San Mateo 23:37 - Nuevo Testamento Uwotjüja

³⁷ ¡Jerusarȩ́ ttü̧ja̧, Jerusarȩ́ ttü̧ja̧, profetas wotürü'i̧nä̧ kuä'äu iku kkä̧nü̧, Dio wȩä̧u̧ru̧mä̧ inä̧dunä̧ ikuäu ikuätüjä̧! ¡kko̧ro̧nü̧ jü̧ta̧'a̧nü̧, äkärä isaju kki̧tti̧mü̧rü̧ kkujuabä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧, ji̧nä̧ yo̧mȩtȩ chü̧tä̧ra̧ päda'anä̧ kkü'kokotü pinä̧tü̧jä̧!

TÄ̧DO Ä̧CUÄ̧ I̧HUȨNȨ

³⁷ Juhua'a yabonö huo̧juȩti̧nö̧do Jesús: —Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Mateo 23:37 Referans Kwoze

San Mateo 23:30

Ja̧'wa̧nü̧ jȩpü̧ pä'ätüjä̧: «Ujutu tä̧do̧tü̧mi̧nä̧ ttü̧ja̧kui̧nü̧ tü̧ja̧kui̧nü̧ttü̧mä̧, profeta winä̧tü̧rü̧ kuä'äu iku jȩtti̧nü̧mä̧ kkü'kokotü pina̧ja̧tü̧jä̧.»

San Mateo 22:3

Jua̧u̧mä̧ u̧mü̧wä̧yotürü we'inü̧ ä̧tȩpä̧jä̧u̧ru̧ pä'kärira̧'a̧ ttichäkua'anü jittäwäjiyarü pä'ü. Ja̧'wa̧nü̧ weaja'anä̧ tticha pä'okotü pinä̧tü̧.

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

1 Tesalonicenses 2:15

Juätü Judío-mä̧ Tu̧ru̧wa̧ Jesú-ru'i̧nä̧, umüwäyotü profeta-rü'i̧nä̧ kuä'ü ikuinü̧'kotü, ujuturu'i̧nä̧ tti̧rȩjä̧ttü̧ ya'opü ikuinä̧tü̧. Juätümä̧ Dio eseu juiyünä̧ jȩpä̧tü̧, ttü̧ja̧rü̧'i̧nä̧ o'katoi'ünä̧ ttaboiyotü wotü.

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

San Lucas 15:28

Ja̧'wa̧nü̧ ä̧ju̧ku̧ ubüomä̧ rü̧ȩnä̧ ra̧wä̧ri̧pü̧, jakuojukumä̧ doächa päoka'a, jä'omä̧ doächa pä'ü ukuoku i̧'chi̧nä̧ku̧.

San Mateo 23:31

Pä'ätüjä̧, ja̧'wa̧nü̧ päkuätukua'amä̧ profeta-tü̧rü̧ kuä'äwinä̧tü̧ tti̧tti̧mü̧jä̧ pä'ü kua̧mü̧nä̧tu̧ku̧tä̧ wo̧juä̧kuä̧u̧ pä'äkuäwätüjä̧.