San Mateo 22:45 - Nuevo Testamento Uwotjüja

⁴⁵ ¿Toku pä'ü Crito-mä̧, Dawi-ttü ichina̧'a̧jä̧ttü̧, chutä Dawi'i̧nä̧ Chu̧ru̧wa̧ pä'ü oinä̧ku̧ ja̧'a̧nä̧mä̧?

TÄ̧DO Ä̧CUÄ̧ I̧HUȨNȨ

⁴⁵ Ja̧'hua̧nö̧ ja̧'a̧ttö̧ Davidmä Cristorö pä'ö Chu̧ru̧hua̧ päomenä, ¿tta̧'a̧nö̧ päcuhuätucuättö Cristomä David i̧tti̧ pä'ö? —jä'epinödo Jesús.

San Mateo 22:45 Referans Kwoze

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

San Mateo 22:44

Chu̧ru̧wa̧ Dio-mä̧, chu̧ru̧wa̧ Crito-rü pä'inü̧: chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ku̧ chutomebü päi'ünä̧.

San Mateo 22:46

Ya̧tȩ'i̧nä̧ yoriso ädätokoku pinü̧ ja̧'wa̧nü̧ ja̧'a̧ttü̧ jua̧u̧nu̧tä̧ mo̧ro̧ kkä̧mä̧dü̧ ya̧tȩ'i̧nä̧ yabokumä̧ jä̧ttȩpä̧ro̧ko̧ku̧ pinü̧.