̧ru̧wa̧ kui̧jä̧wa̧ jü̧nä̧tä̧ jä̧kua̧, ja̧'wa̧nü̧ ja̧'a̧ ji̧nä̧so adiwa'amä̧. Jua̧u̧ru̧mä̧, ttümä̧ juiyo repe'üsä, uku'i̧nä̧ repe'irü. Suro ujutu jäwänä̧tä̧mä̧kü̧, Tu̧ru̧wa̧ Jesucrito jäwänä̧.