San Mateo 22:44 - Nuevo Testamento Uwotjüja

⁴⁴ Chu̧ru̧wa̧ Dio-mä̧, chu̧ru̧wa̧ Crito-rü pä'inü̧: chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ku̧ chutomebü päi'ünä̧.

TÄ̧DO Ä̧CUÄ̧ I̧HUȨNȨ

⁴⁴ Dios pä'inö ttö Chu̧ru̧hua̧rö̧: “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä”, pä'inödo.

San Mateo 22:44 Referans Kwoze

Hebreos 1:13

Ja̧'wa̧ta̧nü̧ Jua̧u̧ru̧ päinü̧'a̧nü̧ á̧gȩrȩ-ttü̧ päinä̧ku̧mä̧ ¿Ditä jä̧ttü̧?: «Chu̧wo̧jua̧'a̧ku̧nä̧ pä̧mä̧di̧, kuaboiyotürü ku̧jä̧pü̧ dȩa̧'a̧ku̧ päi'ünä̧, Ttü kkȩdü̧ chikuomȩbü päi'ünä̧.»

1 Corintios 15:25

Isopäi'ünä̧ Crito-mä̧ uruwomä̧ wȩä̧kua̧ aboiyotü o'katoi'ünä̧rü̧ kkȩdü̧ ikuomȩbü päi'ünä̧;

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Apocalipsis 19:19

Ja̧'wa̧ta̧nü̧ i̧sa̧ büó betia pättäkurü'i̧nä̧, pi̧jä̧nä̧ttü̧ ruwotü ttu̧wo̧juȩtä̧u̧ su̧ro̧do̧u̧ku̧ ürowäwa pä'ü ü̧ka̧ka̧kuä̧ja̧'a̧ topinü̧sä̧; cabayu-nä̧ wuö̧rü̧, umüwäyotü su̧ro̧do̧u̧ wa̧rü̧ rowäu ttikua pä'ü.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Lucas 19:27

Ja̧'wa̧ta̧nü̧ chaboiyotü, ttürü ru̧wa̧ rey jü̧nä̧ wedatü pä'okotü pinä̧tü̧rü̧mä̧, poku i'kächätukuitü, chä'ka jo̧mȩttü̧ ttupiyä 'kui'opü kuikuätukuatü.

San Mateo 22:45

¿Toku pä'ü Crito-mä̧, Dawi-ttü ichina̧'a̧jä̧ttü̧, chutä Dawi'i̧nä̧ Chu̧ru̧wa̧ pä'ü oinä̧ku̧ ja̧'a̧nä̧mä̧?

San Mateo 26:64

Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.