San Mateo 22:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ttö̧ ttahuaruhuärö'inä, Herodes ahuaruhuärö'inä hue'inätödo Jesúsru jättepa pä'ö koro huȩnȩ. Pä'inätödo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧nä̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä.

San Mateo 22:16 Referans Kwoze

San Marcos 3:6

Ja̧'wa̧nü̧ ja̧'a̧ topü, fariseo wotümä̧ juorü rä'opächü, Herode umüwäyotüku ka̧ka̧ku̧ pȩjä̧mü̧, Jesú-ru kuä'ü ttikua pä'ü, amükuädü kku̧ni̧nä̧tü̧.

San Lucas 20:21

Juätü wȩttä̧jä̧u̧mä̧ Jesú-ru pä'inä̧tü̧: —Chu̧ru̧wa̧, ukurumä̧ wo̧juä̧tü̧jä̧, isopäi'ünä̧ jueü wȩnȩtä̧ ukuoku wo̧juȩtü̧ pä'ümä̧. Ja̧'wa̧ta̧nü̧ ttü̧ja̧rü̧ pä̧wä̧rü̧jü̧ ku̧wo̧juȩto̧ka̧'a̧, Dio u̧mä̧nä̧mä̧ jueünä̧tä̧ ku̧wo̧juȩta̧'a̧ttü̧.

San Marcos 12:14

Juätümä̧, ichi'opo'ü pättinä̧ku̧: —Wo̧juȩkuä̧ i̧sa̧, isopäi'ünä̧ ukurumä̧ jueünä̧tä̧ ukuoku pä'ü wo̧juä̧tü̧jä̧ ja̧'wa̧nü̧ ja̧'a̧ttü̧ ttü̧ja̧ pätta'akumä̧ jȩpo̧kü̧jä̧, juätürü to̧pä̧rü̧mä̧ pärokuänä̧ Dio u̧mä̧nä̧ jueünä̧tä̧ wo̧juȩtü̧jä̧. Ja̧'wa̧nü̧ ja̧'a̧ttü̧ ¿Roma ru̧wa̧rü̧ impuesto ti̧mi̧ta'amä̧ adiwa'a tä̧jí̧, suroja'a tä̧jí̧? ¿Tiyü'anü̧ tä̧jí̧, tiyü juiyü'anü̧ tä̧jí̧?

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

1 Tesalonicenses 2:4

Pärokua'aku Dio-mä̧ jȩtü̧'a̧nü̧ ji̧yä̧ku̧ jareü wȩnȩmä̧ jitäwa pä'ü weinä̧u̧jä̧, ja̧'wa̧nü̧ ja̧'a̧ttü̧ ja̧'wa̧nü̧tä̧ ukuokuätüjä̧. Jua'amä̧ ttü̧ja̧ ttesewatü pä'ümä̧kü̧, Dio-tä esewätü pä'ü ja̧'a̧, tami'iso'ki kka̧kuä̧mü̧ topü ja̧'a̧ttü̧.

Gálatas 2:6

Ja̧'wa̧nü̧ ja̧'a̧nä̧, ukuo isotü päi'ünä̧ kka̧kuä̧tü̧mä̧ (ä'kanä̧ kkoro tturuwo ttu̧ju̧nä̧ri̧na̧ja̧ pä'ü'i̧nä̧, jua̧u̧mä̧ ttürümä̧ jo̧ka̧'a̧; Dio-mä̧ ttü̧ja̧rü̧mä̧ 'kȩ'chä̧wo̧kü̧ ja̧'a̧ttü̧), ja̧'wa̧nü̧ ja̧'a̧nä̧, ttürümä̧, ukuo isotü wotümä̧, kkoro jareü wȩnȩmä̧ jittäwokoku pinü̧sä̧.

Gálatas 1:10

Ja̧'wa̧nü̧ ja̧'a̧ttü̧ ttü̧ja̧rü̧ pä̧wä̧rü̧jü̧ jȩcha̧ pä'ümä̧ usoküsä, Dio-rü pä̧wä̧rü̧jü̧tä̧ jȩcha̧ pä'ü wa̧sä̧. Ja̧'wa̧nü̧ ttü̧ja̧rü̧ pä̧wä̧rü̧jü̧ jȩchü̧ttü̧mä̧, Crito-mä̧ u̧mü̧wä̧ya̧mä̧ poküsä.

