San Mateo 23:13 - Nuevo Testamento Uwotjüja

¹³ ¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

TÄ̧DO Ä̧CUÄ̧ I̧HUȨNȨ

¹³ “Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

San Mateo 23:13 Referans Kwoze

San Lucas 11:52

«¡Isottü̧ ukutu weäwä wȩnȩ wo̧juȩkuä̧ isotüwe!, wo̧juä̧wä̧ wȩnȩ llawi kku̧nä̧rä̧tü̧ kuätukua'anä̧; ukututä'i̧nä̧ dode'kuätukuoka'anä̧ kkorotürü'i̧nä̧ dodettü juiyünä̧ jȩpä̧tü̧jä̧.»

San Mateo 23:29

¡Isottü̧ ukutuwe, weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧, ä'koyättütä esetätüjä̧!, profeta winä̧tü̧ wattinome aditü kku̧nä̧'chü̧ kkä̧nü̧'i̧nä̧ adiu jȩpi̧nä̧tü̧ tta̧'kua̧juä̧ o'ka aditü kku̧nä̧'chä̧tü̧jä̧.

San Mateo 23:27

¡Isottü̧ ukutuwe, weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧, ä'koyättütä esetätüjä̧!, ukutumä̧ wa'are rütäwomȩ; wä̧mȩnä̧tä̧ adiu teünä̧ tuwekua'a jä̧'i̧nü̧'a̧nü̧ wotüjä̧, jakuänä̧mä̧ surojü wa'ü ikuinä̧satä, surojütä ȩka̧'a̧ jä̧'i̧nü̧'a̧nü̧.

San Mateo 23:23

¡Isottü̧ ukutuwe, weäwä wȩnȩ wo̧juȩtä̧tü̧mä̧, fariseo wotümä̧, ä'koyättütä esetätüjä̧! mentattü'i̧nä̧, anísttü̧'i̧nä̧, comino-ttü̧'i̧nä̧ o'kajuiyünä̧tä̧ diezmo-mä̧ kuiyätukua'anä̧, ji̧nä̧so weäwä wȩnȩttü̧ ukuo jäwämä̧ jäyä kku̧ni̧pä̧tü̧jä̧: adiwomȩnä̧, rȩrü̧jü̧nü̧ topü, tta̧'kua̧ wȩnä̧rü̧ jȩä̧kuä̧wä̧mä̧. Jua̧u̧mä̧ iweye jȩtta̧ pä'ü rekuä rü̧ja̧'a̧ ja̧'wa̧nü̧ ja̧'a̧nä̧ pi̧yȩ'i̧nä̧ jȩpü̧ kkä̧nü̧.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

2 Timoteo 4:15

Ja̧'wa̧ta̧nü̧ uku'i̧nä̧ ja̧u̧ttü̧mä̧ rü̧ȩnä̧ tta̧'a̧rä̧kuä̧u̧ kkä̧wi̧, jua'amä̧ ujutu tu̧wo̧juȩtü̧mä̧ üjü'kokomȩ jä̧'i̧jo̧mȩttü̧.

2 Timoteo 3:8

Ja̧'wa̧ta̧nü̧ Janes'i̧nä̧, Jambré'i̧nä̧ Moisé-rü ttukuotoka'a jȩtti̧nü̧ta̧'a̧nü̧, juätü ttü̧ja̧mä̧ isopäi'ünä̧ wȩnȩmä̧ ukuotokotü. Juätü tta̧mü̧kuädümä̧ surojuoekuätä ja̧'a̧ttü̧ Dio-rü tta̧'kua̧ wȩnä̧rä̧kuä̧wä̧mä̧ wo̧jui̧'o̧ko̧tü̧ pinä̧tü̧.

Hechos 13:8

Ja̧'wa̧nü̧ ja̧'a̧nä̧ jua̧u̧ märimä̧, griego wȩnȩnä̧mä̧ Elima pättäku ja̧'a̧, ru̧wa̧ gobernado-rü Dio-rü esetü juiyünä̧ jȩpi̧nü̧.

Hechos 5:40

Ja̧'wa̧nü̧ jua̧u̧ku̧ esekuäjä'kotü; apótore-rü wopo'ü, kuäkuättünä̧ we'äjä'kotü, Jesú i̧mi̧nä̧ ttukuoku juiyünä̧tä̧ ye'epe'ipü, rä'epü tti̧kui̧nä̧u̧.

Hechos 5:28

—Ujutu, Jua̧u̧ ütü'kümä̧ yoriso ku̧wo̧juȩtä̧tu̧kuä̧ pätäja'amä̧. Jitämä̧ Jerusarȩ́ ütawiyä o'kajuiyünä̧ wo̧juȩtü̧ ikuäjätüjä̧, Jua̧u̧ 'koru juoächinü̧'i̧nä̧ ujuturutä wȩnȩtü̧.

San Juan 9:34

Pä̧i̧yä̧u̧ pättinä̧ku̧: —Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.

San Juan 9:24

Pä'äji jä̧ji̧ta̧'a̧nü̧ ä̧to̧ki̧nü̧ päjirü judío-mä̧ wopo'ü pättinä̧ku̧: —¡Isopäi'ünä̧ Dio jäwä ja̧'a̧ pä'ü, Dio-rü esewi. Ujutumä̧, jua̧u̧ru̧mä̧ surojü kku̧nä̧rü̧ pä'ätüjä̧!

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

San Mateo 23:25

¡Isottü̧ ukutuwe, weäwä wȩnȩ wo̧juȩtä̧tü̧mä̧, fariseo wotümä̧, ä'koyättütä esetätüjä̧!, sä̧rä̧bä̧'i̧nä̧, i̧so̧'ta̧'i̧nä̧ wä̧mȩnä̧tä̧ kutukätukua'anä̧ jakuänä̧mä̧ nä̧u̧kuä̧rä̧kuä̧wä̧tä̧, surojü jȩä̧kuä̧wä̧tä̧ ȩkä̧u̧jä̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

San Mateo 23:16

¡Isottü̧ ukutuwe! ä̧to̧kä̧tü̧ kkä̧nü̧ o'ipü pä'ätüjä̧: Dio-rü ukuokuäkuäwodenä̧ juramento pättünä̧ jȩpü̧mä̧ mikuäwoka'a; ja̧'wa̧nü̧ ja̧'a̧nä̧ Dio-rü ukuokuäkuäwodenä̧ kka̧ku̧ oro-nä̧ juramento pättünä̧ jȩtto̧mȩnä̧tä̧, päji i̧mitäwa pä'ü ja̧'a̧mä̧.