San Mateo 22:9 - Nuevo Testamento Uwotjüja

⁹ Ja̧'wa̧nü̧ ja̧'a̧ttü̧, mä̧ni̧yä̧ räopomȩku̧ tätukui, juorü to̧'kuä̧tu̧kuä̧u̧ru̧mä̧ o'katoi'ünä̧rü̧ kuä̧tȩpä̧tu̧kua̧jä̧, pä'kärira̧'a̧ tticha.

TÄ̧DO Ä̧CUÄ̧ I̧HUȨNȨ

⁹ Jitämä ötahuiyära̧'a̧ tätucui. O'ca toi'önärö cu̧'o̧cui̧'ä̧tu̧cuä̧u̧ru̧ tticha pä'ö ji'ähuätucui.”

San Mateo 22:9 Referans Kwoze

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Hechos 13:47

Tu̧ru̧wa̧mä̧, pa̧'a̧nü̧ pä'ü weinä̧u̧jä̧: «Ukurumä̧ kku̧nu̧sä̧, judío pokotürü tȩya̧u̧ kkȩdȩpü̧nä̧ ku̧ja̧ pä'ü, pi̧jä̧ beipomȩbü päi'ünä̧ surojüttü kki̧'ä̧kuä̧wä̧ ȩpü̧ kuiya pä'ü,».

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Mateo 22:8

Ja̧'wa̧nü̧ jä̧jí̧ o'ka'a u̧mü̧wä̧yotürü pä'inü̧: Pä'kärimä̧ jo̧mȩnü̧ ja̧'a̧nä̧ chä̧tȩpä̧jä̧u̧mä̧ ichokotü päjätü, suropätü ja̧'a̧ttü̧.

San Mateo 22:10

Ja̧'wa̧nü̧ wȩä̧u̧ umüwäyotümä̧ mä̧ni̧yä̧ra̧'a̧ku̧ rä'opü o'katoi'ünä̧rü̧ ttü̧'o̧kui̧'ä̧u̧ru̧mä̧ ä̧tȩpi̧nä̧tü̧ adiwä isotürü'i̧nä̧, suronä̧ jȩpä̧'i̧jä̧tü̧rü̧'i̧nä̧ jü̧nä̧; ja̧'wa̧nü̧ jȩtto̧mȩnä̧ pä'käri jȩtto̧ka̧mä̧ juätü ttä̧tȩpä̧jä̧u̧ttu̧tä̧ suwädi'ina̧'a̧.

San Mateo 20:7

Jä̧ȩpä̧u̧ ttädätinä̧ku̧: Ya̧tȩ'i̧nä̧ tadita pä'ümä̧ wȩo̧ko̧u̧ päjä'kotü kka̧kuä̧tü̧jä̧. Ttädätäku päinä̧u̧: Jua̧u̧nu̧mä̧ ukutu'i̧nä̧ chi'ätta uwa pättara̧'a̧ aditäjätukui, adiwomȩnä̧ chi̧mi̧tä̧kuä̧u̧jä̧.