San Mateo 23:26 - Nuevo Testamento Uwotjüja

²⁶ ¡Fariseo wotümä̧ ä̧to̧kä̧tü̧jä̧! ä̧kuo̧mȩnä̧mä̧ i̧so̧'ta̧ jakuänä̧ tükü ikuätukui, jua̧u̧nü̧ o'ka'a wä̧mȩnä̧'i̧nä̧ teiyätukuaku pä'ümä̧.

TÄ̧DO Ä̧CUÄ̧ I̧HUȨNȨ

²⁶ Fariseos ä̧to̧cä̧tö̧mä̧: äcuomenä sä̧rä̧bä̧'i̧nä̧, i̧so̧'ta̧'i̧nä̧ jacuänätä töcätucui. Ja̧u̧nu̧ o'ca'a jacuänä'inä, huäme'inä töcähuäcua'a.

San Mateo 23:26 Referans Kwoze

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

San Mateo 12:33

Adiwäjuei isäi daumä̧, u̧wä̧ju̧ adiwäjuei wȩjäi; ja̧'wa̧ta̧nü̧ suräjuei isäi daumä̧, u̧wä̧ju̧ surojütä wȩjäi; ja̧'wa̧nü̧ ja̧'a̧ttü̧ daumä̧ u̧wä̧ju̧ttü̧ topü wo̧juä̧wä̧ ja̧'a̧.

San Lucas 6:45

Ttü̧ja̧sa̧ adiwä i̧sa̧mä̧, a̧mi̧so'kittümä̧ adiwäjueitä rä'epü. Ja̧'wa̧ta̧nü̧ ttü̧ja̧sa̧ su̧ro̧pa̧mä̧, a̧mi̧so'kittümä̧ surojütä rä'epü. Jua'amä̧, a̧mi̧so'kinä̧ ȩjü̧tä̧tä̧, änä̧mä̧ räopa'a ukuoku.

San Mateo 14:8

Ja̧'wa̧nü̧ ja̧'a̧ Juajumä̧, ä'kanä̧ kka̧ju̧ ro̧ȩkuä̧nä̧ Herode-rü pä'inä̧ju̧: —Sä̧rä̧bä̧nä̧ ȩnä̧wa̧'a̧ bautizo jȩä̧kuä̧wä̧ i̧sa̧ pä'ijü, Ju̧a̧ u iyittü.

San Marcos 7:4

Ja̧'wa̧ta̧nü̧, ttu̧kuȩ ȩmä̧wo̧mȩttü̧ ȩmü̧ 'chi̧'ü̧'kotü ppa̧ttä̧cho̧mȩnä̧mä̧, ttu̧mü̧ ttütükäwoka'amä̧ kuokotü pinä̧tü̧. Suro jua̧u̧tä̧mä̧kü̧ kkoro'i̧nä̧ jȩpi̧nä̧tü̧; vaso o̧'ta̧wi̧yä̧'i̧nä̧, 'kä̧nä̧ri o̧yu̧'i̧nä̧, kuoräu o̧'ta̧wi̧yä̧'i̧nä̧, camiyü̧'i̧nä̧ tükü iku kku̧ni̧pü̧tä̧ ttukuä'ija'a jä̧u̧.

San Lucas 11:39

Ja̧'wa̧nü̧ amükuädiyäku Jesú-mä̧ päinä̧ku̧: —Ukutu fariseo wotümä̧, i̧so̧'ta̧'i̧nä̧, sä̧rä̧bä̧'i̧nä̧ wä̧mȩnä̧tä̧ tükätüjä̧ ja̧'wa̧nü̧ ja̧'a̧nä̧ jakuänä̧mä̧ nä̧u̧kuä̧rä̧kuä̧wä̧tä̧, surojütä rü̧ȩnä̧ ȩnä̧rä̧tü̧jä̧.