2 Corintios 5:16

Ja̧'wa̧nü̧ ja̧'a̧ttü̧, porü yabokumä̧ ttü̧ja̧rü̧mä̧ ya̧tȩrü̧'i̧nä̧ pi̧jä̧ ttü̧ja̧ tta̧mü̧kuäda'akumä̧ amükuädokotüjä̧; ja̧'wa̧ta̧nü̧ Crito-rü'i̧nä̧ pi̧jä̧ ttü̧ja̧ ttu̧wo̧juö̧'a̧nü̧mä̧ wo̧juo̧ko̧tü̧jä̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

San Lucas 7:40

Ja̧'wa̧nü̧ ji̧yä̧ku̧ Jesú-mä̧ päinä̧ku̧: —Simón, ukuru ji̧yȩtȩ päda pä'üsä. —Päku, jua̧u̧nu̧mä̧ pä'i: Chu̧ru̧wa̧, päinä̧ku̧.

San Marcos 10:17

Ja̧'wa̧nü̧ ja̧'a̧ Jesú mä̧nä̧nä̧ i̧'cho̧mȩnä̧, ya̧tȩ jopipü ichi'ü, ä'kajo̧mȩ iwe'kiyunä̧ kkä̧mä̧dü̧ jä'epü ä̧ju̧kui̧nü̧: —Chu̧ru̧wa̧ adiwä i̧sa̧, ¿däjetä jȩchü̧'a̧nü̧ttü̧ kkä̧kuä̧wä̧ i'ko chu̧ju̧nä̧ra̧ pä'ümä̧?

San Mateo 26:49

Ja̧'wa̧nü̧ jä̧ja̧'a̧ttü̧, Jesú-ru 'chä̧wi̧'ü̧ pä'inü̧: —¡Tta̧'a̧nü̧ ja̧'a̧kuä̧, chu̧ru̧wa̧! Pä'ünü̧, 'chu̧o̧pi̧nä̧ku̧.

San Mateo 26:18

Jesú-mä̧ ädätinä̧u̧: —Ütawiyära̧'a̧ täi'ätukui, jua'attü cha̧wa̧ru̧wa̧rü̧ pa̧'a̧nü̧ päkuätukuajä̧: «Tu̧ru̧wa̧mä̧ pa̧'a̧nü̧ pä'äji: Tode'ächäkua'a ä'kanä̧, kuojusodettü chumüwäyotuku Pacua chukua pä'üsä,» jü̧nä̧.

San Mateo 22:26

Ja̧'wa̧nü̧ ji̧nü̧ o'ka'a, jua̧u̧ o'komȩnä̧ ü̧jä̧wa̧'i̧nä̧ 'korujuo'ächinü̧, jua'a yabo'i̧nä̧ kkorotürümä̧ ja̧'wa̧nü̧tä̧ ji̧na̧'a̧, kko̧ro̧mü̧ttü̧nü̧ ta̧ju̧ wotürümä̧, o'katoi'ünä̧tä̧.

San Mateo 22:24

—Wo̧juȩkuä̧ i̧sa̧, Moisé-mä̧ pä'inü̧: Ya̧tȩ i̧tti̧mü̧ to̧'a̧ ja̧'a̧nä̧ 'korujuoächomȩnä̧mä̧, ubüo mi̧nä̧ rekuarü ü̧jä̧wa̧ o̧'ka̧mä̧ irekua päi'ünä̧ ȩmä̧kua̧, ubüomi̧nä̧ i̧tti̧mü̧rü̧ yoepa pä'ü.

San Marcos 12:13

Ja̧'wa̧nü̧ ja̧'a̧, fariseo wotü yotüterü ja̧'wa̧ta̧nü̧ Herode umüwäyotüttü yotüterü, Jesú ü̧ja̧'a̧ku̧ we'inä̧tü̧; ji̧yȩtȩ ieruwa'ajakuänä pä'opo'ü, jua̧u̧nä̧tä̧ 'chuttädarü pä'ü.