San Mateo 22:39 - Nuevo Testamento Uwotjüja

³⁹ Ja̧'wa̧ta̧nü̧ juȩnȩ o'komȩnä̧ jäwämä̧, jua̧u̧ jü̧ta̧'a̧nü̧ pä'ija'a: «Kua̧wa̧ru̧wa̧rü̧mä̧ kua̧mü̧nä̧ repekuäuta'anü̧ repe'i» jü̧nä̧.

TÄ̧DO Ä̧CUÄ̧ I̧HUȨNȨ

³⁹ Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

San Mateo 22:39 Referans Kwoze

San Marcos 12:31

Ja̧'wa̧ta̧nü̧ jua̧u̧ o'komȩnä̧ jäwämä̧, jua̧u̧ jü̧ta̧'a̧nü̧ ja̧'a̧: «Yotükupünä̧ tta̧wa̧ru̧wa̧rü̧mä̧ esewätukui, kua̧mü̧nä̧ repe'äkuäu kueseäkuäwätukuta'anü̧.» Pi̧yȩtä̧ ja̧'a̧ ji̧nä̧so ukuo jäwämä̧.

Gálatas 5:14

Isopäi'ünä̧ weäwä wȩnȩmä̧ o'kajuiyünä̧, pi̧yȩ ji̧yȩtȩnä̧tä̧ ka̧ka̧kuä̧cha̧'a̧: «Kuawaruwärümä̧, ya̧ku̧nä̧rü̧ eseu repe'ätukui, kua̧mü̧nä̧ pa̧ja̧tü̧ repekuäkuäuta'anü̧» jü̧nä̧.

San Mateo 19:19

Kuä'orü'i̧nä̧ kua̧ju̧ru̧'i̧nä̧ esetü ukuoti ja̧'wa̧ta̧nü̧ kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ repe'i, pä'ija'a.

Romanos 15:2

Ujutu yotukunä̧mä̧ ta̧wa̧ru̧wa̧rü̧mä̧ adiwä jueitä jȩtü̧'a̧nü̧ ja̧'a̧, ä̧rä̧ma̧ pä'ü ppä'ädütä.

Santiago 2:8

Isopäi'ünä̧ ukuo weäwä wȩnȩ päü'a̧kuä̧ jȩ'kuä̧tu̧kuo̧mȩnä̧ adiu jȩpä̧tü̧jä̧, ja̧u̧ wȩyu̧kuä̧ wȩnȩmä̧ pä'a: «kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ eseunu̧ repe'i.»

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

San Mateo 22:38

Pi̧yȩ ja̧'a̧ weäwä wȩnȩttü̧ ä̧kuo̧mȩnä̧ jäwämä̧ ja̧'wa̧ta̧nü̧ ji̧nä̧so ukuo jäwämä̧.

Romanos 13:8

Ya̧tȩrü̧'i̧nä̧ kuimippotätukuoka'a, kkorotüku eseu repe'äkuäwätukui; isopäi'ünä̧ a̧wa̧ru̧wa̧ ü̧jä̧wa̧rü̧ eseu repe'ümä̧ o'kajuiyünä̧ weäwä wȩnȩ weümä̧ jȩpü̧.