San Mateo 22:10 - Nuevo Testamento Uwotjüja

¹⁰ Ja̧'wa̧nü̧ wȩä̧u̧ umüwäyotümä̧ mä̧ni̧yä̧ra̧'a̧ku̧ rä'opü o'katoi'ünä̧rü̧ ttü̧'o̧kui̧'ä̧u̧ru̧mä̧ ä̧tȩpi̧nä̧tü̧ adiwä isotürü'i̧nä̧, suronä̧ jȩpä̧'i̧jä̧tü̧rü̧'i̧nä̧ jü̧nä̧; ja̧'wa̧nü̧ jȩtto̧mȩnä̧ pä'käri jȩtto̧ka̧mä̧ juätü ttä̧tȩpä̧jä̧u̧ttu̧tä̧ suwädi'ina̧'a̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ päomenä, umöhuäyotö ötahuiyära̧'a̧ 'chä̧nö̧, o'ipinätödo o'ca toi'önä ttö̧'o̧cui̧'ä̧u̧ru̧ suropätö'inä, adihuätö'inä. Ja̧'hua̧nö̧ jȩpö̧, ru̧hua̧ ojusode suhuädi'ina'ado ttö̧ja̧ttö̧.

San Mateo 22:10 Referans Kwoze

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

2 Corintios 12:21

Ja̧'wa̧ta̧nü̧ yȩ'ȩkua̧sä̧ pä'äjita'anü̧ ukuturu do'ächü chichomȩnä̧mä̧, chü̧ä̧nä̧wa̧ Dio-mä̧ ukutu jäwä dä'ä ttudunä̧ jȩü̧'a̧nü̧ wa̧sä̧ pä'ü ja̧'wa̧ta̧nü̧ chajuäu 'kua̧ra̧'a̧ pä'ü, mo̧ suronä̧ jȩ'kui̧nä̧tu̧ku̧mä̧ ji̧nä̧ käkuädi'ätukuoka'a jȩpü̧ ku̧ja̧kuä̧tu̧kua̧'a̧ topü, tti̧rȩkua̧mü̧ pokotüku pä̧wä̧rü̧jo̧mȩnä̧ jȩpä̧'chä̧kuä̧u̧ jȩ'kuä̧tu̧kua̧'a̧ topü.

San Mateo 25:10

Ja̧'wa̧nü̧ jä̧u̧ mikuänä̧ ttiyomȩttü̧ ȩmü̧ tti̧'cha̧'a̧nä̧, Ü'käumä̧ täkü ichi'inü̧. Ichi'a'a wo̧juȩku̧nä̧ amükuädätümä̧, chutäku dodettächa'anä̧, äpatemä̧ mü̧ȩkuä̧chi̧na̧'a̧.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

San Mateo 9:15

Pättäku, Jesú-mä̧ ädätinä̧u̧: —¿Jua̧u̧nu̧mä̧, ya̧tȩ irekuarü ȩma̧'a̧ ä̧tȩpä̧jä̧u̧mä̧, chutä jitütäku ü̧ja̧'a̧nä̧mä̧ tta̧'kua̧ tta̧ttȩku̧'a̧nü̧ tä̧jí̧? Ja̧'wa̧nü̧ ja̧'a̧nä̧, irekuarü ȩmü̧rü̧ ttȩmi̧pü̧ mo̧ro̧ päi'omȩnä̧mä̧, jua̧u̧nu̧tä̧ jä̧kua̧'a̧ ttu̧kuȩ a̧do̧chü̧ jȩttä̧kua̧'a̧mä̧.

San Mateo 22:9

Ja̧'wa̧nü̧ ja̧'a̧ttü̧, mä̧ni̧yä̧ räopomȩku̧ tätukui, juorü to̧'kuä̧tu̧kuä̧u̧ru̧mä̧ o'katoi'ünä̧rü̧ kuä̧tȩpä̧tu̧kua̧jä̧, pä'kärira̧'a̧ tticha.