San Mateo 22:40 - Nuevo Testamento Uwotjüja

⁴⁰ Pi̧yȩ todärenä̧ jü̧ttü̧tä̧ kkada'kawa'a weäwä wȩnȩmä̧ ja̧'wa̧ta̧nü̧ profetas wotü tti̧wȩyu̧ti̧nü̧ o'kajuiyünä̧mä̧.

TÄ̧DO Ä̧CUÄ̧ I̧HUȨNȨ

⁴⁰ Pi̧yȩ todärenä hueähuä huȩnȩttö̧ räopina'a Moisés hueähuä huȩnȩmä̧. Dios i̧huȩnȩ jiäcuähuä isotö'inä pi̧yȩtä̧ amöcuädö huo̧juȩti̧nä̧tö̧, —pä'inödo Jesús.

San Mateo 22:40 Referans Kwoze

Romanos 13:9

Weäwä wȩnȩmä̧ pä'a: «Kuirekua pokojukumä̧ jȩ'kuä̧'chä̧, kuä'ü kuikuä, ku̧nä̧u̧kuä̧rä̧, yapareumä̧ jikuäwä'chä, kkorotü ttu̧ju̧nä̧rü̧ adiumä̧ kkü'künä̧mä̧ to'kuä»; ja̧'wa̧nü̧ ja̧'a̧ weäwä wȩnȩmä̧ pi̧yȩnä̧tä̧ ka̧ka̧kuä̧cha̧'a̧: «Kua̧wa̧ru̧wa̧rü̧mä̧ repe'i, ukutä kua̧mü̧nä̧ repekuäkuäuta'anü̧.»

San Mateo 7:12

Jua̧u̧ jü̧ta̧'a̧nü̧, ukuturu o'kajuiyünä̧ kkorotü ttü̧ja̧ jȩttä̧tu̧kua̧ku̧ päkuä'ijätukumä̧ juätürü'i̧nä̧ ji̧yȩta̧'a̧kuä̧ jȩpä̧tu̧kui̧; jua'amä̧ jua̧u̧ ja̧'a̧ weäwä wȩnȩmä̧ ja̧'wa̧ta̧nü̧ profeta ttukuokuinü̧mä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

Santiago 2:8

Isopäi'ünä̧ ukuo weäwä wȩnȩ päü'a̧kuä̧ jȩ'kuä̧tu̧kuo̧mȩnä̧ adiu jȩpä̧tü̧jä̧, ja̧u̧ wȩyu̧kuä̧ wȩnȩmä̧ pä'a: «kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ eseunu̧ repe'i.»

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

Gálatas 5:14

Isopäi'ünä̧ weäwä wȩnȩmä̧ o'kajuiyünä̧, pi̧yȩ ji̧yȩtȩnä̧tä̧ ka̧ka̧kuä̧cha̧'a̧: «Kuawaruwärümä̧, ya̧ku̧nä̧rü̧ eseu repe'ätukui, kua̧mü̧nä̧ pa̧ja̧tü̧ repekuäkuäuta'anü̧» jü̧nä̧.