San Mateo 22:13 - Nuevo Testamento Uwotjüja

¹³ Ja̧'wa̧nü̧ ji̧yä̧ku̧ ru̧wa̧ rey-mä̧ u̧mü̧wä̧yotürü pä'inü̧: «Ü̧jä̧pi̧yä̧nä̧'i̧nä̧, u̧mü̧pi̧yä̧nä̧'i̧nä̧ nü̧'kipü u̧mi̧ yo̧mȩku̧ do'opü ikuätukuirü. Jua'attümä̧ ttaku norü ajuäkuäwätä kkä̧kua̧'a̧.»

TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

San Mateo 22:13 Referans Kwoze

San Mateo 8:12

Ja̧'wa̧nü̧ ja̧'a̧nä̧, uruwo weomȩ ttü̧'ä̧mä̧da̧ pä'ü ä̧tȩkuo̧tü̧mä̧, yo̧mȩku̧tä̧, do'opü ikuäwäkuotü. Jua'attümä̧, ttaku norü ttajuäwäkuäwäkuotü.

San Mateo 25:30

Ja̧'wa̧nü̧ ja̧'a̧nä̧, pide adikuä i̧sa̧ ü̧tä̧wa̧rü̧mä̧ u̧mi̧ yo̧mȩku̧ do'opü ikuätukuirü. Juorümä̧ ttaku norü ajuäkuäwäkua'a.

2 Pedro 2:17

Juätü wo̧juȩkuä̧ isotümä̧ reju ajiya joäju jä̧'i̧nü̧'a̧nü̧'i̧nä̧, ajiya isoppa kkä̧rü̧'koppa ȩpa̧'a̧ jä̧'i̧nü̧'a̧nü̧'i̧nä̧ wotü; usurä ttȩmä̧wa̧ pä'ütä wotü 'kuäopünä̧tä̧ idikuttü'i̧nä̧ yabonä̧nü̧ yo̧o̧mȩ kkä̧nü̧tä̧.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

2 Tesalonicenses 1:9

Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

San Lucas 13:28

Ja̧'wa̧nü̧ ya'oku ikuomȩnä̧, jua'attümä̧ tta̧'kua̧ tta̧'ȩku̧, usurä ȩmä̧u̧ ajuäkuäu tottäkuotü, Abraha̧-rü̧'i̧nä̧, Isaa-rü'i̧nä̧, Jaco-rü'i̧nä̧, o'katoi'ünä̧ profetas winä̧tü̧rü̧'i̧nä̧, Ru̧wa̧ Dio weomȩ ttü̧ja̧kua̧'a̧. Ja̧'wa̧nü̧ ja̧'a̧nä̧ ukutumä̧, yorisotä u̧mi̧ku̧ rä'epü ikuäwäkuotüjä̧.

San Mateo 24:51

Usurä ȩmä̧u̧nä̧ ro̧ȩpä̧kua̧, ä'koyättü esetetätukutä. Juȩnȩmä̧ ttaku norü ajuäkuäwomȩ jä̧kua̧'a̧.

San Mateo 13:50

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

San Mateo 13:42

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Judas 1:13

Juätümä̧ rowäkuäwätä kkä̧u̧. Suronä̧ jȩttü̧mä̧ o'katoi'ünä̧ to̧ttä̧u̧, rü̧ä̧ aje ppawa'a jä̧'i̧nü̧'a̧nü̧ wotü. Si̧ri̧'kü̧ re'tewächätü jä̧'i̧nü̧'a̧nü̧, rü̧ȩnä̧ yo̧mȩtä̧ 'kuäopünä̧ kue'ächü kka̧kuä̧tü̧.

Judas 1:6

Ja̧'wa̧ta̧nü̧ á̧gȩrȩ-rü ttaditäwä tta̧ttä̧rä̧kuä̧wo̧ka̧'a̧, ttü̧ja̧kuo̧mȩttü̧ rä'opächinä̧tü̧rü̧mä̧, Dio-mä̧ yo̧mȩ 'kuäopünä̧tä̧ ttü̧'ȩjü̧nä̧ kärenä̧ ütinä̧u̧, ji̧yȩnü̧ ü'ojo'ü mo̧ro̧bü päi'ünä̧.

Hechos 7:54

Pi̧yȩ pä'a ä̧ju̧ku̧ ukuo isotümä̧, Esteba̧-rü̧ rü̧ȩnä̧ tta̧mi̧surächi'ina̧'a̧, ttaku'i̧nä̧ ttünorünä̧tä̧ päi'ünä̧.

San Mateo 13:30

Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.

San Mateo 12:29

¿Toku jȩpü̧ dottächü'anü̧ ja̧'a̧jä̧ttü̧, ya̧tȩ ju̧ru̧wa̧rü̧ ojusodenä̧ iäre 'chottiparü pä'ümä̧; ji̧nä̧ ä'kanä̧ jua̧u̧ru̧ ttü̧nü̧'koka'anä̧mä̧? ja̧'wa̧nü̧ jua̧u̧ru̧ nü̧'kipü'kotütä ojusode jäwämä̧ ȩmi̧pü̧ i̧wä̧wa̧'a̧.

Hechos 21:11

Jua̧u̧mä̧ ujuturu topü i̧chä̧ji̧'ka̧, Pauru äkäsäya ȩmo̧po̧'ü̧, juäyanä̧tä̧ u̧mü̧pi̧yä̧'i̧nä̧, i̧jä̧pi̧yä̧'i̧nä̧ nü̧'käwo'ü pä'inü̧: Epíritu Sa̧tu̧mä̧ pa̧'a̧nü̧ pä'ü, piya u̧ru̧wa̧rü̧mä̧ Jerusarȩ́-ra̧'a̧ i̧'chi̧'o̧mȩnä̧mä̧ Judío-mä̧ pa̧'a̧nü̧ nü̧'kü, judío pokotürü iyü tti̧kuä̧kua̧ pä'ü.

San Juan 21:18

Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.