San Mateo 21:42 - Nuevo Testamento Uwotjüja

⁴² Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?

TÄ̧DO Ä̧CUÄ̧ I̧HUȨNȨ

⁴² Ja̧u̧nu̧ o'ca'a Jesús päinä̧u̧do: —¿Huȩyu̧cuä̧ Huȩnȩ yoröiso ucuocuocotö pä'ijätöjä tä̧ji̧? Ja̧u̧ huȩnȩ päa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä. Ja̧'hua̧nö̧ jȩpi̧nö̧ Tu̧ru̧hua̧. Ujutu yoröiso adihuä juäi pä'ätöjä.

San Mateo 21:42 Referans Kwoze

Hechos 4:11

Pide Jesú-mä̧, ukutu isode adikuä isotü, ido'ki surojo'ki pä'ü kuju'kätukuoko'ki ji̧no̧'ki ja̧'a̧nä̧, ji̧nä̧so yo'kitä kkada'ka iso'ki päi'ünä̧ pärowächino'ki ja̧'a̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Romanos 9:33

Ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧ pä'a: Jerusarȩ́-nä̧ ido'ki kku̧nu̧sä̧ Juo'kinä̧ ppe'okuächü, rekuätü ma̧ttä̧chä̧'chä̧kuo̧tü̧. Ja̧'wa̧nü̧ ja̧'a̧nä̧ Dio-mä̧ churutä tta̧'kua̧ wȩnä̧rä̧tü̧rü̧mä̧, jaropi'okü jä̧kua̧.

San Mateo 21:43

Ja̧'wa̧nü̧ ja̧'a̧ttü̧ ukuturu pä'üsä: Dio ru̧wa̧ jü̧nä̧ weümä̧ 'choipäkuä̧u̧jä̧, kkorotü ttü̧ja̧rü̧ iya pä'ü, u̧wä̧ju̧ iyätürü.