San Mateo 23:16 - Nuevo Testamento Uwotjüja

¹⁶ ¡Isottü̧ ukutuwe! ä̧to̧kä̧tü̧ kkä̧nü̧ o'ipü pä'ätüjä̧: Dio-rü ukuokuäkuäwodenä̧ juramento pättünä̧ jȩpü̧mä̧ mikuäwoka'a; ja̧'wa̧nü̧ ja̧'a̧nä̧ Dio-rü ukuokuäkuäwodenä̧ kka̧ku̧ oro-nä̧ juramento pättünä̧ jȩtto̧mȩnä̧tä̧, päji i̧mitäwa pä'ü ja̧'a̧mä̧.

TÄ̧DO Ä̧CUÄ̧ I̧HUȨNȨ

¹⁶ “Ucutumä, korotörö cu̧huo̧juȩtä̧tu̧cuo̧mȩnä̧, ä̧to̧cä̧tö̧ jä̧'i̧nö̧'a̧nö̧ huotöjä. Ucuturu suronä 'cuäopäcua'a. Ucutu pä'ätöjä: “Ya̧tȩ Diosrö ucuocuäcuähuode i̧mi̧nä̧ koro juäi jȩa̧ päöttömä, ja̧u̧ juäi jȩö̧ juiyöttö'inä adihua'a.” Ja̧'hua̧nö̧ ja̧'a̧nä̧ pä'ätöjä: “Ya̧tȩ Diosrö ucuocuäcuähuode jähuä oro i̧mi̧nä̧ koro juäi jȩa̧ päöttömä, ja̧u̧ juäi iso päi'önä jȩä̧cua̧'a̧nö̧.”

San Mateo 23:16 Referans Kwoze

San Mateo 15:14

Ja̧'a̧tä̧ topätukuitü, jitütä'i̧nä̧ tä̧to̧ka̧'a̧nä̧ kkorotü ä̧to̧kä̧tü̧rü̧ oikuä isotü. Ja̧'wa̧nü̧ ja̧'a̧ttü̧ ya̧tȩ ä̧to̧ka̧ kka̧ra̧rü̧ oipüttümä̧ ta̧ju̧kuäyotü rejunä̧ ma̧ttä̧chä̧kuo̧tü̧.

San Mateo 23:24

¡Ukutumä̧ ä̧to̧kä̧tü̧kkä̧nü̧ o'ipätüjä̧, ra̧jü̧ä̧rü̧tä̧ pojopü to'kuätukua'anä̧, camellu-rümä̧ ra'ädi'ätüjä̧!

San Mateo 23:17

¡Yorisotä jerupätüjä̧, ä̧to̧kä̧tü̧jä̧! ¿Däjejä̧ttü̧ ji̧nä̧so ukuo jäwä päi'ünä̧ pärotü ikumä̧: ji̧yȩtä̧ oro ja̧'a̧ tä̧jí̧, Dio-rü ukuokuäkuäwodemä̧ jo̧ka̧'a̧ tä̧jí̧?

Santiago 5:12

Chawaruwä chü̧jä̧wa̧tü̧ kkorottü'i̧nä̧ abonä̧nü̧mä̧, mo̧ro̧jä̧ i̧mi̧nä̧'i̧nä̧, pi̧jä̧ i̧mi̧nä̧'i̧nä̧, yoriso kkorojuei i̧mi̧nä̧'i̧nä̧, juramento pättüjueinä̧mä̧ jȩ'kuä̧tu̧kuä̧. «A̧» pä'ätümä̧ jueünä̧tä̧ «A̧» pä'ätukui; ja̧'wa̧ta̧nü̧ «ja̧'wa̧nü̧mä̧kü̧» pä'ätümä̧, jueünä̧tä̧ «ja̧'wa̧nü̧mä̧kü̧» pä'ätukui. Dio ro̧ȩpü̧ juiyätukuaku pä'ümä̧.

San Mateo 23:26

¡Fariseo wotümä̧ ä̧to̧kä̧tü̧jä̧! ä̧kuo̧mȩnä̧mä̧ i̧so̧'ta̧ jakuänä̧ tükü ikuätukui, jua̧u̧nü̧ o'ka'a wä̧mȩnä̧'i̧nä̧ teiyätukuaku pä'ümä̧.

San Mateo 23:19

¡Ä̧to̧kä̧tü̧ ttü̧ja̧jä̧! ¿Ti̧yȩjä̧ttü̧ ji̧nä̧so ji̧yȩtä̧ mikuäwächi'ünä̧ jȩü̧mä̧, ji̧yȩtä̧ ofrenda ja̧'a̧ tä̧jí̧, ofrenda wȩnä̧wo̧mȩmä̧kü̧ tä̧jí̧, ji̧yȩtä̧ mikuäwächi'ünä̧ jȩü̧mä̧?

Gálatas 5:3

Pä'äjita'anü̧ pädäu̧jä̧: o'katoi'ünä̧ circuncisión pättü jȩpä̧kuä̧wä̧tü̧mä̧ weäwä wȩnȩ päümä̧ o'kajuiyünä̧tä̧ ttukuota pä'ü ja̧'a̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.