San Mateo 23:14 - Nuevo Testamento Uwotjüja

¹⁴ [¡Isottü̧ ukutu fariseo-we! weäwä wȩnȩ wo̧juȩkuä̧ isotü kuätukua'anä̧, rȩkua̧mü̧rü̧ usurä ttȩmä̧u̧nä̧ jȩpä̧tü̧jä̧; Dio-rümä̧ rekuo kukuokuätukua'anä̧, ä'koyättütä jȩpä̧tü̧jä̧; Ja̧'wa̧nü̧ jȩ'kuä̧tu̧kuo̧mȩnä̧, rü̧ȩnä̧ tä̧bo̧kuä̧kuo̧tü̧jä̧.]

TÄ̧DO Ä̧CUÄ̧ I̧HUȨNȨ

¹⁴ “Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä recuamö ttojusode 'chocuhuipätucua'anä, Diosrö rö̧ȩnä̧ ucuocuätöjä adiu jȩpä̧tö̧ pättätucuacu pä'ö. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ tä̧bo̧cuä̧mä̧ cuȩmä̧cuo̧tö̧jä̧.

San Mateo 23:14 Referans Kwoze

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Marcos 12:40

Ja̧'wa̧ta̧nü̧, rȩkua̧mü̧rü̧'i̧nä̧ tüäre rȩni̧yü̧ nä̧u̧kuä̧rü̧ kkä̧nü̧, jȩpo̧ko̧tü̧ 'kua̧rü̧nä̧ Dio-rü rekuo ukuokuätü. Juätümä̧ rü̧ȩnä̧ usurä ttȩmä̧u̧nä̧ ro̧ȩkuä̧kuo̧tü̧.

San Lucas 20:47

Ja̧'wa̧ta̧nü̧ rȩkua̧mü̧rü̧ ttoju odewiyä 'choipä'chü, adiu jȩpä̧tü̧jä̧ pä'ü, rekuo Dio-rü ukuokuätürü. Juätümä̧ kkorotüttü'i̧nä̧ abonä̧nü̧ usurä ttȩmä̧wä̧kuo̧tü̧.»

San Mateo 11:24

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧, ukuturumä̧ sodoma ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 23:33

¡Ä̧ka̧tü̧tä̧ wotüjä̧! ¿Toku ku̧ja̧kui̧'ä̧tu̧kuä̧'kua̧'a̧jä̧ttü̧ beipokarä okuränä̧ tä̧bo̧kuä̧kuȩttü̧mä̧?

San Lucas 12:48

Ja̧'wa̧nü̧ ja̧'a̧nä̧ jua̧u̧ u̧mü̧wä̧ya̧mä̧, ieruwäkuäwa'a jakuänä̧ ro̧ȩkuä̧kuä̧wä̧ jȩü̧ttü̧mä̧, a̧'u̧ku̧nä̧tä̧ kuäkuäpü ro̧ȩkuä̧kua̧; isopäi'ünä̧ o'katoi'ünä̧ rü̧ȩnä̧ iyäwi'ä̧u̧ru̧mä̧, rü̧ȩnä̧ jäekuäkua'a; ja̧'wa̧ta̧nü̧ rü̧ȩnä̧ iyü tta̧'kua̧ ttu̧wȩnä̧ri̧nä̧u̧ru̧mä̧, yaboku jäekuäkuotü.

2 Timoteo 3:6

Isopäi'ünä̧ juätümä̧, odewiyänä̧ dodepü ja̧'wa̧ta̧nü̧ surojü rü̧ä̧nä̧ ttu̧ju̧nä̧ra̧'a̧ nä̧tü̧ ttidepä kkü'kekuä̧u̧ tta̧mi̧ 'kuä'ätürü yaparewätü isotü ja̧'a̧,

Tito 1:10

Isopäi'ünä̧ rekuätü kka̧kuä̧tü̧ ukuotü jui'ü mikuäwokütä ukuokuätü ja̧'wa̧ta̧nü̧ isopäi'ünä̧ 'kua̧rü̧nä̧ jȩpä̧tü̧, juätümä̧ ji̧nä̧somä̧ circuncisión jȩpä̧tü̧ttü̧ ichätü ja̧'a̧.

Santiago 3:1

Chawaruwä chü̧jä̧wa̧tü̧, ukututtü rekuätü wo̧juȩkuä̧ isotü jü̧nä̧mä̧ juokuätukuä, ja̧'wa̧ta̧nü̧ täkü wo̧juä̧tü̧jä̧ tu̧wo̧juȩtü̧nä̧tä̧ Dio-mä̧ kkorotüttü'i̧nä̧ abonä̧nü̧ ro̧ȩpä̧kuo̧tü̧jä̧ pä'ümä̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.