San Mateo 23:7 - Nuevo Testamento Uwotjüja

⁷ Ja̧'wa̧ta̧nü̧ ttu̧kuȩ ȩmä̧wo̧mȩttü̧mä̧ ukuotünü̧ te'äu kkä̧nü̧'i̧nä̧, wo̧juȩkuä̧ isotü, wo̧juȩkuä̧ isotü ottatü pä'ätü.

TÄ̧DO Ä̧CUÄ̧ I̧HUȨNȨ

⁷ Ötahuiyänä cuettächomenä, o'ca toi'önä ucuotönö tettähuatö pä'ätödo. Ja̧'hua̧ta̧nö̧ “Huo̧juȩcuä̧ I̧sa” pättatö pä'ätödo.

San Mateo 23:7 Referans Kwoze

San Juan 1:38

Ja̧'wa̧nü̧ ja̧'a̧ Jesú-mä̧ kkärächi'ü toomȩnä̧, o'ka'anä̧ ttichiyäku jä'epü ä̧ju̧kui̧nä̧u̧: —¿Däjé kusätukua'ajä̧ttü̧? päomȩnä̧, ttädätinä̧ku̧: —Wo̧juȩkuä̧ i̧sa̧, ¿Tȩnȩ́ ku̧ja̧'a̧jä̧ttü̧?

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

San Juan 20:16

Päjiyäku, Jesú-mä̧ päinä̧kua̧: —¡María! Päkua, kkärächi'ü, hebreo wȩnȩnä̧ pä'inä̧ju̧: —¡Raboni! pä'ümä̧ «Wo̧juȩkuä̧ i̧sa̧ pä'ü päwä ja̧'a̧.»

San Juan 6:25

Ja̧'wa̧nü̧ ja̧'a̧, ttü̧ja̧mä̧ rü̧ä̧dubora ji̧jä̧ku̧nä̧ tti̧rȩbȩwi̧'o̧mȩnä̧, Jesú-ru po̧kui̧pü̧ jä'epü ä̧ju̧kui̧nä̧tü̧. —¿Wo̧juȩkuä̧ i̧sa̧, pomä̧ ti̧yȩnü̧ kuichi'äja'ajä̧ttü̧?

San Juan 3:26

Ja̧'wa̧nü̧ jä̧ji̧ o'ka'a, Ju̧a̧-rü̧ ichi'ü ji'äwinä̧tü̧: —Wo̧juȩkuä̧ i̧sa̧ topittü̧, Jordán aje ji̧jȩku̧nä̧ttü̧, ukutäku ü̧ja̧'a̧, ütü'kü jikuäwäjäku päjimä̧, bautizo jȩpü̧ ja̧'wa̧nü̧ jȩa̧'a̧ o'katoi'ünä̧ jua̧u̧tä̧ku̧ 'chä̧tü̧.

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Marcos 10:51

I̧'chi̧'a̧'a̧, jä'epü ä̧ju̧kui̧nä̧ku̧: —¿Däjé jȩcha̧ku̧ päkuättü̧? jäepomȩnä̧, ä̧to̧ka̧mä̧ ädätinü̧: —Wo̧juȩkuä̧ i̧sa̧, pä'äjita'anü̧ tocha pä'üsä.

San Marcos 9:5

Peduru-mä̧, Jesú-ru pä'inü̧: —¡Wo̧juȩkuä̧ i̧sa̧, pȩnȩ́ tü̧ja̧ku̧ttü̧mä̧ juiyo adiwa'anü̧ ja̧'a̧! tü̧jä̧kuȩ ode wäbodekuä tadita: uku kuojusode'i̧nä̧, kkorodemä̧ Moisé ü̧jode'i̧nä̧ ja̧'wa̧ta̧nü̧ Elía ü̧jode'i̧nä̧, jü̧nä̧.

San Mateo 23:8

Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

San Mateo 11:16

¿Pi̧yȩ pä̧nä̧ kka̧kuä̧tü̧rü̧mä̧ däjenä̧ chu̧wȩnȩtä̧u̧ttü̧? Ttu̧kuȩ ȩmä̧wo̧mȩttü̧ jareü pȩjü̧, ppo̧'ä̧tü̧ ttawaruwäku wopäkuäwätü jä̧'i̧nü̧'a̧nü̧ wotüjä̧, pa̧'a̧nü̧ pä'ä'chäkuäu:

San Mateo 26:25

Ja̧'wa̧nü̧ päomȩnä̧, Juda ji̧nä̧so iyü i̧kuä̧kua̧mä̧ Jesú-ru pä'inü̧: —¿Jua̧u̧nu̧mä̧, ttü jä̧kua̧'a̧ chu̧ru̧wa̧? —Ukutänü̧ päkuäwadä̧ —päinä̧ku̧ Jesú-mä̧.

San Mateo 26:49

Ja̧'wa̧nü̧ jä̧ja̧'a̧ttü̧, Jesú-ru 'chä̧wi̧'ü̧ pä'inü̧: —¡Tta̧'a̧nü̧ ja̧'a̧kuä̧, chu̧ru̧wa̧! Pä'ünü̧, 'chu̧o̧pi̧nä̧ku̧.

San Marcos 11:21

Ja̧'wa̧nü̧ ja̧'a̧ topü Peduru-mä̧, amükuädi'ü Jesú-ru pä'inü̧: —¡Chu̧ru̧wa̧, topi! higo kuäwäi suronä̧ päkuäjäi jäjäimä̧ joächächäja'a.

San Marcos 12:38

Ja̧'wa̧nü̧ ja̧'a̧, Jesú wo̧juȩtü̧ pä'inü̧: Weäwä wȩnȩ wo̧juȩkuä̧ isotürü ä'kuoyäkuäunu̧ tta̧'a̧rä̧kuä̧wä̧tu̧kui̧, juätümä̧ tti̧ä̧rȩta̧ o̧to̧ä̧ta̧ 'ka̧tä̧wi̧'ü̧ kkä̧kuä̧wä̧tä̧ kkü'kätü ja̧'wa̧ta̧nü̧ ttu̧kuȩ ȩmä̧wo̧mȩttü̧ rü̧ȩnä̧ ukuotünü̧ tettäwatütä pä'ätü.

San Marcos 14:45

Ja̧'wa̧nü̧ jä̧ja̧'a̧ttü̧, Juda-mä̧ Jesú-ru ichi'ü, 'chu̧'o̧pü̧ pä'inü̧: —¡Wo̧juȩkuä̧ i̧sa̧! Pä'ü, 'chu̧o̧pi̧nä̧ku̧.

San Lucas 11:43

¡Isoó ukutu fariseo wotüwe! sinagoga odewiyättümä̧ ä̧kuo̧mȩnä̧ dȩä̧ki̧yä̧nä̧ ku̧'ä̧tu̧kua̧ pä'ü kkü'kätüjä̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ukuo kkü̧nä̧ tettäwätukuaku pä'ätüjä̧.

San Juan 4:31

Ja̧'wa̧nü̧ ja̧'a̧nä̧, u̧wo̧juȩtä̧u̧mä̧, —Chu̧ru̧wa̧, ¡isoo! ku̧kuȩ kuiti pä'ü, ttu̧kuo̧kuä̧ri̧nä̧ku̧.

San Juan 9:2

Ja̧'wa̧nü̧ ji̧yä̧u̧ u̧wo̧juȩtä̧u̧mä̧ jä'epü ttä̧ju̧kui̧nä̧ku̧: —Chu̧ru̧wa̧ ¿Tta̧'a̧nü̧ pä'ü pidemä̧ ä̧to̧ka̧ uwäpächinüjä̧ttü̧? ¿Jä'o jü̧ juiyüttümä̧, ja̧ju̧'i̧nä̧ jü̧ juiyüttümä̧, chutä surojü jȩi̧na̧'a̧ tä̧jí̧?

San Juan 11:8

Pä̧u̧ u̧wo̧juȩtä̧u̧mä̧, pättinä̧ku̧: —Wo̧juȩkuä̧ i̧sa̧, ni̧po̧ ji̧nü̧mä̧ judío-mä̧, i̧nä̧ o'kinä̧ ikuäu kuä'ü ttikua pättäja'anä̧ ¿Pä'äjita'anü̧ kui̧'cha̧ päkua'a tä̧jí̧?